عشك النقيب

Part 23

دَعتك لسان وگلب
مبري العِشك والذمة
ما دَام مو نَفس الحِلم
كُلمن يروح لحِلمة
مَا شفت منك بَس حِزن
ينفتح شباچ السِجن
بس ما يفوت نَسمة
انت الكِتاب الحافظة
ولليوم مَا مفتهمة
ما اريد يُبقى بخاطري
وماريد احسَ بذَنبك
واتمنى اوصل مَرحلة
لا اكُرهك ولا احبك

محمد ... عاندت اله اخذها وخاصتٱ من بعد كلامها يوميه تحجيلي كلام شكل يوم احبك مثل اخووي
يوم انت اخوي ويوم اكرهك ويوم ما حبيتك اصلا
موتتني يوميه تحركني حرك بكلامها قررت اسويها

وياها ب العناد و اكسر خشمها يعني اني ميت من
وراها وهي جايه تتبطرن عليه سويت العمايل
علمودها رحت هجمت ع ايسر وفلشت بيتو ب
الفشك ولو ميت هسه اني بسجنن واخسر وضيفتي من وراها بسيطه ساااره اله اعلمج هيج تسوين بيه

رحت ع البيت حجيت ويا اهلي كتلهم هسه نروح نمسك عقد اني وياها انطوهم خبر ونطلع ع
المحكمه باجر وراها ب اسبوع العرس

حردان ... وعليش هيج انت مستعجل وتريد تزوج بسرعه شنو راح تطير البنت

محمد ... اي راح اطير خلص اني حددت ومااريد احد يحجي غير الي اني كلتو وعفتهم ورحت

امي اتصلت ع بيت خالتي وخبرتهم وثاني يوم طلعنه ع اني وغضبان نحضر غراض البيت ونرتبو ..

ساره ... جنت كاعده و اگلب بتيك توك طلعلي فيديو يسبون محافضتنه حيل تنرفزت وماتحملت اله احجي علقت وتكاونه اني والولد بتعليقات اجه ولد ثاني فزعلي اسمو احمد

ودز طلب متابعه وافقت  عليه وراسلني تعرفنه ع بعض ضلينه نحجي هواي محمد ماعرف عنو اي شي كمت اتعلق ب هذا الولد  وسولفتلو عن كلشي حسيتو صديقي وجنت اعرف هو ميعرفني وما خفت من احجيلو اي شي وكلتلو ع اخواني وعن محمد هم

بقيت يوميه اراسلو ما اعرف اذا ما اذكرو ونحجي بقيت ناسيه السالفه مال خطبتي ومحمد هم غلس اني ارتاحيت منو وبعد مايجبرني ويمشي كلمتو

ع تيك توك بقينه نتراسل تقريب ال شهر بعدين كلي عندج غير برنامج كلتلو ع الانستا  انطتيها و كمنه نتراسل ع انستا طلب صورتي حتى يشوفني 

ودزيتها  الو طورت العلاقه وكمت افتح كام ويا بس اطلع نص وجهي  جان كلشي يطلب مني انفذو حسيت نفسي كمت احبو يوميه اكثر واكثر وما اريدو يزعل مني

الى ان اجه يوم  تكاونه اني ويا وصار عصبي وكام يهددني بصوري اني هين نتهيت بويه راح اموت من الخوف گلبي طلع من مكانو  هسه شسوي كمت ابجي
ماعرف شسوي المن احجي اذا انشرن صووري راح يموتوني اخوتي والله

وانوب محمد اذا عرف كبل يذبحني واني هل فتره كلها ما احجيت ويا لان جااي يرتب بل غراض
ويشتري شغلات للبيت ما حب نزوج عند اهلو
اشترا بيت قريب عنهم وجان يجهز بي و اتاخر