ضابطه و اروح فصليه

هلا شلونكم

مساء الخير او صباح الخير باي وقت تقرون هذا البارت اتمنى تتفهمون حالتي النفسيه لاني جاي اعاني من مشكله كبيره والي هيه اهلي هسه راح تكولون ليش اهلج المفروض هما اهم وافضل شيء بحياتج لا اهمه اسوء شيء بحياتي جاي اعاني من تتنمر عليه هواي والصراحه اكثر شيء من اخوي الكبير واختي وامي والمشكله ابويه هم يعني المفروض على الاقل امي وابويه يوقفونهم عن التنمر عليه بس لا امي تجي وتقول له عفيه اي احجي احجي عليها اي طبعا اخوي الكبير من الناس الي مايفضلون الكلام واذا تكلم عليه شخص مايرد فامي تريد تعلمه يريد ف قالت له
امي:احجي عليها حته لو ما مسويه شيء بدون سبب
المهم جنت كاعده وفأجه سمعت اخوي يقول
اخوي:القرد قرده المطي وينج
انه:ويه منو جاي تحجي
امي:هههه عادي جاي يتشاقه وياج هوه اخوج الكبير لاتحجين
يوم ثاني
اخوي الكبير:وين المطي الاسود
انه:منو
اخوي الكبير:انتي ماغيرج
انه:والله انه سمره مو سوده حرام عليك تحجي هيج انته جاي تحجي على خلق الله
امي:عادي اخوج الكبير جاي يمزح وياج لاتسوين كل هاي الدرامة وكلامه صحيح هم
المهم عبرته اله واستمر الموضوع اكثر من شهر بحيث حته اولاد عمامي كامو يقولون لي قرد و اولاد خوالي هم بحيث كمت من اتباوع بالمرايه احس روحي صدق قرد او احس نفسي جاي انضر ال قرد كمت حته اخواف اتباوع النفسي بالمرايه بسببهم صراحه وبس الي عانه من هذا الامر راح يفهم
مره ثانيه
اختي الكبيره واخوي
اخوي الكبير:وين هاي المطي السمينه وزنها100كيلو
انه:وزني 45والله
اختي الكبيرة:بويه شسمناتج جنج طلي ضعفي شويه
اسمتر الموضوع ال اسبوع كامر تدموت نفسيتي بسببهم صراح كمت من اتباوع للاكل تلعب نفسي استغفر الله ما ادري ليش كاميصير وياي هيج صاير لي اسبوع ما ااكل بس فواكه الموضوع جداً مؤلم ومزعج لان هذا التنمر مو من شخص غريب من اهلي امي وابوي نفسهم مو من اي شخص اتمنى تتفهمون حالتي النفسيه بهيج وقت وشكراً الكم لانو جاي تقرون كل هذا الكلام اتمنى منكم كلمه حلوة تساعدني على تخطي الامر وانه دا اكتب هذا الكلام هسه وعيوني تصب اتمنه تعذروني اتمنى الكم يوم جميل باي