سيلين / كعدت على صوت المنبه كمت فرشت اسناني واخذت شور ولبست ملابسي وجانت عباره عن عن بنطرون كوباي ثلجي وتشيرت ابيض وفوكاه ستره كوباي ثلجي لان عدنه الدنيه بارده ونزلت حضرتلي كوب كهوه وطلعت من البيت اجرت تكسي لان سيارتي دزيته البارحه
ورحت للمطار شفت الضباط الي رح يصيرون ويايه بالمهمه وجانو 2 ولد وبنيه وحده رحت عليهم وكلت مرحبا (الحجي راح يصير تركي )
الضباط /اهلن كولهم كالوه بالتركي اله لابنيه
كالت مراحب بالعراقي بعدين ضربت جبهته
وكالت اسفه نسيت انو انتي تركيه بالتركي عرفت همه عراقين
سيلين / انتو عراقين
الضباط / اي ليش انتي هم عراقيه
سيلين / اي المهم اني اسمي سيلين
عمري 23 ضابطه برتبت مهيب ولقبي الشيطان
واني رح اكون قائدتكم بالمهمه
الضباط / دكو التحيه بس جانو خايفين احترامي سيدي الضابط الشيطان
سيلين / لتخافون اعصبيه بس ويه اعدائه وانتو مو اعدائه فلتخافون
الضابط / حاضر سيدي
سيلين / تكدرون تعرفون عن نفسكم
~~~~~~~~~~~~~~~~~~~~~~~~~
الضابط الاول / اسمي ماهر عمري 23
واني ظابط برتبت نقيب
الضابط الثاني / اسمي بسام عمري 23
واني ضابط برتبت نقيب
الضابطه الثالثه / اسمي تقى عمري 23
واني ضابطه برتبت نقيب
~~~~~~~~~~~~~~~~~~~~~~~~~
سيلين / تشرفت بيكم
الضباط / النه الشرف سيدي
سيلين / صار وقت طيارتنه ركبنه الطياره وكول واحد كعد بمقعده كعد بسام وبصفه ماهر واني كعدت بمقعدي وبصفي تقى وره مكعدت حلقت الطياره باوعت من الشباك على تركيا وكلت رح اشتاقلج وراهه حطيت راسي على الجامه ونمت كعدت على صوت تقى تكعدني وتكول كومي
وصلنه للعراق كتله اًوكي طبعا جانت الساعه بال3 الظهر طلعنهً من الطيار وباوعتً على مطار بغداد وكلت رجعت بعد غيام 7 سنوات
وراهة الظباط راح كول واحد على بيته
واني رحت اخضت سيارتي وركبته ورحت لفندق حجزت غرفه وطبيت اخذت شوار ولبست تراك خفبف ونمت كعدت الساعه 12 بليل جنت جوعانه بدلت هدومي وجانت بطرون كوباي نيلي وتشيرت احمر نص اردان لان جانت العراق الدنيه صيف وطلعت ركبت سيارتي ورحت على مطعم طلبت بيزا وكولا وكعدت اكل كملت اكلي وكمت اغسل وشفت 3 شباب يتحارشون ببنات 2
رحت عليهم وكلت تعوفوهم لو لا
الشباب / وانتي شعليج لو غرتي نتحارش بيهن
وما نتحارش بيج وضحكو
سيلين / عصبت هواي بحيث حته لون عيوني صار احمر جان واحد منهم يتقرب على الابنيه
وهيه تبجي اني كبل ضربته بوكس على خشمه
وكام ينزف دمًكولهم هجمو عليه واني بخلال ثواني وكعتهم كلهم رحت على البنات ونطيتهن
كلينسً علمود يمسحن دموعهن وشويه واجو الشرطه
الشرطه / سيلين مهدي انتي معتقله بتهمت التعرض لثلاث شباب
سيلين / اولن احترم ثانيا دك التحيه
الضابط / وليش ادك التحيه وهوه انتي كلج على بعضجً كح......
