راحت لين للسياره بسرعه
فاطمه : ها كيفك الحين
لين : تمام
سديم : من وجهك واضح انك تعبانه
لين: لا شدعوه مو مره
ركب محمد السياره
وطول الطريق يطالع بعيون لين
سعود : ياولد لاتطالع ورا انتبه للطريق
محمد : لا بس اشوف ورانا سيارات
فاطمه : محمد شريت اكل
نوره : اي شرا
فاطمه : طيب وزعو لنا
نوره: اصبري تونا طالعين
فاطمه : كلنا تعبانين نحتاج شي ناكله
نوره : اجل عاني الكيس هناك
فاطمه : ابشري
سعاد : سعود يامك اخذ عصير و اعطي محمد
سعود : ابشري يمه
سعود : محمد اعرف عيال صنيتان
محمد : اي خابرهم
سعود : تذكر سالفه البنات ؟
محمد : ابك قصر صوتك !!!!
سعود : طيب
نوره : شفيكم يعيال
محمد : لا يمه مافيه شي
نوره : احسب بعد
فاطمه : عانو امي تتصل
نوره : ردي عليها
فاطمه :هلا يمه
الجده :هلابك وينكم ابطيتو ؟ ( طولتو )
فاطمه :جاين بالطريق
الجده :يلا عانوني مجهزه لكم قرصان
فاطمه: ببتسامه وليه تتعبين نفسك يمه
الجده :لا والله اني فرحانه بجيتكم
فاطمه: حتى حنا يامي فرحاانين بنشوفك
الجده :وريني البنات
فاطمه: عانيهم نايمين
الجده: اجل يلا مع السلامة
في الساعه ٨ وصلو الديره اللي فيها امهم
الجده :يامرحبا يا مرحبا
البنات :مرحبا بك
وسلمو عليها
العيال يطلعون الاغراض
محمد :خبل انت بغيت تودينا بداهيه
سعود :نسيت
محمد :ها لاتنسى مره ثانيه
سعود :ابشر
سعود: المهم نسيت اقول لك عيال صنيتان هم اللي كانو حالفين قبل انهم ياخذون مننا لين و سديم
محمد :عارف عشان كذا قلت لك اسكت
سعود :انا شاك بيصير شي
محمد : بضحكه تخيل عاد سوون شي كل واحد اقصر من الثاني
سعود: شوف عندي فكره احس راح تخوفهم مننا
محمد :ويش ؟
سعود :نقول لهم نبي بناتكم و نخطبهم بعدها نتفصل عنهم
محمد :خبل انت ؟
سعود :وش ؟
محمد :كذا بنخرب سمعه بناتهم و بيقولون فيهم شي
سعود :عادي
محمد :بس بناتهم مالهم ذنب !
سعود: اجل كيفك
محمد :بعدين بياخذون بناتنا ويسوون نفس الشي
سعود :بس ...
محمد :اقول امش امش خل عنك بس
دخلو على جدتهم وسلمو عليها
محمد :هلا والله بجده
الجده :هلابك
محمد: شلونك وشلون الامور معك
الجده :بخير الحمدلله
محمد :اجل بدخل المجلس برتاح فيه
وهو داخل شاف لين موجوده وسوا نفسه ماشافها
لين :محمد انا داخل اطلع
محمد :طيب بس بقول شي
لين :وش بتقول
محمد :الصراحه ..
قاطعهم سعود
سعود :هلا هلا ب لين كيفك
لين :و هي تقول الحمدلله بخير طلعت
محمد :خبل انت الواحد مايعترف يعني الا وانت داخل
سعود: اف اف يبدو انك واقع بالحب
محمد: والله مادري مشاعري متلخبطه اخاف اقول لها و بعدين تقول هذا خبل ومدري وش
لين :وهي عند الباب وتسمعهم وراحت ركض لسديم
سديم :بسم الله شفيك انتي
لين :سديم سديم الحقي علي
سديم: وش
لين: محمد سمعته يقول لسعود انه يحبني!
سديم :كذااابه !!!
لين: والله
سديم :اصبري اتخيل
لين: شتتخيلين !!
سديم: انتي تحبينه ؟
لين :ماعرف بس حبيته من يوم اني صغيره
سديم: اهاا يعني حب طفووله وكذا
لين :والله ماعرف
لين: طيب وانتي ؟
سديم :وش وانتي؟
لين :تحبين احد
سديم: الصراحه سعود بس ما ادري اذا يبادلني او لا
لين: اخس طلع عندك حب وحركات
سديم: اقول اسكتي بس
لين: وهي تضحك يلا مشينا نشوف امهاتنا
سديم : يلا
نزلو لهم بعد مارتبو اغراضهم
لين وهي تحضن الجده : جده والله اني كنت مشتتتااقه لك
الجده : يااعمري انتي وانا بعد مشتاقه لكم كلكم
سديم وهي جايتهم : اخس حضن بدوني
الجده : تضحك و تحضنها
