وتوجهه عبدالعزيز للبقاله وظل عبدالعزيز في السياره / ياسرور تعال جيب اغراض هذي وبسرعه بسرعه علشان فيه عزيمه
سرور / تأمرني يا باشه
عبدالعزيز وهو يضحك / رح الله يسلمك
راح سرور يقضي الاغراض وعبدالعزيز دق على عامر
عامر / هلا عزوز كيفك
عبدالعزيز/ والله بخير وش صار على المقابلة
عامر / والله يالحبيب احنا بإنتظارك وينك
عبدالعزيز/ ان شاء الله بعد الغداء جاي
عامر / بتنور الرياض والله
عبدالعزيز/ بنور اهلها قفل عبدالعزيز من عامر ونادى على سرور ياسرور والله لو تقضي للقبيلة امداك تخلص
جاء سرور يركض وعطاه الاغراض تفضل ياعمي
في بيت أبو محمد
وصل على صراخ نجد ولينا وهم ينادون وامهم تصارخ
ركض عبدالعزيز واتجهه لصوت في المطبخ عبدالعزيز/ وش اتسعت عيونه بمنظر نهى الطايحه وامها ونجد ولينا جالسين عندها وينادون ويصارخون اسرع عبدالعزيز ولم نهى على صدره ويضرب بخفيف على وجها تكلم بصوت مرعوب / نجد جيبي مويه بسرعه اسرعت نجد تجيب مويه اخذها منها ورش على وجها ولكن ماردت عليهم رغم صراخهم كانت طايحه بين يدين عبدالعزيز
عبدالعزيز / يمه هاتي عبايتها بوديها المستشفى بسرعه شالها عبدالعزيز واتجهه لسياره لبستها امها العبايه وركبت معها وراء
ركب عبدالعزيز ومشو المستشفى وامه ماسكه نهى وتناديها ونهى ماردت ولا استجابت لمها ولا عبدالعزيز
ام محمد / تكفى يا عبدالعزيز اسرع اسرع لا نفقدها
عبدالعزيز بأرتباك وخوف/ ابشري
في المستشفى
نزل عبدالعزيز وهو ينادي على الممرضين يركضون وركبوها على السرير واسرعو فيها مغمى عليها ولا يدرون ايش سبب اغمائها المفاجىء دخلوها الطوارى وجلسوا عبدالعزيز وامهم في الانتظار ويدينهم على قلوبهم ويتسألون وش صار لها كذا
في العزبه
أتصل ابو فهد على أبو محمد
أبو فهد/ السلام عليكم
ابو محمد/ وعليكم السلام كيفكم
أبو فهد / والله طيبين انتم وش اخباركم
ابو محمد/ حمدلله وينكم مشيتو
أبو فهد / والله يابو محمد اليوم ماراح نمشي بكره بأذن الله نمشي لان اليوم عندي كم شغله اخلصها
ابو محمد / الله يوفقكم اجل ولا تطولون علينا
ابو فهد / ابشر اي خدمه يا ابو محمد
ابو محمد/ ابد سلامتك
قفل ابو محمد الجوال ونادى على محمد
محمد / هلا يوبه
ابو محمد/ اتصل بعبدالعزيز وشف وينه يموت اذا ما تأخر
محمد / ابشر الحين اتصل فيه
اتصل محمد في عبدالعزيز محمد / الو
عبدالعزيز/ هلا
محمد / وينك انت ابوي يبيك الحين
عبدالعزيز/ انا في المستشفى
محمد احتدت ملامحه / ليه سلامتك وش فيك
عبدالعزيز/ نهى اغمى عليها فجأه وماندري وش فيها ودخلت الطوارئ والحين ننتظر الدكتور يجي ويقول لنا
محمد / سلامتها بلغني اذا طلعت وبنجيك انا وابوي
عبدالعزيز/ مايحتاج بعدين ابوي تعبان مايحتاج يجي
محمد / اجل قولي لي اول ما تطلع
عبدالعزيز تنهد بضيق / ان شاءالله
