❤️للعشق أمواجه❤️
من كتابة
🤭سارة الخلوقي 🤭
Sara
EL khallouqy
كتقلب وتقلب وهي تفكر بلي هي تحت الكوخ في القبو لابد ميكون منين تخرج بقات كتقلب حتى اتار انتباهها واحد البلازما كبيرة مشات حداها وبدات كتقلب فيها مي معرفاتش واش تيفي ولا لا مي هي فشي شكل غير قاستها وطلعات ليها البصمة وعرفان بلي غيكون هداك مخرج مشات جراتو وتعافرات معاه حتى وقفاتو غير بزز تقيل عليها وعاد عامر بزاف ويدير منها ربعة مي عزمستسلماش وحطات كاع صباعو ديال ايديه مي متفتحش وبدات تعاير وتنعل هاد النهار لي خلاها تجي وتنقدو حطاتو الارض وبدات تخمم حتى ناضت قافزة بلي راه دارت صباعو ونسات مجرباتش ايدو كاملة بدات تاني تعافر معاه باش توقفو وهزات ايدو وحطاتها على ديك البلازما وهي تحل من الوسط وبان الباب وبانت الفرحة على وجها وبدات تجر فيه وكل مرة توقف تستراح عاد تكمل تهلكات وعيات والعرق هابط منها مسافة نصف ساعة خرجات على برا في واحد الساحة لقات فيها لوطو من نوع لبرگيني في الاحمر ديال جوج الناس خلاتو مشات تجري تشوف لتلقاها محلولوة مي العكس ومعندهاش الكنطاك
رسيل""اوف مشاكيل دخلت فيهم منين غنجيب عوتاني هاد الكنطاك شوية وهي تبسم ولقات الفكرة كانت شافتها في الأفلام وغادي طبقها المهم تحاول وربي غادي يعاونها مشات لزاج الامامي ديال لوطو من جهة سائق وضربات بجهد بكوعها حتى تهرس وحلات الباب من لداخل وجلسات بلاصة سائق وبدات تقلب على ديك البلاصة لي كيكونو الكابل بان ليها بحال الصندوق فيها لي كابل ديال لوطو غير لقاتو بدات تحل فيه مي والو واش بغا يتحل قلبات في لوطو على شي حاجة حادة باش تحلو حتى لقات موس صغير اووووف
كتهضر مع راسها على يحل ليا هاد الزمر بدات تحل فيه وتجرو بزز تحل ليها فرحات وانتبهات كاينين بزاف الكابل حتى رجعت قرنات حجبانها منين غنبدا هاد الشي وفين هوما الكابل ديال الكنطاك كتجرب فيهم وتنكر حتى خدماتها عاد تهنات ورجعات فين خلاتو وبدات تجر فيه حتى وصلاتو لوطو وفكاتو بدات طلع فيه غير بزز تقيل عليها
وناري شحال تقيل مالك اش كتاكل طيحتي ليا نص لكيلوات لي عندي
رسيل هدا مايكن غير شي دنب درتو في حياتي لي دخلت راسي في هاد المشاكيل اههههه عرفت شنو دنب لي درت كنخرج بتخبية على بابا الى حصلت غنولي مسخوطة مافيها شك كون غير خرجت معايا غير ريماس تهز معايا هاد الحلوف ياربي سلامة... طلعاتو لوطو وقداتو مزيان ورجعات بلاصة السائق بغات تسوك معرفاتش كفاش وعاد لوطو اتوماتيك وهي تعبس تاني وبان ليها واحد زر عليه اسم ربوت بركات عليه وشعل بدا يتكلم
الروبوت ""اهلا وسهلا
رسيل""اهلا بيك ممكن تتولى القيادة
الروبوت""نعم انستي ...عفوا لكن الى اين
رسيل""الى اقرب مستشفى بسرعة
الروبوت""في الحال انستي
رسيل""ممكن سؤال
الروبوت ""تفضلي انستي
