عشك بلداوي

بارت ١٢

رواء، دخلت للحمام اسبح وسمع جهاز يتصل يبوو هسه متتصلون إله من دخل للحمام خليولي

ايهم، اراسل بهاي الخبله وماكو تصلت هم ماكو هيه متنام هيج وكت وين ولت ضليت اتصل وماكو طلعت كعدت بلحديقه عدهم طيور حب والحديقه تارسيه نشرات سوالف حوراء وعجينه كلبي

رواء، طلعت من الحمام وشفت جهاز ايهم خابصه خبص
💬، شكو خابص جو مادكلي

ايهم💬، بالله وين جنتي بس لا نايمه وكعدتي حلمانه بيه

رواء💬، ايبااخ اعوف كل الناس وحلم بيك إله تخبلت

ايهم💬، اغار حتئ من احلامج

رواء،باوعت اجاني إشعار تم تبديل كنيتك الئ (عجينه كلبي💕)
💬، شهل اسم

ايهم💬، اسم احبه اذا ماعندج شي نزلي ضايج وجيبي وياج جاي وبطانيه لان بردان

رواء💬، دقايق. مااعرف ليش قبلت انزل معا العلم توني سابحه والجو بارد لا تمرض اصلا ليش فرحانه
مشطت وشلت شعري الكدام وخليته ليورا ولبست برموده وبلوز وجواريب وأخذت بطانيه وسويت قهوه جكليتيه

ايهم، يييي والله وعاشت ايدج يروحي

رواء، مو روحك اني

ايهم، بروح امج هاي شنو كلنه جاي

رواء، اشربها جنن قهوه جكليتيه

ايهم، توج طالعه من الحمام

رواء، يي شلون عرفت

ايهم، وجهج طالع نظيف

رواء، اياا ماتخجل احترم احساسي يااخي

ايهم، هههههه مبين عليج البرد شرايين وجهج طلعن

رواء، ههههه لحظه واجي
رحت جبت خشب من المخزن وخليته بلموقد وشعلته

ايهم، يي بالله عفيه منين جبتي الخشب

رواء، لحظه طفيت الاضويه وخليت بس النشرات مشتغله ورحت جبت حلويات وكرزات وجيت

ايهم،  شنو تريدين تخطبيني

رواء، يبوو اخر واحد اخطبه أنته

ايهم، ليش يأبه مانعجب

رواء، لا اني عندي اختيار لشريك حياتي وحاليا معجبه بشخص

ايهم، ولج اشو ماتستحي احط راسج بنار وعلي معجبه بشخص شنو اني خراع خضره

رواء، وانته ليش ضجت منو يمك حياتي واني حره

ايهم، هذا الماي عرف يسولف عيب بابا بعدج صغيره

رواء، لا مو صغيره صديقاتي كلهن يحبن

ايهم، ممممم منو هذا المعجب بيه منو هذا سعيد الحظ

رواء، واحد احلئ منك