الكاتبة:تبارك صلاح
#مصيري المجهول بيد داعشي
إذا قدر لي أن أعيش حياتي مرة أخرى لكنت وجدتك عاجلاً🦋💙
ـــــــــــــــــــــــــــــــــــــــــــــــــــــــــــــــ
روز: اووف خلي اتصل اذا جاوب زين ع زين مجاوب يسوي فضل والله.. توني اتصلت فتح خط... ياربي دخيلك انطي مجال يدك
يوسف: وليش انطي مجال وكلبي جمره صاير
روز: اممم اوك وتالي
يوسف: التالي احبج والله العظيم احبج واموت بيج صعبه ليالي بدونج ومايكمل يومي بدونج ابد والله
روز: اصبر ترة يراد ادخل دورة بالاحاسيس والله ماعرف هشكل احجي كلام حلو مثل متحجي...
يوسف: مو كلامي هذا كلام كلبي..
روز: ترة احس اني الرجال وانت المرة
يوسف: كبر مال ثول
روز: اي والله ههههه اتنطك احساس كتلك ماعرف احجي يااخي سد حلكك شؤيه
يوسف: صدك ضوجتيني دروحي اذا فتحت الخط عليج باي...
روز: يالله حتى حساس عنده يزعل اني لا هيج ولا هيج الله منين خلقني نزلت جوة ولكيت امي طالعه بمريم اتودي شغلات محتاجتهن لان مريومة حامل وراح اجيب
طلعت لطرمه دانظف بيها وشعري رافعته بس منا ومنا واكع كملت ذبيت الشال ع جتفي ودانظف بيها ومااحس غير اكو اصوات دتتقرب بنفس المنطقه ويصيحون ياناس ياعالم هذا البيت مطلوب حسيت الصوت كولش قريب عبالك ابيتنه اشويه وانرفس الباب ضربه قويه جفلت من كل كلبي واشوف عينهم عليه كلهم لابسين اسود باسود ولحايه وعضلات هنا شردت وسديت باب الهول وطبيت حنين وسعاد نزلن لا تطلعن الجهال اعيط راحن كل وحده لغرفتها يباوعن من شباك رحت اركض ع غرفت امي وجان صوتهم قوي كولش طلعت سلاح ايهم لفيت شالي وطلعت ضلو يباعولي.....
روز: ولكم عيب ع الشوارب تجي للبيت وتعرف صاحبها غايب وعيب ع رجال يرفس الباب ويصيح مطلوب دم عدكم حجي واجهو الزلم من تلتم واتفو ع الي وكلكم ومارباكم واحد منهم كتله انت اعرفك هاي رفست الباب اذا ماطلعها من عيونك ماكون بنت فلان بيت افلان....
ضلو شي اتباوع لشي بس مستحيل المنطقه كتل العالم واني بطرمه وسلاحي بيدي ماعرف ارمي بس جان ابالي اخوفهم وفعلا من شافوني وطريقه كلامي واحجي دارو وجهم وضلو يزامطون ويحجون مسافه من بيتنه شفت انس يباوع والجوارين والعالم مكلوب طلعت داسد بابنه كتلهم الرجال الي بيكم يواجه الديوان ويا زلم من تحضر واكوم واسدها حيل الله يشهد جان خوف بكلبي فضيع بس ابد مخليت غيري يحس لان ابؤيه واخواني وامي غايبين طبيت
حنين: ولج روز شكو طلعتي
سعاد: شيخلصج من ابوج....
روز: اسكتن من اسوي مكسوره عود ميخالف دادافع ع اهلي مامسويه غلط اني احجي وايدي مثل سعفايه تختظ
أنت تقرأ
مصيري المجهول بيد داعشي
Romanceمصير مجهول يلاحق بنت الشيخ التي تتزوج بسن مبكر بسبب عادات وتقاليد والدها الشيخ لتنصدم بزواجها من داعشي بعد ان تنجب طفلان وتهرب في اللحظة الاخيرة قبل ان تنظم لتنظيم داعش ويختفي زوجها الداعشي هل تلقى مصيرها او يبقى مجهول... نلتقيكم بقصة جديدة واح...