سيلين / عصبت كولش وعيوني صارن حمر
طلعت سلاحي من خصري وضربته بطلقه
برجله
الضابط / اه ولله لاخليج تعفنين بالسجن الزموهه
اتقدمو الجنود الي وياه ورادو يلزمون اني كبل
طلعت الباج مالتي وهمه اول ما شافو انصدمو
وكامو يتراجفون من الخوف حته ناس الي حوالينه انصدمو
الجنود بخوف وارتباك / احترامي سيدي
الظابط الشيطان
سيلين / الظابط سعد ( طبعا جان الضابط الي خلط على سيلين اسمه سعد )
باوعلي بخوف كلت انته مسحوب منك النجمه والسلاح ومفصول من شغلك بتهمة التعدي على ضابط وتعذب الجنود وانت تعرف
هاي التهمه شنو عقابه
سعد / بصدمه بس سيدي اني ممعذب جنود
سيلين / راحت يم جندي ورفعت ردانه الزي جانت ايده محروكً حرك جبير وكتله انزع التشيرتك
الجندي / بخوف حاضر س سيدي نزع الجندي
الجزء العلوي من الزي وجان اكو اثار ضرب مال حزام وسوط على ضهره
سيلين / هسه ما تكدر انجذب اعرف انو
انته جنت اتعصب تعذب الجنود
وتضربهم وهمه ميكدرون يحجون علمود لا ينفصلون من شغلهم بس هل مره انته راح تنفصل من شغلك
سعد ودموع بعينه / ب بس سيدي اني عدي عائله
واطفال شلون اعيشهم
سيلين / لعد هذوله الضباط من جنت اتعذبهم متكول هذوله عدهم عائله واطفال بس همه جانو يتحملون تذابك علمود يعيشوهم ويوفرولهم
احسن عيشه بس هل مره انته رح تذوق من عذابهم صحت على الجنود وكلت تكدرون تاخذون هذوله 3 وتأشر على الشباب الي جانو يتحارشون بالبنتين والضابط سعد انته مراح تنفصل بس راح تنزل رتبتك لجندي
سعد ودموعه نزلن / شكرا سيدي ما اعرف شلون
ارد معروفك هاذه
سيلين / لا تشكرني اني ما فصلتك علمود عائلتك
مالهم ذنب انو يعشون بالفقر من وراك وراهه ردت اطلع اجاني جد الابنتين الي انقذتهم وجان اعتقد شيخ عشيره مبين من لبسه لان جان لابس دشداشه وعلى راسه غتره
الشيخ / ما اعرف اشون اشكرج لان انقذتي حفيداتي من التحرش
سيلين / لا شيخ هاذه واجبي وهنه مثل اخواتي
ولو جان اي واحد بمكاني يسوي نفس الشي واكثر
الشيخ / الله يحفضج بنتي ويكثر من امثالج
بي سؤال انتي اهلج شون قبلو تكملين دراسه وتلبسين هجي
سيلين / ولله يا شيخ اولا هيه مو شغلت شلون هيه شغلت ثقه انته اذا تثق ببناتك لو تحطهن بميت رجال مراح يخونن ثقتك ثانيا الدراسه مو حرام بالعكس هيه ثقافه وراح تنطيك مكانه بالمجتمع
مثل ما الدكتور يعالجك الدكتوره هم راح تعالجك مثل ما المهندس يبني بيتك المهندسه هم راح تبني بيتك فلا تفرقون بين البنيه والولد ولا تمنعونهم من الدراسه
الشيخ / والله يا بتي كلامج ذهب عاشت الايادي الي ربتج
سيلين / تسلم شيخ من رخصتك
الشيخ / اخذي راحتج
سيلين / طلعت من المطعم رحت فتريت شويه ببغداد ورجعت للفندق فرشت اسناني وبدلت هدومي لتراك خفيف ونمت .....يتبع
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
اتمنى يكون عجبكم البارت ولا تنسو تدعموني وتعليق حلو علمود استمر بالبارت الجاي باي 🌹❤️
