عشك النقيب

Part 1

هذا انه جنح مكسور
و من نفس ريه انلـﭼـم ،
هذاك انه شطر محظور
من الومضة والبيت انقسم ،
وهذا انه الوگ هواي لليعقل
ومامش لروحي رسم .

كعدت ثاني يوم  واني مهدود حيلي من

الالالم الهاجت عليه ومن الضرب الكسر

عضامي وما خلاني اكدر اوكف على رجليه

ردت اتحرك ردت لج اكوم اطلع من المخزن 

المحبوس بي طول اليل والحشرات التكرص

بيدي لو برجلي واني ماكدر اوخرهن بس

اتحرك يهيج عليه شي من الالم ماكدرت اكوم

منين ماانكلب يكوم يوجعني شي بجسمي 

سحلت روحي واني ازحف وصلت يم الحايط

وانتجيت عليه راسي ليفوك رافعه و عيوني

ع السگف واني اتذكر  موقف البارحة ..

جنت گاعد اقرا عندي امتحان صعب دخل ابوي گلي ...

حردان ... يلا حضرت جنابك الكسيف شوكت تطلع لشغل حالك من حال اخوتك

محمد ... يابه عوفني بحالي عندي امتحان صعب اكمله واطلع لتخاف اجيب الفلوس وتخليهن بيدك

حردان ... ولك شنو هذا لسانك دحك بوجهي ولتخليني اتعامل وياك معامله تكرهك عيشتك

محمد ... ضحكت مستهزء وابتسمت صفح وگلتلو ع اساس هسه انت معيشني ملك والخدم تحت امري شو هسه انت تعاملني مثل متعامل الحيوانات هم الحيوانات احسن مني تعاملهن روح يابه خليني مركز كتلك اكمل واطلع اشتغل لتخاف ليوم متنام اله والفلوس مال الخادم بيدك

حردان ... ولك شهل الرد هيج ترد بوجهي شنهي انه صاحبك ومادري بروحي شو تعال

محمد ... نزع النطاق الجان لابسه وضل يضربني بكل مكان تجي ايدو عليه لان عبالو

بلضرب ابطل مرادد لو الانسان يمشي عدل بضرب بقى نص ساعه وهو يضربني لحد ما تعب جان قافل الباب واسمع بس صوت الباب يتسكر امي واخوتي يصيحون لحد ماا اخوي

كسر الباب وطبو شافوني مدد بلكاع وكلي دم وجسمي ازرگ من ورا ضرب النطاق اجه عليه اخوي غضبان يركض عليه وصاح

غضبان ... دحك محمد تسمعني تكدر كوم وياي

محمد ... ماكدرت احجي شي بس اسمعو وروحي رايحه كومني واخذني للمستشفى
شدولي مغذيات وسوالي تحاليل واشعه طلع عندي كسر بيدي وبخشمي جبروهم الدكتور شك وكال

_ شنو سبب هذا الكسر وأثار التنعيف متعرض لضرب ؟؟!

غضبان ... لا دكتور نازل يركض ع الدرج وگع مالحگنه عليه

جان الدكتور شاك هذا الكلام مو صحيح بس سكت وماحجه شي خلص المغذي شوي صار بيه حيل وركزت جانو مخلين اليه مسكنات ويا المغذي وكدرت انام شوي علما صحيت اخوي فوك راسي كاعد باوعتلو شافني وگال