في الطريق الى العنوسه 👰
مسائكم فرح
بقلمي ...ايات احمد
A..q
ماهنتو عليا شفتكم متحمسين تعرفون شصار
وستعجلت بكتابته اذا شفتو سحگات غلسو 🔪
بقيت مخليه ايديه ع عيوني ماويد اشوف ..وملك حاضنه امي وتحرك بيها بس وين ...ماما كانو خيط ماتتحرك....
اجو اهل البيت يتراكضون على صياحنه ..والكل متفاجئ شجابنه وحنه هستونه رحنه ...يسالون بيا شكو ويخضون بيا واني مايبدي مني غير
اخذوها للمستشفى فدوه
راح عمو سريع جاب سويج وبابا شالها وخلاها لسياره وطلعو بيها وضلينا احنه وراهم نتللاطم ....عاد صاح جدو ببيبي واسماء وگللهن فوتنهن ع البيت عيب صوتهن منا الجيران ..واني رايح لرائد نلحگ ذولي المشو ايد وره وايد كدام ...خافنهم يحتاحون فلوس شي...
گرح..يالله يبعد حيلي كومن وامسحن دموعجن ادعلها ترد سالمه ..تحجي وتبجي
ـ بيبي ماما ماتتنفس .... شيردها سالمه اكيد ماتت
ـ كافيج ياامي لاتفولين عليها انشالله مابيها غير العافيه
اخذنا داخل واحنه مستمرين بنحيبنه وبجينه ...مو بيدي الدنيا بكبرها احس صارت ضلمه وماتسعني بمجرد اتخيلها ماتت...ماتحملت وگعت من طولي ..ماحسيت غير ديذبن عليه مي
ـ هاي شبيج يمعوده هسه نركض عليج على ماما ..شويه قوي گلبج شجاج انتتهيتي ومفاوله عليها ..بدال ماتنوحين. تعاي وياي نتوضى ونگعد نصلي وندعيلها ..سحبت ايدي ودتني وياها للمغسه
ـ هاج هاي سجاده خل نگعد ندعيلها هي محتاجه دعائنه بجينه ميفيدها بشي..وغيرت نبرتها ومسحت دمعتي وحجت
تذكري عندج رب قادر مو بس يشفيها حتى اذا ميته هم يحييها
من جابت طاري الموت ..نعاد موقفها وهي كدامي شون متحرك لاايد ولارجل متحملت وردين بندت بجي ....مو بيدي اني هيج شخصيتي كولش ضعيفه تجاه الناس الاحبهم ..لو واحد بيهم اصبعه نجرح ياكلني القلق والوسواس والطامه الاكبر لو واحد بأهلي تمرض خاصه لو جانت ماما ..ساعتها اعتزل الحياه لااكل ولااشرب. وياخذني التفكير اخاف من لحضه تفقدها بيوم
وتبقي ملك ع طول ترزل بيا وتكلي مصير هيج الانسان لكلشي معرض ...لذالك لازم تكونين دوم قويه ...وهاي نصائحها الي رغم هي اصغر مني
بس مللك كولش قويه وتعرف بهيج مواقف شون تتصرف ...بحيث لمن ماما وكعت هي ركضت عليها وحاولت تصحيها وحتى لمن اخذوها للمستشفى صعدت ورادت تروح وياها بس مخلوها ...اما اني بلحالتين اخذت دور النتفرج بس وحتى مو المتفرج لان طول لوكت اني بس مغمضه عيني وارجف بزاوبه حتى ماشوف شي
أنت تقرأ
رحله العنوسه
ChickLitلمن يكون الزواج حض ..وشبح العنوسه امر واقع يخنگ البنات بمنتصف العشرينات ..برئيكم شلون راح تتصرف بطلت قصتي حتى تتخلص منه وأي سبل راح تمشي وأي طريق راح تجرفها وشنو العثرات والصعوبات الراح تواجها وبلأخير راح تزوج لو يفوتها القطار وتبقى عانس التفاصيل د...
