يابة هلو
اني ضَيّ ، احلامي كلها تتلخص انو اخلص من السادس وعيني تشوف النور واشوف مستقبلي ، بديت اقرة واني اسمع تخرجنة ومشينة وكلي حماس للكلية والحياة الخارجية والمجتمع الي برة ، هو صح اني مرات ثولة
لا جذب مو مرات ، الثول داء والحمدلله
بس يعني اني اعرف راح تتغير شخصيتي وراح اطورها وهيج يعني انتو لتاخذون ع حجيي . .
بدت تقرة ضَيّ وعينها ع حلمها ، انو تكون صيدلانية وتخلص صيدلة
ومثل كل بكلوريا وبكل سنة الطلاب تقرة شي والاسئلة تجي شي ثاني غير متوقع ، جانت ضَيّ ترجع من الامتحان تبجي و بكل هبل ترجع تمسح دموعها وخشمها وتكوم تقرة الامتحان الي بعدة لان ماكو وقت للبجي حالياً ،،،
وقت النتائج
- يا رب يا رب ،
= ها حبيبتي طلعت النتائج لو بعد
- ماما راح انهار كل شوية يكولون فد شوية تعبت
= انتي تحملتي تحملتي ما بقى الا القليل
- يا ترى راح تطلعلي الصيدلة ماما
= ان شاء لله حبيبتي ان شاء لله
- نزلت ماما نزلت
= يا الله
- مديفتح الموقع اخخخخخ
= هسه ثوبج شكو تعضي شكد اكلج بطلي هل خبال
- يُوم مو وقت رزايلج بس اصبري خلي يفتح الموقع ، ها هاي فتح فتح
يا رب يارب
= ها بشري
- ماما
= ها امي احجي حبيبتي
- ماما ٧٥ معدلي ماما وين اودي هذا
= شنو !..
وهنا جانت بجية ضَيّ القوية ...
= ميخالف امي الخير في ما اختاره الله اهدي
- امي راح حلمي ، كلشي جنت رايدتة راح
= لله كاتبلج الي بي خير لا تكولين هيج
نهارت ضَيّ واخذ الانهيار وقتة مثل اي انهيار ، والدة ضَيّ جانت تريد تسعد ضَيّ بس ما تكدر توديها جامعة اهلية صيدلة فقدمتلها ع التحليلات
ونقبلت ضَيّ كلية تحليلات . . .
- اهووو عزة شكد غبية اني ، دنسد عليك الله نسد عليك الله يبووو كل مرة اكول حسوي دايت وارجع اتصخم واكل واكعد اجلد ذاتي ، مااااماااا تعالي هذا مدينسد
= اني شلون وياج شوكت تعتمدين ع نفسج شكم مرة كتلج لتاخذين الملابس قبل فترة
- يعني يا ماما شسوي غير متحمسة وخلصت من السادس الخايس وهيج هيهيهي
= بضحكتج الهبلة هاي ههههههههههه نزعي واخذلج واحد ع كدج عود جديد
- لا بعد شهر للدوام وبهل شهر شوفي شكد حضعف وشلون راح ابهرج
= وهل حجي قبل ما الدوريتوس هذاك يخلص لو بعدة
- ءءء تمتوعات يا ماما تمتوعات يعني لتركزين يلا اطلعي برة خلبدل استحي يلا يلا يلا
وياكم اول طالبة مرحلة اولى متحمسة كلش للكلية وهيج يعني شلون اكلكم احس السادس جان جهنم وخلصت منة بس بس مو مو موضوعنة هذا ، اني مخبوصة ادري بروحي بس خلي افهمكم اني يعني اهوو مراح توصل المهم اني فرحانة انو حدخل الكليييية
a month later ورجيم قاسي
دخلت ضي للجامعة الي جانت تحلم بيها بعد الصيدلة وهي كلها انبهار وحماس لحياة الجامعية الي تحلم بيها وتسمع بيها دخلت وهي عينها طايرة ما توكف بمكان وتحاول تحفظ كل مكان من اول مرة واول ما دخلت ، عثرت ...
- ثول اي ولله بعدج توج داخلة يالراخية شيكولون العالم هسه علية ، مو مهم محد شاف خلي امشي بثقة
