رحله العنوسه

part 11

في الطريق الى العنوسه 👰
مساء الخير

بقلمي ...ايات احمد
A....q

ملك/
دانضف بلحمام واجتني ملاك گلتلي هاي المره تريد تسلم عليج...
خرب بحضي هسه وقتها اباوع لروحي العب االنفس
... وجهي كله عرگ وحالتي حاله..هسه الا توگفها بلهوول.... جان اقلها طلعت للغرفه غيرت ملابسي بسرعه.....
ففتحت شعري ورديت شديته كبايه شون مجان وطلعت ..احم احم نعمت صوتي شويه وگتلها

ـ شونج خاله ..وقربت باوستها...

ـ هلابيج يبعد خاله...انتي الجبيره؟

طبعا هسوال دايما لو شافونه الناس الغربه يسألوني ياه لان يشوفوني طويله وضخمه شويه وملامحي بارزه عكس ملاك ناعمه وقصيره فحسبالهم اني لاكبر

ـ لاملاك اختي هي الاكبر

ـ اختج تدرس

ـ لا والله هي منزمان تاركه

ـ زين ونتي هم مثلها

ـ لااني ادرس ونشالله هسنه مرحله اولى

ـ ها بيها الهي. انشالله

ـ خير يصيبج شكرا

ـ يمه سلميلي ع امج وگليلها هاي محجوزنلي ومحصير غير جنتي ...

اني بقيت مصدومه معقوله هاي تقصدني بقيت بس احرك بعيوني ومرديت..ملاك خلت العلاگه بيد المره وطلعت وياها للباب ...شويه واجتني وضحكه شاگه حلكها

ـ واخيرا وحده بينا احد عبرها بلكت الله وتنفتح الجبسه

ـ يمعوده كل عقلج هو وين اكو وحده تخطب وحده مثلي ..وهي بهالقذاره هاي اكيد وحده من الاثنين
يااما هاي مخرفه
يااما جانت دتقصدج

ـ شنو قابل عميه مشفتيها شون اشرت عليج ...وبعدين شناقصج انتي حتى هيج تحجين ..اني منتضره ماما تجي وتحجيلنا عليهم ذولي منو بلكي خوش ناس....

ـ يي حتلو خوش ناس ...احنه شكو

ـ شنو شكو غير تزوجين منهم ...

ـ صدوگ تحجين بابا اني بعدني صغيره..

ـ وين صغرج البعمرج حاليا كلها دتزوج موديل الالفينات..

ـ لاني افرق عندي دراسه اكمل والله كريم

ـ حبيبتي القسمه الزينه متتفوت..اذا يخلوج تكملين ليش لا ...وافقي احسن متكبرين وفرصج تقل ويصير عندج بس تريد تزوجين اي واحد والسلام بس تاتخلصين

ـ اليسمعج هيج تحجين يگلج گاعدين ينتضرون ردي ..تره بس ذبت هيج مجرد كلام مو اكثر

...وهسه بلا روحي كملي غداج مبينا حيل طلايب واني رايحه اكمل تنضيف

..يمكن لو اي بنيه احد يفاتحها بموضوع زواج لاول مره بحياتها تفرح اكيد... بينما اني ضجت كولش ماحبيتها تجي ع احساب اختي الي لحد هسه تعابير وجهه بصدمه متروح من بالي شون نصدمت لمن المره اشرت علي  ورادتني اني ....
مولانها متحبلي الخير لا اصلا ملاك تبديلي الخير ع نفسها كلبها ماكو منو ..مرات گد ماتخاف علي احسها هي امي مواختي ..بس تفاجئت نفس مااني تفاجئت هي شكد جانت مرتبه واني شكد وصخه..بس اختارتني اني بمجرد ماعرفت اني اصغر او حتى يمكن لان ادرس ..وهاي والا هاي النتيجه وحده صارت اللحضه الجنت اتمنى مااتعرضلها واخذ فرصه من اختي ...