البارت العشرون.
.
.
وافقت عليه بسبب حبي وسبب ثاني هو اريد اعرف نهايه وين؟ أو وين راح اوصل؟؟.
شراح استفاد اذا تزوجته واذا بقيت كاعده يمه.
عافني وطلع وكالي باجر روح المحكمه حتى انسوي راتب والعصر نطلع جنيد يشوفنه شيخ يعقد النه.
ــــــــــــــــــــــــــــــــــــــــــــــــــــــــــــــ
احمد.
العصر اتوجهت الامي حتى اعرف شبيها
وصلت وتلكتني دعاء.
أحمد: شبيهاا امي؟
دعاء: اتخربطت.
أحمد: ليش شبيها صار؟
دعاء: ماعرف جانت تحجي بتليفون وكعت من طولها.
أحمد: ويامن تحجي جانت؟
دعاء: يمكن وياا خوالي.
أحمد: هوا شيجي من خوالج غير الشلعان كلب.
دعاء: الي يكول بس خوالي مو خولك هم.
أحمد: احتركو خوالي.
عفتها ورحت الغرفه امي فتحت الباب لكيتها متمدته
وجانت تبجي كعدت يم رجلها.
أحمد: الله بالخير يمه.
نهى: هلا يمه.
أحمد: شبيج منو امضوج ست نهى.؟
نهى: اوفف يايمه شحجيلك..
أحمد: خير يمه شكوو
عدلت كعدتها ومسحت وجهه
نهى: اسمع يمه خالك او خوالك كلهم حالفين بس يشوفون غفران يذبحوها.
أحمد: شهل مضرطه وليش يذبحوها.
نهى: يكولون عار بحجت الشرف.
أحمد: وانتي مصدكتهم؟
نهى: لا يمه اني بس اريد اعرف وينها مرتاحه لا شتاكل شتشرب وينها هسه هياا بهل برد موو كلبي تفطر عليها.
أحمد: لا يمه هسه تلكيها بخير.
نهى: انت شمدريك هاا؟
أحمد: يمه غفران سباعيه وبعدين لاتنسين راتب خالي وصار بسمها وتكدر دبر عيشتهاا.
نهى: ولك اكول بس يشوفوها يذبحوها هوا يكول
تكدر دبر عيشتها اني شسوي بعيشتها اريد اشوفها مرتاحه لا.
أحمد: الله كريم يمه تلكي وعود قبل لا يذبحوها اجيبهاا الج.
نهى: انشوف اريدك تلكاها وجيبها يمي هنا.
أحمد: ميخالف يمه تريدين شي بعد.
نهى: سلامتك حبيبي.
أحمد: يله يمه طالع... بست راسه وطلعت شفت دعاء بالمطبخ واكفه على الكاونتر وتبجي.
ضحكت عليهاا ورحت يمها هيا مسحت دموعها.
أحمد: اوفف ليش تبجين.؟؟
دعاء: صدك غفران يذبحوها اذا شافوها.
أحمد: يمعوده مصدكه بخوالج اكبر فارغين.
دعاء: واذا لزموهاا شلون؟
أحمد: ايبا خايفه عليهاا موو.؟
دعاء: اي تريد الصراحه غفران حبابه واني احبها.
أحمد: ضحكت بوجهه مسحت عيونها وحطيت راسها على صدري وافرك بشعرها اهديها::-
مراح يصير شي غفران سباعيه.
دعاء: وانت ليش واثق هيج غفران مرتاحه.
أحمد: بعدد غفران ماتعرفيها يعني.؟
دعاء: اعرفهاا بس حتى لو كانت بس تبقه ضايعه محد لكاها.
أحمد: تعرفين رقمها انتي؟
دعاء: ايي طبعاً اعرف.
أحمد: خابرتيها سئلتي عليها؟
دعاء: ايي جم مره خابرت ودزيت رسايل بس تشوفهن ماترد.
أحمد: يمعوده ماضال مردت يعني كاعده وساكته متريد احد يضوجهاا.
دعاء: أحمد انت ليش مرتاح هيج وراك سالفه.
أنت تقرأ
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
