(( لن أخبرها بمشاعري ))

#لن أخبرها بمشاعري الجزء الثالث #

الجزء الثالث

88888888888888888888
في بيت تميم|مجلس الرجال

تميم وهو مهموم: نقول لهم الحقيقه؟
سلطان بدهاء: بنقول لهم نص الحقيقه.
تميم باقتناع: يكون أفضل، انا بقوم اناديهم.

دخل تميم وعياله وعيال سلطان المجلس وبدأ سلطان يتكلم وهو حريص مايقول شي مو بلازم يعرفونه،

سلطان : شفتو نايف؟
الكل : ايه شفناه.
سلطان : نايف هذا مساعد لواحد اسمه بتال،
والد بتال زمان كان صديقي انا وعمكم ..
خالد (والد بتال) كتب قبل يموت مبلغ مالي كبير وشركة عقارات الي بيتزوج وحده من بناتنا لمدة 20 سنه، اذا خلصت الـ20 سنه بيعطيه المحامي الفلوس والشركه بتنكتب بأسمه،
هو له في الشركه اكبر نسبه،
الشركه هذي شراكه بينا وبينه وبين صديق ثالث انا...
خالد الله يرحمه مثل ماقلت له اكبر نسبة أسهم في الشركه ذي،
وقال انه بيسجل الاسهم بأسم اللي يفوز.
التحدي ذا كان ينحصر على عيالي انا وتميم وعياله،
وحنا يوم توفى خالد انسحبنا من التحدي ورفضنا الاستمرار فيه وبتال صار يشوف اننا خنا ابوه وانتظرنا موته عشان نزوج أحد من عيالنا لوحده من بناتنا وناخذ الفلوس والشركه.

محسن بعدم فهم: كيف يشوفون انكم خنتم صديقكم لمجرد انكم انسحبتو من التحدي ذا!!

فهد : السؤال الأهم ليش ابوي وعمي انسحبو من التحدي اصلا؟

سلطان تحمحم بضيقه من أسئلتهم : اححم اححم، كل أسئلتكم بجاوبكم عليها...،
يشوفون اننا خنا صديقنا لان يوم درينا بالشركه والمبلغ المالي رفضنا التحدي، وهذا في وجهة نظرهم غش، وانتظرنا موت الرجال عشان ننسحب...
اما بالنسبه لسؤالك يافهد خالد قبل يتوفى وصانا على عياله، وقال لنا ابعدو عنهم اي شي يضرهم،
وهو كان متأكد ان الفلوس الكثيره اللي بين يديهم بيستعملونها بطريقه غلط ومارح تفيد احد، بالعكس بتضر الكل.
يوم كبر بتال وإخوانه كل واحد من أخوانه اخذ ورثه من ابوه وكل واحد فتح مشروعه الخاص فيه،
الا بتال كان عنده مطمع انه ياخذ الشركه والمبلغ المالي حق التحدي.
أنا وعمكم يوم شفنا أخلاقه وانه احتمال كبير يستعملهم في اشياء فيها ضرر، قمنا ننسحب من التحدي ورفضنا زواجه من وحده من بناتنا،
وهو في وجهة نظره اننا صرنا خونه.

عبدالرحمن بعصبيه : عمي انت وابوي غلطانين، من متى وعندنا في الدين تقسيم الورث؟!
الورث يتقسم بالشرع والدين والشركه هذي والمبلغ المالي مفروض يروحون لأهل المتوفي حنا مالنا دخل، هو مجرد صديق لكم بأي حق تورثون منه!!!

سلطان : اسمع يا دحوم، حنا مانورث منه، هالشركه والمبلغ المالي خالد قال إنها دين في رقبته للي بيتزوج وحده من بناتنا، وإن فشل عياله في انهم يتزوجون وحده من بناتنا هذي الشركه والمبلغ يروحون لدار الأيتام ودار رعاية المسنين والدوله،
ومكتوب من ضمن الشروط انو لازم مثل ماقلت لكم الزواج يتم عليه 20 سنه كاملين.