تعالي معي

المقدمة

قصة تعالي معي

للكاتبة_فـاطـمـة الـسـراي

:تـعـالي مَــعـي سَـأحمـيكِ
:مِن مَن مـن أبـي، إخـوتي أم مـن زوجـاتِ أبـي؟!

..كاعدة ع كرسي جدو الخشب مال الصلاه موجود بداية

الصاله ايدي بحلكي من الخوف والتوتر والقلق خلصت

اضافري بحلكي واني ممنتبها لروحي وبلشت اطكطك

اصابعي من كد معدت عليهن هواي كامن ميطلعن صوت

من اطككهن تخخبلت اضغط عليهن بقوة حطيت عقلي

وياهن اريد التهي بشي

اذاني وتركيزي وكل حواسي يم دكة

الساعه وية كل دكة تنزل قطرة عرك مني شلون مدري والصالة من كد مثلج مشغلين بيها صوبتين نفطية وكهربائية

لعد اني شبييه ليش هيج محتره ومختنكة حيل والوقت اوووف من الوقت احسه مجاي يمشي ابد

ميرضى يمشي مدري مستمتع بعذابي وانتظاري مدري هو صدك هيج طويل بلعادة واني ممنتبها

اخذتلي نظرة سريعة ع رجلي جانت من التوتر تهتز وحدهااا اريد اثبتها ابطل هز بيها مكدر خليتت ايدي على وركي بقوة وبنظره من عيني مليانة توسل ورجاءا اكللها اهدي حبابة مو انتي هم لزيدين توتري وتعبي بس اهدي وبس اشيل عيني عنها ترجع من وحدها تهتز ولا كانو عندي سيطره

عليها كل عضو بجسمي يصرف براحته وانتبهت لابسة
نعالي برجل (تكرمون)وبلثانية شحاطة ابوي يمتى لبستهن وشلون مدري ولا همني اعرررف

كل اليهمنني يمتى ينزلن؟!

رحت يم مصطفى احجي وياه صافي حباب عليك الله حاول مرة ثانية بلكي تصير دشوفها لخاطري💔🥺

.وهو يحلف ويكرر حجية للمرة الألف

: لج بابا والحسين ماكو مو هستوني شفتة كدامج لج كلشي ماكو بعدهم

:كتله اي ميخالف شووفه بس هلمرا شبيك والله حوكع من طولي فدوة لعينك وهو خطية من لاجاره رجع يشوفلي مرا ثانية وصاحح مو كتلجج ماكو مو كلت محجيته ولا فتحت حلكي مبية اناقش واجادل هسة بعدين اني اعلمة

: رفعت راسي نتبهت لبابا وماما وبيبي الكاعدين كدامي كلهم عينهم علية ومبين التوتر عليهم بس شافوني اباوعلهم بسرعة دارو وجهم وسوو روحهم يحجون سوووه محجيت ورجعت دنكت

:راسي امسح بكصتي المتروسه قطرات عرك بهلبردد حجيت وية روحي شبيج فرحة!؟

: كولي بسم الله ولج شبييج يعني واذا مطلع التردي شنو تموتين روحج باوعت ع ظفري وصحت يا هاي يمتى نكسر ؟؟!

: بابا اكو علاج للاضافر بلصيدلية حكتبلكياه بورقة جيبلياه وياك من تروح للدوام

عود الهي روحي بلحجي بس والله ولافاد ولانشالت عيني عن ظهر مصطفى ولا زحزحتها ويامن تحجي ويامن سولف رجعت مرا ثانية

: ماما اني سمنانة موو ؟؟

سارة :لا وين سمنانة نفس جسمج

فرحة :لا والله سمنانة باعيلي شلون صايرة

سارة:ولج وينن سمنانة نفسجج حتى يمكن ضعفانة

فرحة :هااي شبييج شبيييج دكلج سمنانة

سارة :ها اي اي سمنانة صدك

فرحة :عود شنو هاي اي جاي تاخذيني ع كد عقلييي انتي مو هستوج كلتي مسمنانة؟!

امي سكتت وهيا تباوعلي بنظره كانو دكلي لتخافين يروحي والله انتي كدها

:ضجت كلش من نفسي ليش صيحت عليها هيا شعليها شمسويتلي وين سمنانة اني هاي شبيه بس اريد احجي وتعارك و لهناك

مصطفى: ولج فرحة ولجج فرحةة نزلت نزلت لج قبولاتكم نزلتتت

:والله بلحظتها حسيت كلبي كام يركض كدامي واهلي كلها طفرت يمتى وشلون وصلنا يم مصطفى مدري كل الادري بيه هو مصطفى شوفهن حباب مصطفى يلا بسرعة عليك الله شمنتظر

وماما واكفة صيح يجماعة صلو ع نبي واقرو الفاتحة لام البنين(ع) تسهيل امررر

فرحة : والله من التوتر غلطت بلفاتحة تلاث مرات وبعدين كلت اعوفها ورة مشوف القبول اقراها لأن مدعرف احجيي جانن احلى صوتتت اسمعى بحياتي هو صوت مصطفى من يكلي لج فرحة قبلوجج لج طلعلج التريدي حققتي حلمج لج فرحتيي الف مبروك

يارب هلفرحة الكل طلابنا طلعون احسن وأعلى المعدلات وتروحون الاختصاص البالكم يرب🧡👐🏻