الشخصيات ..
عائله أبو محمد
الأب سعود وعمره 70 سنه مو متفهم مره عصبي مايحب التأخير في اي شي
الأم سلوى وعمرها 56 سنه حنونه ولا تحب الغلط على عيالها وبناتها سنعه وتحب شغل البيت وم تُحب الطلعات كثير
محمد اكبر ولد فيهم وعمره 33 سنه دكتور اسنان ويحب شغله مره وعصبي شوي لكن اخذ من امه الحنان والسنع
متزوج وعنده ولد واسمه ( مؤيد ) وزوجته غاده تشبه له بس حنونه ولا تحب تزعل احد ابداً والكل يحبها
عبدالعزيز عمره 30 سنه وهو يشتغل في ارامكو حنون ويضحك مع الكل والغيره تمشي بدمه مشي على اهله او اي شي له
خالد عمره 28 سنه كسول مايحب يروح يجي فعلشان كذا هو عند العزبه يحبها ويحب يجيها دايم مايترك البيت ومحافظ على العزبه ومحلها دايم يكون مرتب
نهى اكبر البنات عمرها 24 سنعه تحب الطبخ تشبها امها في الحنان وحتى الشكل وتستغل حب اخوها خالد لها في طلباتها
نجد أخر العنقود وعمرها 22 سنه حبوبه وتدخل القلب بسرعه ماخذه من ابوها انه ماتحب التأخير وتحب شغل البيت جداً وحنونه على اخوانها
عائله ابو رائد
الأب خالد عمره65 متفهم عكس اخوه سعود تماماً حنون مو عصبي مره
الأم ساره وعمرها 50 سنه عصبيه شوي ولكن جداً حنونه وكريمه بشكل كبير وجميله جداً
رائد عمره 32 سنه مهندس زراعي متغرب في كنده علشان شغله مايحب التأخير ابداً ومايجي الديره الا نادر
فيصل عمره 29 سنه عصبي متشدد كثيرر بس على الاشياء اللي يحبها غيرر مو فيصل
لينا اختهم الوحيده وعمرها 19 سنه طيبه بشكل فظيع تثق بسرعه ماتحب تزعل احد ابداً وسنعه وحنونه
^^^^^^^^^
في بيت أبو محمد
جلس ابو محمد في الحوش دخل عليه ولده محمد جاي من الرياض
محمد / سلام عليكم
سلم على راسه ابوه ويده وجلس عنده
ابو محمد / هلا والله تو ماسفرت ياولدي ما بغيت تجينا طولت
محمد / والله يوبه ودي اني عندكم كل يوم بس تعرف الاشغال والدوامات ماتخلص
ابو محمد / وين مرتك وولدك
محمد / خليته عند اهلها لاني انا مو مطول في الديره كم يوم وارجع
دخل عندهم عبدالعزيز وجايب معاه القهوه
عبدالعزيز / حي الله بالعضيد كيفك وينك ماعاد نشوفك
محمد / تبقى ياعزوز كيف حالك
عبدالعزيز / والله احوالي تسرك
تقهوه ودخل بعدها خالد و وسلم ودخلت امه وخواته وكان بينهم سلام حار لانهم من زمان ماجاهم
........•........
المغرب في بيت أبو رائد
ابو رائد/ ام خالد تروحون معنا لبيت ال ابو محمد
ام رائد / ليه عسى ما شر وش فيهم
ابو رائد / مافيهم الا العافيه بس ولده محمد جاي وعندهم عشاء له
ام رائد/ يالله انك تحييه والله انها تو مااسفرت الديره مانشوفه حتى في الرياض من زمانن عنه
ابو رائد/ هايالله اجهزو بعد المغرب نروح لهم
ام رائد/ ابشر المغرب بنكون جاهزين
دخلت لينا عليهم هاه وين بنروح بعد المغرب عاد من جينا من الرياض ماراحنا مكان
ابو رائد / ولد عمك محمد جاء الديره وبنروح لهم عندهم عشاء تجين معنا
لينا / وي اكيد بروح عاد مشتاقه للبنات وسوالفهم
ام رائد/ اجل اجهزي يالله لو درينا قلنا لك من العصر علشان تجهزين ههههههه
لينا / شدعوه يمه اتأخر الا كم ساعه ههههههه