رسيل""لماذا تتكلم اللغة العربية وانت في بلد اجنبي
الروبوت ""سيدي العراب هو الذي برمجني على اللغة العربية بحيت لا يتقينوها في الدول الأجنبية ولا يمكنهم سياقة السيارة يدويا من غير الروبوت
رسيل""ممم وهاد العراب دماغ اوا بابا الله يعطيك الخير علمتينا اللغة العربية والدارجة واللغات الأجنبية اما كنت بقايت واحلة مع هاد اللوطو وهاد الجن لي ساكنها
مدة زمنية وصلو المستشفى ونزلت بغات تغوت فحين غير شافو ماتركيل السيارة عرفوها ديال العراب خرجو يتجراو هزوه دخلوه ديريكت غرفة العمليات وبقات رسيل في سيارة دايرين بيها الكارد
الكارد""مسيو واحد الولد جاب لينا العراب في حالة خطيرة وهاز معاه شنطة صغيرة
"""" ام خليو معاكم حتى نجي شوية ونوصل
الكارد""اك بوس ......توجه لوطو وحلها وخاطب رسيل بالروسية ممكن تفضل معانا
رسيل ""لا مغدي نتفضل فين حتى يجي خوه ديال العراب نعطيه الأمانة ونمشي بحالي
الكارد""سمع سيدي خوه هاهو في طريق ممكن تدخل لداخل كلنيك ونتكلمو
رسيل""اك ندخلو نشوفو هاد الحريرة لي حطيت فيها راسي ...دخلت رسيل وحتى واحد معارفها بنت وعاد دايرة كمامة ونضاظر وعاد كتغلض الصوت تسنات شوية ديال الوقت وتفتح الباب ودخل شاف يمين وشمال وبان ليه شكل شاب باقي صغير ولابس اسود في اسود وتقدم ليه وتكلم
""""انت هو الشاب لي جاب العراب لكلنيك
رسيل""اه انا مي بغيت نشوف خوه نسلمو الأمانة ونمشي بحالي ولكن قبل قول ليا الكود
""""ام وراك مطور مع راسك اك الحاج ولد الرجال
رسيل""برافو هاك الأمانة الله يعاون نتمنى منعودش نتلقاكم
""""مازال مساليت معاك
رسيل""انا ساليت معاك وبالنسبة الأسئلة لي في بالك انا غنقولك كلشي وبدات تحكي ليه اش طرا
""""لي مدخلش راسي اشنو كنتي كديري تماك وعلاش خاطرتي براسك على واحد مكتعرفيهش
رسيل ""سؤال في محلو انا نقولك علاش خاطرت بحياتي حيت مافيا كوسكو عندي معاها عداء عليها درت داك الشي اما اشنو كنت كندير تماك ماشي شغلك حيت ممكتوباش بسميتك اك .....نخليك
""" اك يمكلك تمشي ولكن لفاق العراب وقال عكس كلامك متلومي غاراسك ونجبدك من تحت الارض
رسيل""قربات حتى لعند وجهو وضحكات وقالت ليه انا اصلا تحت الارض وفي نفس الوقت فوق الارض والا وصلتي لنيفك لحسو
""""ملي قربات ليه تغلغلات في نيفو ريحة زوينة مخلطة بالياسمين والكوك يعني ديال النساء وعاد تكلمات بالدارجة يعني هاد البنت مغربية الاصل معاودش كلمها وخلاها تمشي حتى يقلب مورا ميفيق العراب
أنت تقرأ
❤️للعشق أمواجه ❤️
Acciónقصة من كتاباتي Sara elkhallouqy 🍒 يظهر رجل غريب مصاب بفقدان الذاكرة على جزيرة يونانية . هناك يلتقي بفتاة ، يقع كلاهما في حب بعضها البعض ويبدأ في تطوير الجزيرة وتوسيع المنتجع التي تملكه البنت واختها . لكن بمجرد أن يزدهر حبهما وفي اثناء زفافهم تأتي...
