ضَي

بارت الثاني

اول ما دخلت ضَيّ كانت مرتبكة جداً كاعدة ورجلها تتحرك ، كل شوية تريد تاكل باضافرها

- ضَيّ وخري ايدج من حلكج شهل طفولية هاي شيكولون العالم علية ، اهدي وبدون توتر كلشي حيمشي تمام نفس عميق تمام كلشي تمام

وهنا اجة ولد وحجة وية ضَيٍّ

- هلو انتي مرحلة اولى ؟
= ها .. اي شتريد ءء اقصد يعني ليش
- هههههه مبين عليج بس هيج دا اريد اكلج انو جماعتج مجتمعين بقاعة b رقم ١٢ ليش كاعدة وحدج هنا
= بربك
- اي بربي ههههههه
= شكراً شكراً

كامت ضَيّ بسرعة وهي تدور ع قاعة b رقم ١٢

لكتها وجانت القاعة مليانة طلاب ، طلاب المرحلة الاولى مال قسم كلة ، جانت ضَيّ تريد تدك الباب وتتراجع وترجع تريد تدك الباب وتتراجع الى ان اجة نفس الولد الي حاجها

اجة من وراها ودك الباب ونهزم

- هاي شدسوي صدك تحجي
= تفضل
- ءءء احم السلام عليكم
= تفضلي انتي مرحلة اولى
- نعم استاذ
= دكتور بنتي اني دكتور حسيب
- اسفة
= ادخلي يلا

دخلت ضَيّ مع اول فشلة تتفشلها وبداية مؤسفة وهي ادردم بداخلها " هسه دكتور عربنجي الا تخجلني ، شكلج زبالة صار ضَيّ بداية موفقة "

كعدت ضَيّ وكان الدكتور حسيب يتكلم عن الدراسة وانو المرحلة الاولى دائماً يجون متأخرين بس ضَيّ كانت عيونها طايرة بمحاولة لحفظ واستكشاف الطلاب الي وياها . .