عشك النقيب

Part 7

وأشتاگلك وارجَع طِفـل
ما يقتنع هـو بعـذِر
ما يعرف فراگ وهجِـر
كل اليشوفـه يريـده
حاجاتـه كُلهن بَس الـه
وممنوع واحِـد يقترب
حاضنهِن بـ چَف ايـده ...

ساره ... ضجت حيل بلبيت اريد اطلع رحت ل بابا ردت اكولو يطلعني جان كاعد بلاستقبال رحت عليه وكعدت كدامو وكلتلو بابا خل اطلع حيل ضجت طلعني

ابو عمر ... بابا سرو خليها بعدين حيل تعبان اني لو روحي لاخوانج كليلهم ابوي يكول خل يطلعوج

ساره ... بابا انت تعرف بيهم ميقبلون هسه جوهر وحسين الافنديه ميخلوني يكولون كبرتي شكبرت ترى عمري ستوه صار 13 سنه يعني ال 13 عدكم هاي جبيره ولازم متطلع بعدد

ابو عمر ... ههههههههه ولج ساره شو لسانج طولان بس فدوه الج حبيبتي بعدين خل ارتاح واني اطلعج هسه حيل تعبان ابوج يعني عادي عندج هو وتعبان ياخذج ويفتر بيج واتعب بزايد تقبلين

ساره ... لا بابا يلا ارتاح انت راح اطلع بلحديقه اغير جو وانت ارتاح واني ماروح لجوهر افندي هسه يكوم يدرم ع راسي وعوجت حلكي وكمت احجي

انتي كبرتي

وانتي صرتي مره

وبس يجيج احد يخطبج
كبل ازوجج واخلص منج

ابو عمر ... ههههههههه فدوه لسوالفج بنيتي احد يزوجج بهل عمر واني عايش بعدني بكيف جوهر وحسين اني امشي ابوج مو هم

ساره ... رحتلو حضنتو وكالتلو فدوه اروحلك بابا حبيبي الله يحفضك اليه وميحرمني منك يروحي وبستو بخدو هو ضحك ورحت طلعت افتر بلحديقه وكعدت يم الورد واخذت ورده وضليت اشتم بيها وشوي وسمعت صوت الباب تندك جنت مدنكه وشعري نازل ع عيوني رفعتو ليفوك وصحت منوو

محد جاوبني نفخت بضجر وكلت شبي يعني اخرس ميكول اني اله يخليني اكوم وافتح لباب يلا كمت واني عصبيه وصلت يم الباب فتحتو وجان واكف يمو ولد داير وجهو شفتو شطولو غميتو وكلت منوو انتت

محمد ... سمعت صوت ناعم وراي التفت وفتحت عيوني  وحواجبي طبكتن حيل  مصدوم ...

هاي شنو الواكفه كدامي الشعر والملابس المدلعه يعني هيج تطلع لليدك الباب وصحت بيها

محمد ... هيووو ولجج شكوو هيييج طالعععه مدلعه ليبرا متستحين انتيييي ادبسزززز امشي ولي طبي جوه وسويلي طريق كمشت ايدها ودفعتها حيل ليجوه وسديت الباب برجلي بعصبيه

ساره ... بعده مادار وجهو وماحسيت بي اله وعاطت بيه بكل صوتو ونوب دفعني وكعت ع ايديه ونجرحت وعيوني غوركن من الدمع منو هذا الحقير الهيج يدخل بيتنه ويدفني مسحت دموعي قبل ليوكعو ويشوفني ابجي وكمت لعندو وكفت بوجهو وضربتو راشدي بكل قوتي ومحروك كلبي من تصرفو