❤️للعشق أمواجه❤️
من كتابة
🤭سارة الخلوقي 🤭
Sara
EL khallouqy
كانت بطلتنا عندها عائلة متكاملة متكونة من الاب حيدر لي مغربي الاصل رئيس المخابرات الروسية متزوج من روسية الينا كان بيناتهم قصة كره وتحولات الحب ونتج عن هاد الحب اول فرحة ليهم ولدهم كاضم كانو فرحانين بيه لكن شاءت الأقدار وتخطف كاضم وهو عمرو 5سنوات من طرف المافيا الروسية المسمات على لقب رئيسهم كوسطو ولي هو اخ الينا رفيال وملي عرف اب الينا ولي هو جد البنات كتب گاع ممتلكاتو بسميت حفايدو لي غيتزادو بنات ولا ولاد الينا وحرم ولدو الورث وترا عليه من العائلة ولكن كانت الينا مرضات مليى قالو ليها ولدها مات مقتول من طرف خوها لي من لحمها ودمها وهاد الشي كامل علاش غير حيت هي بنت المرا لي كان كيبغيها الاب ديال رفيال بزاف وطلق مو على ود ام الينا وبقى حاقد عليها هي لي معندها دنب وكانت مو كتحرضو على باه وختو حتى ولا كيكرهم وديما كيحفر ليهم وخصوصا الينا ختو ديما كيحاول يقتلها وزاد كرهو ليها ملي تحرم من الورث ...مي كان حيدر كيوقف في طريقو وينقدها حتى شد عليه دلائل عاد بعد شوية منهم مي ماشي ديما وحلف عليهم حتى يقتلهم بابشع الطرق واي ولد ولا بنت تزاد عند الينا غادي يقتلو
تحسنات حالة الينا وعاد ولدت راسيل كانت فرحانة هي حيدر بزاف ومن مورا عامين زادت بنت اخرى سماوها ريماس كانت نسخة مطبقة على باها اما راسيل كنشبه لامها كان عاصم كيدربهم على انواع السلاح وخصوصا راسيل كانت دكية وماكرة وجاب ليهم مدرب ياباني باش يدربو على انواع القتال معاشوش طفولة بحال البنات لي كيلعبو بالالعاب لا ..هوما كانو كيلعبو بالأسلحة النارية وتدريب على الفنون القتالية وديما عايشين في الرعب وخايفين من كلشي قراو في الدار حتى الامتحان كيدوز ألاين كلشي كان موفر ليهم ماعدا الحرية لكن راسيل كانت حالة خاصة كتهرب من واحد المكان سري هي واختها وكتاشفو روسيا كاملة وكونو صدقات بزاف من كل مجال وهاد الشي هو لي كان بلا خبار باهم مع العلم عارفين الخطر المحيط بيهم وحتى واحد مكيعرفهم بنات حيدر جناني رئيس المخابرات الروسية واخة يتلقا بيهم خالهم ميعرفهمش لكن هوما كيعرفوه مزيان وكاع اعداء باها كتعرفهم هي وختها تعاشرو البنات مع ولاد الزنقة باش يعرفو بحقها وتعرف مع البزناز باش يعرفو كفاش كيكون تبزنيز مشاو البيران باش يعرفو انواع الصفقات المشبوهة لي كدار المهيم عرفو أصول الدنيا وتحرميات ديال الناس الكبار حتى ولو طاحو فشي موقف يعرفو يتصرفون بلما يدخل باهم وهاد الشي كيديروه غير بالليل وهوما متنكرين بلي زوافرية باش ميتعرفوش عليهم
نهاية فلاش باك
تنهدات راسيل بان ليها الطبيب خارج مشات عندو ...دكتور اش وقع اشنو عندو
أنت تقرأ
❤️للعشق أمواجه ❤️
Actionقصة من كتاباتي Sara elkhallouqy 🍒 يظهر رجل غريب مصاب بفقدان الذاكرة على جزيرة يونانية . هناك يلتقي بفتاة ، يقع كلاهما في حب بعضها البعض ويبدأ في تطوير الجزيرة وتوسيع المنتجع التي تملكه البنت واختها . لكن بمجرد أن يزدهر حبهما وفي اثناء زفافهم تأتي...
