~~~uni~~
"အကို ပြန်လာပြီလား....အိတ်ကို ဒါလီကိုပေးလေ .ဒါလီ ကိုင်ခဲ့မယ်"
"ရပါတယ်ဗျာ..... ကျုပ်ဘာသာပဲသယ်သွားလိုက်ပါ့မယ်"
အခုချိန်ထိ နှစ်ယောက်သားဆက်ဆံရေးဟာ တိုးတက်လာသည်ဟုပဲပြောရမလားပဲ.....သည်ကိုစရောက်တဲ့အချိန်ကဆို ကိုယ်ကစပြောရင်တောင် ၊တစ်ခွန်း၊နှစ်ခွန်းအပြင်ပိုမပြော....ခုလိုလေးပြောတာကို ဒါလီကျေးဇူးတင်နေရပါပြီ။မောင်အပေါ်ကိုတက်သွားတော့ ဒါလီလည်း ရေခွက်လေးကိုင်ပြီးအပေါ်ကိုတက်လာလိုက်သည်။
"အကို ရေလေးသောက်လိုက်ပါဦး"
" ကျေးဇူး မဒါ"
"ဟုတ်ကဲ့ ၊သြော်....ဒါနဲ့အကို၊ နေ့လယ်တုန်းက အကို့ဆီစာလာတယ်အကို၊ ရော့ ဒီမှာအကို"
ဒါလီလည်း မောင့်ဆီကိုစာအိတ်ထည့်ပေးပြီး ၊ရေခွက်ကလေးပြန်ယူကာထွက်သွားလိုက်သည်။ မောင်လည်း အဝတ်စားအရင်လဲပြီးမှာ စာအိတ်ကိုဖွင့်ဖတ်လိုက်သည်။
သို့.....
မောင်ကံကောင်းရေ......မောင်ကံကောင်းလို့ဘာလို့ခေါ်တာလဲ မင်းစဉ်းစားနေပြီလား.....တကယ်တော့ မင်းပို့တဲ့စာကို ဖတ်နေတဲ့ချိန်မှာ ဘေးမှာကိုကိုရှိနေလို့ပဲ၊ ဟား ဟား ဒါပေမဲ့ မင်းကိုတော့စိတ်ဆိုးတယ်ကွာ ။ငါ့ဆီစာပို့ပြီး သူ့အကြောင်းမေးတာတော့ မဖြစ်သင့်ဘူးလေ.......နောက်တာပါကွာ .....ဒီစာကိုမင်းဖတ်နေတဲ့ချိန် ပျော်စေချင်လို့ပါ။ မင်းရော အဲ့ဒီမှာနေရတာအဆင်ပြေလား ။ နေသားရောကျပြီလား. ငါတို့လည်းမင်းကိုသတိရပါတယ်ကွာ ။မင်းလည်းနောက်ခါကျရင် မန္တလေးကိုအလည်လာခဲ့ပါအုံး.....တွေ့တဲ့အခါ စကားတွေအများကြီးပြောချင်လို့ပါ။ဒါနဲ့ ဒီစာကိုရေးတဲ့အချိန်မှာ ကိုကိုလည်းဘေးမှာရှိနေသေးတယ်ကွ ၊ မင်းရဲ့စာကို ဖတ်ပြီးပြီးချင်း ငါနဲ့ကိုကို မင်ဆီကိုပို့ဖို့ချက်ချင်းစာရေးလိုက်တာပဲ.....*
တင်မောင်ဝင်းရဲ့ စာကိုဖတ်ပြီးတော့ ၊ ကိုကိုရေးထားသည့်စာကိုရှာလိုက်တော့ စာရွက်ရဲ့ထောင့်လေးမှာ
"အင်း...အတူတူရှိတယ်" ဆိုသည့်စာလေး ရေးထားတာမြင်တော့ ၊မောင့်မှာ ဝမ်းသာလွန်းလို့မျက်ရည်တောင်ကြသည်။ ကိုကိုရေးထားသည့် စာကြောင်းလေးအပေါ် ၊ ခဏခဏ နမ်းလိုက်သည်။ပြီးတော့မှ ဤစာအိတ်လေးကိုလည်း တယုတယ နဲ့သိမ်းထားလိုက်သည်။
ESTÁS LEYENDO
မဟောင်းနွမ်းတဲ့ အချစ်.....
Romanceမောင်....ငါတို့ရဲ့အချစ်က လူကြားထဲမှာဘာလို့ ဖော်ပြခွင့်မရတာလည်း..... တစ်နေ့နေ့၊တစ်ချိန်ချိန်မှာတော့ မောင်တို့နှစ်ယောက်ချစ်နေတာကို လူအများရှေ့မှာ မောင်ဖော်ပြခွင့်ရချင်တယ်...... မောင်....အချစ်က.ပိုင်ဆိုင်မှရယူမှအချစ်မဟုတ်ဘူးတဲ့.....သူပျော်ရွှင်တာ၊သူစိတ...