كعدة الصبح 7 على صوت المنبه
طبيت للحمام فرشت اسنانيواخذت شور وبدلت هدومي لبست بطرون كوباي نيلي وتشيرت ابيض مكتوب عليه LOVE بالحمر وحذاء ابيض رياضي وشعري سويته ذيل حصان رولبست مناضر سود ورشيت عطر
وطلعت ركبت سيارتي واني وجاي اسوق اذكرت
امي ودموعه
( خلي نحجيلكم قصة سيلين وليش سافرت لتركيا
وليش بارده وعصبيه كلش)
نرجع للماضي عمر سيلين 16 عام
~~~~~~~~~~~~~~~~~~~~~~~~~~~~
سيلين / جانت اطباعه من صغيره عصبيه وبارده
قليلة الكلام طول عمره وحيده مو اجتماعيه
بس جانت عده صديقه وحده والي هيه نور
جانت نور صديقة سيلين الوحيده وجانت عايشه بميتم لان اهلهه متوفين بس جانت مرحه تحب تشاقه وسوي مقالب تحب تلعب جان عدهه اصدقاء وياهه بالميتم والي همه ملاك وريتاج وفهد وزين وجانو بنفس عمر سيلين تقريبا
تعرفو على سيلين لان مره سيلين جانت واكفه بعيد بمدرستهه وتباوع على الجهال
الي ايلعبون وجان بوقته عمره 7 سنين
وجان عمر نور بوكته هم 7 سنين
فجانت نور تلعب وكعت فكامت تبجي وجان بوكته فهد وزين وملاك وريتاج غايبين عن المدرسه لا جانو تعبانين فجانت سيلين تباوع عليه رادت تروحله ترددت بالاول وبعدين راحتله كعدت يمه وجابت كلينس
وبدت تمسح الدم عن ايدين نور هدت نور شويه
بعدين وكفت بجي ابتسمت لسيلين وكالت
نور / شكرا
سيلين ببرود / العفو
نور / ممكن نكون اصدقاء
سيلين / لا
نور / ليش متريدين اصيرين صديقتي هاذه لان
اني يتيمه ورادت تبجي
سيلين / لا مو لان هيج بس باوعت على عيون نور الى متروسه دموع وله اشويه تبجي تنهدت
وكالت اوكي اوكي بس لا تبجين
نور / كامت تكمز من الفرحه وكالت شنو اسمج وشكد عمرج اني اسمي نور وعمري 7 سنين
سيلين / على كيفج راح توكعين اولا اني اسمي سيلين ثانيا عمري 7 سنين بدت علاقة نور وسيلين يوم عن يوم تقوه وجانت سيلين ما تضحك اله ويه نور ومن تعصب بس نور تكدر اتهديه
لان كولهم يخافون منهه بس جانو اهل سيلين
يعني مايدرون بنور وطبعا نور عرفت سيلين
على فهد وزين ورتاج وملاك وصارو اعز اصدقاء مرت السنين وكبرت نور وسيلين وصار عمرهم 16 سنه وعلاقتهم صارت قويه كلش
بيحيث ما تكدر وحده تتفرق عن الثانيه ولا لحضه وجانن يسون كلشي سوه عبالك توئم جانت نور
تشبه سيلين كلش حتى تقريبا نفس الجسم
الفرق الوحيد لون العيون والغمازات جانت سيلين
لون عيونه صفر ولون عيون نور زرك وجانت نور ما عده غمازات اما سيلين عده وملامح سيلين حاده اما ملامح نور عاديه مره جانت سيلين راجعه من المدرسه طبعا هي ونور صف رابع اعدادي فصعدت بدلت اهدومهة ونزلت على الغده جانو الكل موجود حجه جد سيلين
الجد / سيلين اريد احجي وياج
سيلين ببرود / اتفضل جدي
الجد / سيلين انتي حتبطلين من المدرسه سيلين انصدمت ورادت تبجي مع انو هيه من النوع القوي والى ما يبجي بسهوله بس كالت بصوت بارد وعصبي شويه
سيلين / على جثتي انو اترك الدراسه
الجد / بس احنه ما عدنه بنات اتكمل دراسه
سيلين / لاراح ايصير عدكم ولي هيه اني
الجد / مراح تكملين دراسه وهاي كلمتي الاخيره
سيلين / لا شيخ حازم محزرت اني اكمل دراسه
غصبن عن اليرضه والي ميرضه بعدهه ممكمله كلامهه وحسيت حراره على وجهه وجان راجدي ابويه
