تعالي معي

البارت الثلاثون

البارت الثلاثون
للكاتبه فـاطـمـة الـسـراي
قصه _تـعـالي مَــعـي

‏"في مِثلِ هذا الوقت، قبل يومٍ
أو عامٍ أو حتَّى أعوام، كنتَ تظِّن
أنَّ الأبوابَ مُغلقةٌ وأنَّ تِلكَ الأيّام
لن تمُر، ثم إنَّك بالكاد تتذكرها
الآن، وها قَدْ مرَّتْ وكأنَّها لم تكُن.
إنها تِلكَ القاعِدة الّتي لا تحتمِل
إستثناءً: كُلُّ شيءٍ آيلٌ لِلعُبور.."

..................................................................

مرات الإنسان يمر بلحظات بمواقف يحس
خلص هاي النهايه ماكو باچر
حياته خلصت
بس هلشيي غلط
والدليل شكد مرينه بلحظات بمواقف بظروف
چنه نحسها حتكون السبب بنهايتنه
بس هااي احنه موجودين اليوم
وراحت هذيج الايام ويمكن بعضنه نساهاا..........

مثلي اني .....
من باوعت لباب بيتنه
رجعت بلزمن ليورة واني ابجي بلباب ومريد اروح
رجعت لإحساس هذاك اليوم كله عبالك هلشي هسه داعيشهه
جنت بهذيج اللحضهه ماعندي امل باي شي 
عبالي النهايه..........

عمر :ها جدو مراح تنزلين

فرحه :جدو خايفه

عمر :ليش ؟!

فرحه :خاف مايستقبلوني....خاف نسوني
الصار بيهم من وراي مو قليل

عمر :سوي العليجج نزلي شكريهم على كلشي قدمو الج
حتى اذا مااستقبلوج أو طردوج
واني استبعد هلشي
بس اعتقد هما يستاهلون المحاوله....

فرحه :انزل وياي

عمر :لا هذوله عائلتج انتي
محتاجيج الج مو إليه

فرحه :لا ماانزل ارجعلنه جدو متحمل كلبي يدك حيل
عود بعدين اجي

عمر :انزلي فرحه يلا جدو يلا شو انزلي
مامشتاقه لامج لابوج
ماادري بيج هيج بذاته ولج

فرحه :جدو هلسنين كبرتني حيل كبرتني
وانطتني مشاعر مجنت اعرفهه

عمر :اكيد لأن الصارلج مو قليل وبما ردتي تبلشين من البدايهه
لازم نصحح اهم نقطه بحياتجج
حتى تمشي حياتج صح نبلش بلاساس
يلا بويه أنزلي لا تعبيني وياج ...

فرحه :نزلت واني احاول اذكرلي دعاء ادعي بي ماكو
الفاتحه شكد صارت عليه صعبهه اريد اذكرر كلماتها ماكوو
احس كلبي يدك باذاني من قوته
وعيوني بسرعه نملت دموع واني اباوع للبيت
لوين رجعت لكل لحظاتي وذكرياتي العشتها هنا
جنت  امشي واتلفت لجدو جانت امنيتي يكلي تعاي ارجعي لا تكملين
وصلت يم الباب حسيت حيلي باد ودخت حيل لا بيه حيل ارجع ولا بيه ارفع ايدي وادك الباب
نتچيت على باب واني ابجي ابجي حيل
معقوله يمه كلبج ماحسس بيه معقولهه ماحسيتي اجيتج
بين الاي وبين لا كدرت ارفع ايدي ودك الباب
ماكو صوت رجعت دكيته مرا ثانيه
سمعت حركه كانو واحد ديتقدم يريد يفتح الباب