عشك بلداوي

بارت ١١

حوراء، كعدنه ع العشا وحرب كعد يمي يباوعلي وياكل اكل فاهي
_يا ولد مو هيج الياكل

حرب، لعد شلون

حوراء، الزلم الخشنه تاكل باديها هيج شوف
لفيت البرياني بيدي وخليتها بحلكي
_هيج ياكلون عرفت هسه

حرب، يي عمه عرفت بس اني مااحبه لان عليها كشمش

حوراء، تعال اني طابخه لروحي بدون كشمش امشي ناكل اني وياك بلمطبخ
أخذته للمطبخ وأخير لكيت صديق ميحب الكشمش وفرشت بلكاع وحطيت زلاطه وروبه ودولمه وطرشي وكعدنه ناكل ونشاقه حرب حرامات عليه رغم انو طفل بس حباب وكلبه طيب وهادئ

علي، كاعدين ع العشا وحوراء اخذت حرب وراحو للمطبخ ربع ساعه ونسمع ضحكهم بصاله وحرب مات من ضحك اخر شي غص رحتله ركض
لكيت حوراء شرب بيه ماي وتلاعب بيه
_حرب بابا خو مابيك شي

حوراء، ههههههه لا لتخاف مابي شي بس غص بلماي يشرب ويضحك

حرب، بابا حوراء كلش حبابه

علي، ليش مدكول عمه

حوراء، شايفني يمه عجوز كدامك ماريد عمه

علي، ليش هنانه تاكلون؟ وحدكم

حرب، حوراء مسويه برياني ماعليها كشمش وجينه اني وياه وعلمتني اكل مثل الزلم الخشنه هيج

علي، جان يوصلف طريقه العلمته حوراء إله وضحكت عليهم_وانته كيفت لكيت شبيه الك
يلا اكل

حرب، بابا كعد ويانه أنته هم متحب العليها كشمش

حوراء، اكعد اكعد لا تستحي

علي، باوع لحوراء شلون حايره توكل بحرب وتلعب بي وباوع لضحكتها جنن وعيونها اليسطرن لحظه حسيت انو صدك وكعت بحبها

خالده، دخلنه للمطبخ وعلي وحوراء وحرب ميت ضحك وضحكهم تارس البيت ترس باوعت لحوراء شلون داري بحرب معا العلم لو نرجع لصدك هو مايقربلها شي وغريب بس يبقئ ابو اسيد وع كلب ابوها حنينه
_ ولكم كافي راح تموتون من ضحك

سهاد، هههههههه خليهم يضحكون اكو احلئ من ضحك

رواء، حريبي لعد شو ماتحبني مثل ماتحب حور

حرب، بيبي انتي تكتلين حوراء واليكتله مااحبه

رواء، ولك تعال يمي شنو بيبي

ايهم، كاعدين بصاله ودخلت رواء تركض ورا حرب وهذا يصيحلها بيبي وهاي محتركه شكد طفوليه ومحبوبه عجينة كلبي
_بعد شكد وتكبرين

رواء، رفعت حاجبي وميلت حلكي
_من تكبر أنته

ايهم، نعله على كاعدين

حوراء، حرب تعال لغرفتي عندي اللعاب كومه

رواء، واني هم تعال نلعب ونطيك العابي كلهن بس لادكلي بيبي