تعالي معي

البارت التاسع

البارت التاسع
للكاتبة فـاطـمـة الـسـراي
قصة_تـعـالي مَــعـي

....ثم وضعت يدها على قلبها

وقالت ~ ربي

اني اشعر بنار هنا اجعلها

بردآ و سلامآ

واستر وجعي يالله‍

فعيناي

تبوح وانا اكره ذلك ....

.................................................................

....محد يجاوبني وبعدني أسئل

:شكو ماما شصار ....بيبي شكووو شصار ماتحجن شبيجن مو احجي وياجن
منو هذولة الي عدنا شهلصياح منو هذوله؟!

...اباوع لماما حالهه ابد مايسر وجهه اصفر شفايفهه بيض وعيونهه على باب الاستقبال تسمع بلحجي

بيبي حالته مو احسن من ماما لازمه السبحه وبس تسبح

والصوت بي وماجاي يعلى.....

كاظم:ولكممم لاتخبلوني مشي عليكم محمد وال بيت محمد لتخبلونيي انتم سامعينن التحجوو مقتنعين بلي تكولو
شايفنة كدامكم جهال رحمة لمحمد
ترة كلبي راح يوكف إذا تشاقون اني رجال مريض مو حمل شقه

كامل:بوية على كيفك يبعد ابوك خل نفتهم بلاول لا تحرك اعصابك بوية علي جيب لابوك ماي حلكه يبس .....

شيخ محمد :حقكم وحق علي حقكم محد يلومكم بس يجماعة الخير حالي مو احسن من حالكم والله مو احسن
اني رجال عايش ١٨سنة كل ضني بنتي ماتتت......

بيوم وليلة يجيني طارش من سستر قديمة لا اعرفها المرة
ولا شايفه طول عمري كل العرفته مرة جبيرة على فراش الموت رايدتني
مع اني حالف مااطب الحله مرا ثانية بس كسرت حلفاني واجيت لخاطرها

الله شاهد عليه تعنيتله من البصرة لجاي حتى بس اشوف شنو طلبتها وشرايدة مني

شيخ محمد:هابوية الله بلخير.

:هلا عمي هلا بيك والله كلش ممنونين منك انك قبلت تجي
ماكو بس تبجي تريد تشوفك كول اريد اشوفه قبل لا الله ياخذ امانتةة

شيخ محمد:لا بوية اجيه على راسي بس اني ماعرفهه هيا الحجية وين تعرفني

اولادها:شيخ هيا جانت تشتغل سستر بمستشفى.......

شيخ محمد :بوية اني ماطاب هلمستشفى بس مرا وحدة
هسة المهم خل اشوفه وفتهم منها

:شيخنة كوم ويانة هيا تريدك وحدك بغرفته

يمة ها يمةة كاعدة هذا الشيخ محمد ال......
اجاج مثل ماردتي

حجية سعدية:وينة ولك يمة وينة صدك تحجي لو تضحك علية ولك وينه مااشوفه

شيخ محمد :لا والله حجية هاي اني كدامج بشحمي ولحمي واريد اكلج ماعندج غير العافية يرب
التامرين علي حاضر بي اني من الالف للمليون بس امري .....