البارت ستون.
.
.
بيوم جنت بس اني وعمتي بلبيت والجهال بره يلعبون واني بلمطبخ ماحس غير صوت الجهال يصيحون واجه ايهم عليه ركض هو مترب وحالته حاله اتفاجئت منه هو يبجي ومختنك.
ايهم: ماما ادهم سوه حادث.
بساع شهكت وكع الماعون من عندي واني مصدومه نزلت اله ولزمته من ايده... شكاعد تكول ويننه هو.
ايهم: بره بلكاع ودم عليه.
فتحت عيوني واني مصدومه كمت واني اركض طلعت برا واشوف سياره داعمه ادهم نايم على بطنه
وغركان بدمه ركضت عليه وشلته خليته بحضني واني ابجي ضربته على وجها.. ادهمم ماما كومم فدوهه... جان رجال واكف هو الي دعمه واكف بخوف.
- اسمعي اختي والله مادرري بيي والله.
غفران: اعممىىى ماتشووفف طفلل... لكك ماما ادهم كومم فدوهه.. رفعت راسي اله... ليشش صافنن امشي ناخذهه المستشفى.
- اسياره وكفت ماتشتغل والله.
غفران: صديت على ادهم واني ابجي.. لاا ياربي دخيللكك كلشي ولاا جهالي فدوواتتت عينكك ساعددنيي ياربيي.. ادهمم كومم ماماا واحدد يساعدنيي فدووه... كمت اصيح بعلو صوتي واني ابجي دحكت على الجهال واكفين هما يبجون وخايفين... روحوو جيبولي تلفون بساعع.
ركض ايهم البيت ركض يجيبلي التلفون واني اكعد بادهم ماكوو اي شي يربيي والولدد مايتحرك ولاا يتنفس دخيلكك ربيي لاااا ابنيي هذاا فدوه... فاقد
ماكو اي شي منه واني تخبلت كمت اصيح بشارع
طلعت عمتي على صوتي ونسوان التمو واكفات فوك راسي نوب ماكو اي سياره فرعنه.
وكفت يمي ماما تبجي لما ايهم جابلي اتلفون اخذته
بساع من عنده واني ابجيي دكيت على أحمد فصله بوجهي اندهشت منه دكيت عليه مره مرتين ماكو قفل خطه.. موو وقتتكك.. دكيت على حازم ماكوو.
لكيت رقم جنيد دكيت عليه لما رد.
جنيد: هلا غفران.
غفران: احجي بصعوبه واني اشهك.. جنيد فدوه تعالل بسااعع ادهم اندعم فدوه نودي المستشفى ععلليكك الله تعال.
جنيد: هسه هسه بس على كيفج هياتني قريب عليكم
جايج هسه.
غفران: ايي فدوه.. سديت الخط واني ادحك على ادهم وعمتي ملخت روحها من البجي اجني نسوان شالنها والجهال الي ماتو من البجي على اخوهم لزمهم ابن جيرانه يهدي بيهم هما بس يبجون والولد الي دعم ادهم واكف فوك راسي وهو خايف واني مخليته بحضني.
لما وصل جنيد بسيارته بساع نزل اخذه وحطه بسياره وركبت وياا وحرك السياره على السريع يسوقها واني ادحك على ادهم شلون فاقد... ادهم ماما فدوه كومم فدوه حبيبي انت كوم... حطيت راسي على راسه واني ابجي... يارب دخيلك كلشي ولا هما لاتختبرني بيهم.
جنيد: خلص غفران انشالله مابي شي هسه نوصل المستشفى والله كريم.
غفران: لكك شلون مابي شي شفته شلون غركان بدمه ماكو لاحس ولاشي الولد فاقد بيدي.
أنت تقرأ
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
