طلعت ضي من اول محاضرة الها بالكلية وهنا تعرفت ع اول بنية
- هلو اني ابتهاج
= اسمج سبعيني هههههه ، هلو اني ضي
- اي ولله ابوية قافل ع اسم امة جان ، اكلج عفية شو هذا حسيب خوفنة
= ما اعرف اني هم خفت سواها علينة طب عام
- همة كلهم هيج خرب
= يلا الله كريم نشوف شحيصير
- اكلج جوعانة
= صراحة اني هم
- امشي للسنتر مدري شيسمو
= يلا
وراحت ضي وابتهاج للسنتر لاول مرة ، ضي وهي كاعدة وتاكل مر من كدامها شخص من بين زحمة الطلاب ، باوع عليها وابتسم
الابتسامة جانت غريبة لدرجة انو علكت براسها الى ان قاطعتها ابتهاج
- ضي ضي باوعي
= شنو
- هذيج مو جانت ويانة بالقاعة
= وينها بله
- هذيج هذيج شبيج
= ها شفتها اي
- هاي شوكفها وية طلاب المرحلة الرابعة
= وشمدريج
- يابة اعرفة لذاك الحلو ، الحلوين اعرفهم
= ههههههه ما ادري يجوز تعرفهم
- بعدها توها دخلت عرفتهم
= وانتي بعدج توج دخلتي صرتي تقشبين ع العالم
- يابة دشوفيها هي استغفرلله
= نضغطتي اقسم
- اييع تولي
مر اول يوم لضي بالكلية وجان لطيف ، وبدت ضي تتعرف ع بنات وصار عدها كروبها الخاص ، ابتهاج وسما وهي وراوية
سما : بنات بنات ، اكلكم اني كرشت
ابتهاج : اهوو بعدنة يا الله شبيج
سما : يابة هو غير يكتل كتل صدقة لله
ضي : هاي البنية واكعة فدنوب
ابتهاج : من السطح واكعة
وهنا مر شخص من امام ضي ، وهنا ضي انعجبت
وسمعت راوية تكول " هذا مو مصطفى الويانة "
ابتهاج : اي ويانة ، بس احسة غثيث
ضي : انجبي
ابتهاج : هاااا هلو ياب هاي شنو هاي
ضي : عاجبني
راوية : ونحجي ع سما طلعت الاخت هم دتوكع
ضي : لا عادي يعني اعجاب عادي
سما : اكلجن ليش عود الي يدخل كلية يكوم يكرش ع الرايح والجاي
راوية : تحسي مشوه ، الا اني فدوة لقلبي مكرشة وحابة وعاشقة ومرتبطة قبل حتى لا ادخل كلية
سما : شلون عرفتي
راوية : من النت
ضي : من النت ! ما احس علاقات الانترنت حقيقية
راوية : بالعكس حقيقية جدا خاصة بعد ما تتحول لحقيقة
سما : يلا بنات محاظرة يلا ع السريع .
