في الطريق الى العنوسه 👰
مسائكم سعاده 🌸
بقلمي ...ايات احمد
A..q
قبل لنبدي بلبارت
اكو فد بنيه سألت شنو معناه اسم گرح
الغنم الا عده اسماء ومنها( الوضحى والصبحى والگرحه)
والغنمه الحلوه هوايه تسمى👈 (الگرحه)
فأهل قبل جانو لمن يشوفون بنيه كلش حلوه يگولون
بوصفها كأنها گريحه من حلاتها وهاي كل القصه ومابيها 😁
هسه وضحت (مسك الختام) ؟هاي بعد ماستفسرتلج على معناه😅
البارت السابع
تدرين ليش احنه محد يجي يمشي علينا ونتي لهسه ممزوجه
باوعتلها يأستغراب
ليش؟ !
ـ لأن ماعدنا ولد عم
ـ من كل علقلج حسبالي عندج سالفه والله .... وجماله دتحجي بكل جديه وگمت اهز بأيدي ..شجاب ع بالج
ـ سوزان نخطبت
ـ ياسوزان
ـ لج هاي اخت مريم صديقتي مو فد مره حجيتلج وكتلج اختها ابن عمها ناهي عليها...فاليوم عقدو
ـ ياخطيه
ـ وليش خطيه شفايتلج وعندج ابن عم ينهي عليج ..جان ماهاي گعدتج
ـ والله صدوگ ..بس مادري ليش البنات يموتن من ولد عمهن..احنه ماعدنا ولد عم ونحس بشعورهن ...بس هو هذه الماشي ..ماوحده گتلها ابن عمها خطبها الا وگالت خطيه ..حتى لو خوش ولد
ـ يمعوده لوگيات يطربن ع الغريب ..ليس هالغريب مويصير ابن عم بنات عمه ...
يعني هم موزين ؟
اصلا من وجهت نضري اشوف شنو رايح للبنيه لو اخذت ابن عمها اقلها رابي وياها وتعرفه وتعرف طبعه وراح تتعايش وياه هو واهله... لان من نفس بيئتها
ـ هو هنا المشكله اغلبيه البنات متحب تاخذ ابن عمها لان منفس بيئتها وتلاگي نفس زمره اخوانها.... وابو نفس طبع ابوها وهي عدها عقده منهم وهم كرايبها وگرايبه واحد وتعرف البير وغطاه فماكو تغيير بحياتها
بس لوزوجت غريب وهي متعرف شي عنه وعن اهله وكرايبه....ومتعرف اطباعهم ومشاكلهم ...يعني كلشي
ينبني الها من جديد وكلشي حيكون اكتشاف وشويه شويه... يعني يعني لو حتى طلع انگس من اهلها فراح تتقبل الصدمه شويه شويه ..مومثل لو احذت گرايب تروح وهي تعرف كلشي ماعدها امل تعرف شمنتضرها من البدايه
ـ اخ اجيتي ع الجرح احنه شگد فكريات لج حت گرايب معدنا ...بابا صاير هو الجبير واخوانه وخواته كلهن اصغر منه وماعدهم ولد بگدنا ...وماما خواتها كلهن ماعدهن ولد لو اصغر منا لو مزوجين ..وماعدنا غير هالخال و جنا مخلين ابنه عصفور ع شجره وشوفت عينج طار
..هسه لو عدنا ولد عمه ولد خالها صخام جان الا واحد بيهم حبنا وازوجنه وخلصنا ....
لو عدنا ولد عم جان بسهوله بيبي كربستنا براسه ..جان والله مانجوز الا يوميه تقره بروسهم وبنات عمك اولى من الغريب وتبقي اتاتيله لحد مازوجنا ...
لج اخ تخيلي ينهي عليج واي ولد يجي يتقدملج ولو هو ماكو. .بس يلله نتخيل اكو ولد ديتقدمولج ..تخيلي يوكف بوجه ويگول
هاي دمنه وميطلع للغريب
والعالم كلها نحجي وتكول ابن عمها ناهي عليها عود انتي فد برستيج وكذا
ـ اكول بلله كافيج يم البرستيجاات ونهوات وگومي شوفيلي شباقي من العشا احمي متت جوع وباجر عرفه ورانا صيام واذا مباقي عشا سووي طماطه لاجعه
ـ اوامر ثانيه سيده ملاك ...
ـ انسه لو سمحتي بعدني عزباء
ـ بلله هو ليش اني الاسوي متگومين انتي ....
أنت تقرأ
رحله العنوسه
ChickLitلمن يكون الزواج حض ..وشبح العنوسه امر واقع يخنگ البنات بمنتصف العشرينات ..برئيكم شلون راح تتصرف بطلت قصتي حتى تتخلص منه وأي سبل راح تمشي وأي طريق راح تجرفها وشنو العثرات والصعوبات الراح تواجها وبلأخير راح تزوج لو يفوتها القطار وتبقى عانس التفاصيل د...
