قيثارة الدون

الراوى

الفراغ فى حياتنا ....

سواء الفراغ العقلى أو النفسى أو الجنسى أو العاطفى أو الروحى ...ألخ

عبروا عن مشاعركو ياجماعة، متكتموش كل حاجة جواكم لحد ما تتعبوا وتكتئبوا. دوروا علي حد يسمعكو بإخلاص، ولو مش لاقيين اكتبوا علي الورق أو ارسموا. مارسوا رياضة أو اتعلموا الرقص والمزيكا. طلعوا الطاقة السلبية بأي شكل قبل ما تهزمكو من جوه.

وفعل زى ما قال عم فرويد "المشاعر الغير معبر عنها لا تموت أبدا، بل تدفن حية. وستظهر لاحقا بطرق أقبح"

لازم نكون صادقين مع نفسنا ونتلاشى الهروب بمعنى نعترف ونعالج مش نهرب ونسلم نفسنا لكلمات من بعض الناس عباره عن مسكن لا يغنى عن العلاج

أحيانا لما بنكون تعبانين وبنتألم ويمكن بنموت من جوانا بنلاقى ردود من بعض الناس حوالينا زى مثلا ....

معلش يومين وهيعدوا، و ربنا هيفرج عنك وقوم صليلك ركعتين أو ولعلك شمعة وصلي للرب. كل الكلام ده جميل منهم انهم بيحاولوا يشاركونا لكن للاسف برده مش بيغنى عن المواجهه والعلاج

الكلام ده ماهو إلا تجاهل للمشكلة والهروب من التعمق فيها

دايما بنسمع ناس تقول الفراغ قاتل لكن والله هو فعلا كده ودى حقيقه خصوصا لما نشوف اعراضه ونشوف ممكن يوصل لايه ساعتها بنعرف خطورته

** حزن أو قلق مستمرين وإحساس بالخواء (الفراغ الداخلي)

** تشاؤم وفقدان للأمل

** إحساس مستمر بالذنب أو إنعدام القيمة أو العجز.

** فقدان الإهتمام والمتعة في الهوايات والأنشطة المختلفة

** الخمول وفقدان الطاقة

** تغيرات حادة في الشهية باختلاف معانيها

** الحركة والكلام بشكل بطئ (أبطء من المعتاد)

** صعوبة في التركيز والتذكر واتخاذ القرارات

** قلق وصعوبة في النوم أو النوم الكتير

** التفكير في الموت أو الإنتحار كتير أو محاولة الإنتحار

صراعات داخليه كتير جوانا ممكن تقتلنا

فى فيلم اسمه قلب الليل للأديب نجيب محفوظ والفنان نور الشريف فى دور (جعفر الراوى ) تناول قضية الصراعات الداخليه داخل الانسان

جعفر الرااوى انسان بسيط كان كل مشكلته انه عاوز يعيش الحياه بكل متعها لكن كان دايما الصراعات والحيره شغاله جواه وتعباه

يا ترى هيرضى مين ولا مين من اللى حاوليه ولا هيصدق مين

يا ترى هيرضى ,,,

** جده الممثل لشخصية الدين!!!!!!

** ولا صاحبه المغنى الممثل لدور الفن

** ولا زوجته الأولى الفتاه البدويه الممثله لدور الشهوه فى حياته

** ولا زوجته التانيه الممثله فى دور العلم

للاسف الصراعات الداخليه داخل (جعفر الراوى ) كانت أقوى منه ووصلته بالفعل للجنون

لانه كان دايما فى حيره مابين الفن والشهوه والعلم وارضاء الدين اللى اتعلمه واتربى على ايده الممثل فى دور الجد

للأسف اتجنن علشان هو وكل اللى حواليه تجاهلوا النقط اللى ذكرتها فى كلامى

أنا عارف انى طولت فى كلماتى لكن عاوز أقول حاجه مهمه جدا

عيش الحياه واتمتع وواجه الصراعات الداخليه جواك وما تبقاش جلاد لنفسك

وابتعد عن الاصطناع وجدد وشوف انت محتاج ايه وعاوز ايه وازاى تعمل لنفسك معادله مرضيه لك

#تخاريف_الدون_علاء_الدين_دى_ساد_الشرق