اسميتها فاتنة الزمان

بارت 3

نياله الما عشگ !
ونعاف .
لآ شامت يغثه
ولآ يتعبه الليل.🖤
.
.
.
.
.
.
.
ياسر :گعدت واحس روحي تريد تطلع الوجع بكل مكان بجسمي ونوب الغرفة مليانة اوادم اشوف من هاي الجهة عمي محسن وابنه سجاد وعلي ومن هاي الجهه

عمي سالم وياه ابنه سيف وحسين وابوي واگف يمهم اني تعبان اتوجع وهمه يسولفون وياي تالي اجة الدكتور طلعهم برة گال ميصير هذا مريض بعده تعبان اللمات موزينة عليه لازم بس واحد يطب وياه بابا اجة وياي وهمه بقو ينتضرون واجة خالي عزيز وهم ضل برة

وبابا گال

الحمدلله على السلامة ياسر شبيك شنو يوجعك

گلت يابا كلشي يوجعني بس شلون اجيت هنا بابا گال

ابني طلعت مسوي حادث بشاحنه وخطيه هم ابو الشاحنه متأذي هواي

اني تذكرت اني شربت ورحت بسيارة

وجان بابا يقاطع تفكيري گال

ابني انوب دير بالك والسيارة راح اخذها 5 اشهر ليما تطيب اني اريد اگعد ع حيلي من الصدنة كلشي الة السيارة بس توجعت بابا گال اگعد شبيك يمعود متشوف حالتك وسئلت بابا ع اخواتي وماما گال زينات الحمدلله بس ضلن يبجن عليك اني اجت ببالي زهراء گلت وزهراء جان يگوم يضحك گال

ولك بويه متدري كلنا عرفناك تحبها وغمز لي

اني وجهي صار اصفر گلت شنو گال يي بويه لمن طلعت من العمليات ضليت تهذي بأسمها تالي الدكتور اجة ناداها فاتت يمك طلع عشكان من ورانا

گلت لا بويه شنو هشي ماحبها وصديت للجهة الاخرى ابوي گال اسكت ترا عرفناك تحبها يلا المهم بويه نام موزين عليك واجة الدكتور ضربني مهدأ وغفيت
.
.
.
زهراء:-اجو ناس هواي لبيت خالتي واني وزهراء ورؤى واخت زهراء هم اجت خطيه ضلت تبجي وعانتنا وتبارك ضلت تغمز واني اريد ابجي من الفشلة كل شويه تجي خالتي وامي بلمطبخ يضحكن واني اريد الگاع تبلعني وبليل نمت بغرفة تبارك من  التعب تلگحنه

ثاني يوم الصبح خفت الناس وشغل قليل وخالتي خبروهه من المستشفى عمو ابو ياسر گال بعد اسبوع يطلعونه لأن بعدهه الجروح ماتشافت زين

بعد اسبوع من التعب

تبارك:-واخيرا اجة اليوم الي راح يطلع بيه ياسر من المستشفى احنه كل يوم نروح عليه نطمن ونرجع و محضرين البيت وحضرنالة غرفة جوة لأن ميكدر يصعد فوك لغرفتة وحضرنا جكليت حتى لمن يجي نطشر فوگاه خطية اليوم راح يشبع جلاليق بلجكليت المهم بلبيت بس خالتي ام زهراء (طبعا همه يمنه يعني بيناتنه يمكن 3 بيوت) وخالتي سعدية وبناتها 2 واني وزهراء ورؤى واجت علينه  اختي (صارت الساعة 4 العصر) همه گالو يجون العصر واحنه كلمن شايله علاكه جكليت الة زهراء متقبل تطلع من غرفتي واجو شفت 3 سيارات من ضمنهن سيارة ابوي وشفتهه فاتت للحوش وبابا طلع يركض من السيارة وراح فتح الباب الورة طلع منها احمد وجاب له الدراجة صعد بيها واحنه طشرنا فوگه جكليت وهوه تفجج خطيه 😂 وفوتنا للبيت ومدده بابا ع جرباية بلغرفة وهوه تعبان ضلينه عنده نسولف وشفت يدور ع احد من الموجودين عرفت زهراء اني گلت خطيه عوفو يرتاح هسة اجة وفعلا كلنا طلعنا واني صعدت

لغرفتي شفت زهراء متمدده ع موبايلها گلت ولج اجة احمد متروحين تسلمين مادكولين اجة تعبان هيه گالت انجبي انتي معليج بيه گلت يلا روحي سلمي كلهم هناك لتخافين وراحت نزلت اني ضحكت ونزلت وراهه رحت الهيهم اخذتهم للصالة ع اساس اكو موضوع مهم گلت ماما بابا خالتي وكل الموجودين اني عندي موضوع اريد احجي (اصلا معندي بس ع مود الهيهم 😂💔) وضليت احجي سوالف تعبانه وهيج

زهراء:- تبارك گالت روحي سلمي اني گلت بگلبي لازم اروح بالنهاية هو ابن خالتي ورحت نزلت عبالي كلهم وياه بالغرفة وفتت ون ماكو احد

هو صد لجهتي واني تلبكت گلت الحمدلله على سلامتك گال الله يسلمج زهورة شعجب ماجيتي سئلتي گلت اءء مو جنت نايمه وهوه ضحك شويه وگال اهاا هسة فهمت اشو تعاي كعدي هنا وأشر ع جرباية وگلت لا مو تاروح اساعد تبارك گال

دنجبي تلحكين تساعدينها ورحت گعدت وهوه گال

زهراء اني ابوي گال لي شگلت لمن طلعت من العملية واعرفج تفشلتي واني اسف حقج بس اني اريد اعترف لج بشي اني قاطعته كلت

عفيه مو تاروح هسة بعدين احجي وعسريع رحت طلعت وهوه سمعته يضحك وراي اني صعدت فوگ وگلت لا يربي همزين لحگت نفسي هسة شگول شطلع اني اعلمج تبارك ورحت طول اليوم مانزلت ولا شفت وجهه بليل گلت لماما منروح كافي كالت ايي هسة نروح

تبارك:-مر اليوم بليل خالتي تاتروح ع بيتهه بيتهه قريب تكدر تروح مشي كلت خالة دضلي بس هليوم هيه مقبلت وجان يروحون واجو ناس يسلمون تعرفون بعد وضلو الناس يروحون ويجون اسبوع والاسبوع الورا عرس بنت خالتي رفولة وابن خالتي واجة يوم العرس اني تمكيجت مكياج نص ونص يعني لاهوه خفيف ولا هوه ثكيل مال اعراس ولبست فستان احمر هيج دموي ولبست كعب ابيض وشعري خليته مفتوح وصار يوم العرس

"يتبعععععع"
تعبت هواي من كد التعب حطو نجمة ⭐ اوك 🙂😂