.............................
توجهه لينا غرفتها وهي تفكر وش تلبس
فتحت بالكبت وطلعت منه بنطلون اسود وبلوزه بيج بأكمام طويله وقصه صدره مثلت طويله على صدرها اخذت شور ولبست لبسها وتركت شعرها على طبيعته واكتفت بقلوس ومسكارا
أم رائد/ هاه جهزتي ابوك تحت واخوانك
لينا / اي يمه جاهزه البس عبايتي واجي
نزلت ام رائد ولينا وراها
أبو رائد/ كان نمتو شوي
ام رائد/ يالله هذانا جينا
ركبو وتجهو لبيت ابو محمد
دخل ابو رائد في المجلس ورحبو فيه بسلام حار سلم عليهم
أبو رائد / كيفك يا أبو مؤيد آن شاءالله انك طيب
محمد / بخير الحمدالله انت شعلومك طيب
أبو رائد/ بخير احوالنا تسرك ولله الحمد
أبو محمد / يارياجيل وش رايكم بكره نطلع في العزبه
كلهم / تم ، فكره حلوه والله منها نغير عن جو البيت
أبو محمد / عبدالعزيز وين القهوه ؟
عبدالعزيز/ ابشر طال عمرك الحين اجيبها
أبو محمد/ الرباده لو انك فطين جبتها قبل اقولك
أبو رائد / مابه ضيوف وحنا هل بيت لو تاخر القهوه
راح عبدالعزيز للمطبخ وكانو البنات موجودين ومعهم لينا
عبدالعزيز/ فيه احد او ادخل ؟
البنات / اي لينا موجوده
لينا / خلاص بطلع وخليه يدخل
طلعت لينا بسرعه علشان ماينتبه عليها ولا تبي تقابل احد من عيال عمها راحت وتوجهه لغرفه البنات جلست فيها وهي تنتظره يروح وترجع لهم
في المطبخ .......
دخل عبدالعزيز بعد ماقالو له البنات ان لينا راحت
عبدالعزيز/ وين البخور ماحطيتو مع القهوه يعني مو عارفين عادات ابوي ؟
نهى/ اوه والله نسيت نجد روحي لغرفتنا جيبي العوه
نجد / ماتشوفين يديني مغطسه في المواعين
عبدالعزيز / وينه بأي مكان بروح اجيبه
نهى / بغرفتنا فوق التسريحه بعلبه بني
عبدالعزيز/ شوفي لي طريق
نهى / مافيه احد لينا واكيد عند امها ما احد جانا غيرهم
توجهه عبدالعزيز لغرفه البنات
فتح الباب كان النور طافي وهي جالسه على كرسي التسريحه
لفت على الباب شافت ظل مو ظل البنات إرتبكت ماتدري وين تروح الحين بيقول هذي وش جايبها هنا كليتي هوا يا لينا
فتح النور عبدالعزيز ولقاه قدامه واقفه طالع فيها وصد بسرعه
عنها شافها وهي شافته ودرت انه هو عبدالعزيز تفشلت وتخبت وراء التسريحه تفشل هو الحين بتقول يلاحقني
عبدالعزيز ابتعد عن الباب لبرا / كنت ابغى العود مادريت انك هنا
لينا / .................
طلع عبدالعزيز ولا انتظر ردها راح للبنات في المطبخ
عبدالعزيز/ لينا بالغرفه روحي ي نجد جيبي العوده
شهقت نجد وضحكت / اجل شفتها يالخسيس
