عشك بلداوي

بارت ١٥

سهاد، ماما حوراء من ترجعين من دوام بطريقج لبيت ام حاتم جيبي ملابس يمه

حوراء، ملابس شنو؟

سهاد، ملابسي الطوال كصرتهن

رواء، هههههه انتي عكس الناس انتي تكصرين والعالم تطول مدكلي لي شنو سالفتج

حوراء، اخذ الكصيره وضمها وخل طويله تمسح السكف لأمها

سهاد، ماعاب حلكج يمه

رواء، صايره شاعره ام عطوب

حوراء، جنن احسن من شعرج الأحمر يكول قوطيه معجون

رواء، يممممممه كامت تعيب عليه

سهاد، حوراء كجب كومن لدوام بدون معارك

رواء، اني كجاب

حوراء، هههههههههه حيييل

ابراهيم، يلا بنات رايح لمركز الجنسيه كومن اوديجن بطريقي

حوراء، بابا روح بعد وكت حتئ المديره بعده ممخلصه الحلم

رواء، بالله هسه تلكينه تبرم بشعره يكول طاسه اندومي

حوراء، ههههههه تلكينه دور يافستان تلبس فسفوري لو اصفر

سهاد، خوش الناس من صباح الله دكول يالله صلي علئ محمد بناتك يصنفن ع العالم

رواء، يلا يمه راح نكوم رايحين

حوراء،بابا شصار بسالفه جنسيه

ابراهيم، ماصار بس طالبين تحليل DNA يأكد انو هو ابوج

حوراء، تمام شوكت نسوي تحليل

ابراهيم، منسوي الله يرحمه اسيد جان محضر كلشي أمكن كلبه حاسه مدري يعلم

حوراء، بابا اريد اروح ازوره ممكن تاخذني

ابراهيم، اليوم أربعاء الجمعه اني اخذج بعد شتامرين

حوراء، هههه ربي يخليك خيمه فوك روسنه سلامتك

رواء، احم حوراء كلتيله نروح لمول........ نروح لعرس زهراء

حوراء، لا من نرجع نكله وعرسه بلبصره اخر الخريطه

رواء، نجبي اخر الخريطه الخليج العربي الي هو شط العرب

حوراء، اهاا يعني مشتهيه ترحين ليهناك عادي نغركج بيه

رواء، نجبي ويلا نزلي وصلنه

علي، نجوم تبارك يالله كومن مو تردن ترحن

نجوم، هاي ثواني بس اعدل حجابي

تبارك، دقيقه بس البس حذائي

حرب، بابا ليش دائما البنات يتأخرون

علي، مو بابا هنه مو حلوات كوه يردن يطلعن حلوات

نجوم، ايباا اذا البنات مو حلوات باجر عكبه شلون تأخذ حوراء هاا شلون جيبلك بنت هااا

تبارك، ييي حبي ذيج بنته ومرته ههههه