بغيتو قبل مانعرفو (مكتملة)

الجزء الثالث 🌟

🌺الجزء 3🌺

فقت صباح او قديت شغال دار حتا جا بابا كان حتا هوا خدام في مدينة كيجي غير من شهر لشهر
ريحانة: سلام بابا معلمتيناش بلي غتجي ليوم
مزال مكملتش هضرتي صرفقني حتا طحت سولتو علاش ولكن كان معصب بقا كيضرب فيا حتا ولا لحمي كامل مزوق جات امي بغات تفكني مقدراتش سولاتو شنو سباب ولكن حلف لهضر حتا تسرحت مع الارض دفل عليا او قال ليا بلي جبت ليهم عار هدي هي تربيتنا هادشي لي نستاهلو عندك بغيت غير نهضر او نفهم منو ولكن مقدرتش
بابا: خوك دار اكبر مصيبة فاش عطاك تلفون شوهتينا اش درنا ليك خاصني ندبحك او نشرب من دمك
ماما: وقوليا اش دارت اشنو هادشي لي خلاك تعصب هكا
بابا: حشمت من راسي فاش جاوني تصارها عريانة او معامن مع ريضى الله ياربي اش درت حتا تعاقبني ببنت بحال هكا كتقيل تهضر معاه شفتي بنتك اش كدير بهاد تلفون ولكن غير بلاتي يجي خوها راه وصلاتو خبار او هوا لي غيعرف ليها ودير في بالها بلي ختزوج عربي لهبيل هوا لي غيقبل على فضيحتها او يسترها نشوفو نيت ضسارتها فين غتوصلها
سمعت هاد هضرة بقا فيا حال على نيتي او حبي ليه وتيقى ري درت فيه نستاهل كتر من عصا لي كليت كنت حمقة قالت ليه مرت خويا بلي هدشي ممنو والو ولكن متيقهاش حولات تفهمو مسمعش منها
انا عمري سيفط ليه تصاوري عريانة كنسيفطهم غير بلفولار كفاش شافهم بابا عريانين او كفاش شافني معاه او حنا عمرنا تصورنا بجوج جات ماما عوناتني نوض داتني بيت كانت هيا معدبا كتر مني حيت حاسة بيا او عارفة خويا شحال صعيب هزيت تلفون لقيتو مسيفط ليا تصاور عاد فهمت بابا علاش كيهضر كان مقادهم بلفطوشوب هوا عارف ناس توع العروبية مكيفرقوش بين حقيقة او لكدوب اكيد لشافوها غيسحابوها غير حقيقة بغيت نوضح لبابا ولكن اش غنقوليه راه انا ليا فيا حق كون مسيفطهمش ليه منطيحش فهادشي كنت كون في الاول فكرت بعقلي منوصلش لهاد لماصل كنفكر او كنبكي حتا صونا ليا
ريضى: سلام حبيبتي كيف صبحتي مزيان مهم عيط نقوليك غير كيجاتك مفاحئة زوينة ياك تصاور جاو زيينين مع بعضياتنا خصارة ماشي بصح
ريحانة: حشومة عليك اش درت ليك واش عمري قلقتك دنبي بغيتك بصح او تقت فيك علاش درتي ليا هدشي
ريضى: واش يصحاب ليك انا غنبغي وحدة بحالك بنت ريح لي جا يديها من نيتك تيقتي بلي غنتزوج بيك طلعتي مكلخة راكي بحال بزاف ديال بنات دازو في حياتي
ريحانة: عمرك غتلقا لي تبغيك بحالي حيت بغيتك بصح اومن قلبي تيقتك او قلت غتكون راجل معاية دير فبالك عمري غنسمح ليك
ريضى: بزااف بغاوني كتر منك او بنات ديال ضوار لمخيرة فيهم نضحك معاها تجي تجري كيف الكلبة
ريحانة: شكرا بزااف على هدشي لي درتي انا نستاهل
قطعت عليه بقيت كنفكر اش غندير لجا خويا غيقتلني اكيد غيتيق هدشي مكدبش كنت مكلخة انا نية بزااف شوه صورتي مع عائلتي ومع ضوار كفاش باقي غنشوف فشي حد
جات عندي ماما او جابت ليا لما او سولاتني كفاش وقع هدشي عاوت ليها كلشي هي غتيقني بلا منحلف حيت كتيق فيا
خرجات حاولت نوض مشيت لكوزينة خديت موس كنت بغيت نتبت برائتي او نقول ليهم يدوني عند طبيب يتاكدو بلي انا باقة بنت ولكن كرهت راسي كفاش غنشوف فيهم من بعد لي طرا وخا كاع يعرفو بلي مدرتش دكشي ولكن راني هضرت معاه او عطيتو فرصة فين يضحك عليا انا عارفة بابا مغيزوجنيش بداك سيد ولكن راني وسخت ليه وجهو مع ناس اش غيقولو عليه دبا والد بنت ريح لي جا يديها ميمكنش منقدرش حتا نتخيلها دبحت عروق إديا هدا هوا حل لي كان عندي موت هي لي غتهنيني مبقيت فكرت فحتا حاجة وبديت منفقد وعي بشوي بشوي حتا طحت اخر حاجة سمعت هيا.........بنتي ماتت

#يتبع

جورياتي متنساوش فوت وعطيوني توقعاتكم