(( لن أخبرها بمشاعري ))

#لن أخبرها بمشاعري٤#

الجزء الرابع
***************

وفجأة انكسر زجاج الشباك وطاح عليهم وفداء مازالت حاطه يدها على فم وداد وتأكدت باليد الثانيه انها ماسكه السكين،
ومن الجهه الثانيه فداء و وداد شمو ريحة شي يحترق،
فداء قامت تزحف على بطنها وتجر وداد معها وهي تهددها ما تسوي اي صوت،

وداد شهقت من منظر الدخان المنتشر في المطبخ،
فداء ركضت لمصدر الدخان وهي تقفل الميكرويف : الحمد لله مافيه غير الخبز اللي احترق والقهوه، يلا بسرعه نصحيهم.

وداد وهي لاصقه في فداء : يلا يلا بسررعه تكفين.
لحظه قبل نطلع نسكر الباب والدرايش كلها،
سكرو الباب بالمفتاح ثلاث مرات والشبابيك كلها تأكدو انها مقفله وطلعو فوق يصحون إخوانهم وأبوهم.

_&_&_
عند فداء

وهي تحاول تصحى عبدالرحمن وسلمان وتمثل انها تبكي : دحوم قووم بسسرعه تكفى عبدالرحمن قوووم فيه ناس برا معهم اسلحه تكفى قوم قوم بيذبحونا... ااااه يا عبدالرحمن فيه طلقه في كتفي الحقني يا سلمان قووومو.

عبدالرحمن قام مفزوع لأنه صحى من النوم على الأصوات وفكر انه يتهيأ له، قام بسرعه وراح عند فداء اللي واقفه في نص الغرفه وتصارخ وحط يده على كتفها يتأكد : فداء وش فيه!
فداء لفت عليه ويوم شافت الخوف بعيونه بكت صدق وهي تتذكر الرعب اللي مرت فيه قبل شوي : عبدالرحمن فيه ناس تحت معهم اسلحه وكسرو شباك الصاله الكبير.

عبدالرحمن بخوف وراح بسرعه عند الشماعه ياخذ ثوبه : احد صار له شي؟ فيه احد صاحي غيرك؟
فداء وهي تعطيه نعاله وجواله : انا و وداد،
والحمد لله ماحد صار له شي.

عبدالرحمن وهو طالع مستعجل من غرفته رايح لغرفة ابوه وأمه : صحي فهد ومصعب ولا تصحين سلمان خليه نايم.

فداء ركضت لغرفة فهد ومصعب تساعد وداد وتصحيهم معها،

دخلت حصلت فهد ومصعب قايمين ويلبسون اثوابهم وطالعين برا الغرفه بسرعه رايحين عند عمهم يصحونه.

________________&_____________
تميم صحى من النوم بسرعه وصحى حصه عشان تقوم عند البنات،

طلع مع عبدالرحمن عند اخوه سلطان لقاه واقف مع فهد ومصعب وعياله في الصاله ويشوفون الزجاج المكسور.

سلطان بقلق : مين شافهم يا مصعب؟
مصعب : خواتي يا عمي.
سلطان لف عليهم وقال : كل واحد يروح يجيب الشوزن حقه بسرعه.

الكل راح وفي ثواني اجتمعو مره ثانيه وهالمره كل واحد معه الشوزن في كتفه.

سلطان بتكتيكيه : فهد ومحسن وعامر اطلعو في الحوش من الجهه الخلفيه عند باب المطبخ وعبدالرحمن ومصعب وفايز يروحون عند الجهه الاماميه عند الزجاج اللي تكسر وانا وتميم بنطلع فوق السطح وانتبه لجوالاتكم، اذا شفتو شي اتصلو علي او على تميم.