بعد ماخلصوا اكل ثريا مااكلت كثير تحس نفسها انسدت بعد كل شي شافته اليوم نزل فايز الحساب
ووقف وقامت معهه وطلعوا
ومن الركبو السياره ماتكلموووا ابد ، ثريا كل امنياتها يهاللحظه بس بتتمشششى قبل يرجعون الفندق وماتقدر تتكلم تخاف يعصب عليها
بس تحطمت لما شافت الفندق وقف ونزل ونزلت معهه ودخل فايز ومشى للفت وركبه ودخلت ثريا وهو يتجاهل يناظر لها وكل تفكيره ، شلون نسسسى السبب اللي تزوج ثريا عشانهه ، من موقف مع ضاري رجع كل الافكار اللي كانت براسه ويحاول يتناسها ، وصلوا لشقهه ودخل فايز بدون مايسكر الباب ودخل للغرفه وسكر الباب ودخلت ثريا وسكرت الباب وتاففت وهي تناظر لباب الغرفه وهمست:ناقصه انا ملل عشان يحبسني بالشقه
ورمت نفسها ع الكنب ورمت نقابها وهي تحس براسها يدور من قل النوم
تلحفت بعباتها وسحبت مخدهه الكنب وشوي شوي ليييييين نامت
اما فايز من دخل للغرفه طلع اللاب شاف ايميلات واصلتهه من الشغل
مااهتم وفتح الوورد واخذ نفس وكتب (افكار اشخاص تشكل حياتك؟!)
ووقف شوي يناظر للعنوان وبعدها بدا يكتب
عادي من فكره صغيره يقولها شخص عابر لك ، تفكر فيها وتتوقعها شي بسيط ، بس بالاصل هالفكره ممكن تكبر لدرجه بكل خطوه تصير ملازمتك تشكل حياتك مثل ماتبي ، تكبر لين تتحول لوسواس يسيطر عليك ، تصير تتمنى لو انكك ماسمعتها ، او مااهتميت لها ، تصير كلمه ليت تتردد عليك كثيييير تبغى بس يرجع فيك الزمن لورا عشان تتجاهلها وترميها من راسك ....
واخذ نفس ورجع يكمل يكتب
،
سلوى ببكى:كله منك انننتي
عبير:لاتحططينها علي اممل هي اللي عطنا هالفكره الغبيهه
امل تكتفت:احححلفي بسسس ، حبيبتي انتي اللي بس هددت خالتي كبيت لها كل شششي
عبير؛انا عندي عيال كبار وش يقولون الناس لو تطلقت
امل:كان كذبتي ليشش تقولين كل ششي
عبير:ماطططرى لي ششي ابد
سلوى؛انتي وامل رجالكم ماسوو لكم ششي ، اما وليد كان بيطلقني
امل:والله الحظيظ جواهر اللي ماحد تكلم عليها
سلوى:الله ياخذها حظظظ
عبير:معتبرينها صغيره للحين
امل:احسسن قهرها فايز وسافر مع ثريوهه خليها تنغبن شوي
سلوى ببكى:طيب ششوفو لي حل وليد ماششفته من ططلع
امل وعبير ناظروا لبعض مايدرون وش يسسسوون لها...!
.............
بعد ماخلص فايز مقاله ، ارسله بالايميل للشغل وسكر اللاب وقام دخله لشنطه ورتب شنطته وطلع من الغرفه شافها نايمهه ، صار يناظر لها مايدري كيف يوصف نظراتهه ، اخذ نفس ومشى لها ووقف قدامها
فايز:ثريا
تحركت ثريا وفايز تكلم:ثررريا قومي لانتأخرر ع الطيارهه
ثريا تاففت وناظرت له:ماشبعت نوم
مارد فايز ومشى وتركها
ثريا:يااااربي شششلون بصصصبر ع هالوووضع
لف لها فايز:صبرتي ع الكفوف قبل
ثريا:هه تضضحكك ، من جججد مليت
فايز لف يفتح علبه ماء:قومي لانتأخر
ثريا قامت ورمت العبايه ومشت تغسل وفايز ناظر لها ورجع صد ورفع السماعهه ،
عشر دقايق وسلم فايز الجناح ومشى مع ثريا لسياره ركبوا ومشوا
ثريا لفت له:روقت؟ اتكلم ولا اسكت؟ تراني ماله جد
فايز مارد عليها وطلع جوالهه وثريا تاففت ورجعت تناظر لدريشه
شوي وسمعت صوت فايز
فايز:الوو وليد
وليد:ارححب سسماء وينك ي رجال
فايز:بالامارات بس لاحد يدري لاامي ولا احد
وليد:ابشر بس انت تبي شي توصي ع شي
فايز:ابي خدمه بس
وليد:امر
فايز:انا بسافر لماليزيا بعد ساعه ، لو ترسل احد ياخذ سيارتي يرجعها
وليد:ابشر انت خلها باامان وانا اجيها
فايز:ماتقصر
وليد:بسألك شلون زوجتك؟
فايز ناظر لثريا المندمجه وهي تناظر من الدريشه:تمام كل شي تمام
وليد:اعتذر لها بدل عني وعن سعد وصالح والله ان اللي سونه الحريم مو بسيط بحقها
فايز عقد حواجيه:وش سووا؟
وليد:ماقالت لك؟؟
فايز:لا والله
وليد تنهد:اصصصيله وربي
فايز استغرب:تكلم وشش صار
لف له ثريا مستغربه
وليد:والله ماادري وش اقول بسس اللي صار ....
وقال له كل شششي من كلام جوووواهر لسلوى لضضحكهم عليها
فايز بصصصدمه سسسكت
ثريا استغربت ملامحهه وهمست:عسى ماشر ، صاير شي
ناظر لها فايز ورجع تكلم:وليد..!
وليد:وربي ماادري وشش اقول قسسم بالله اني وريت سلوى ششغل الله وشوي كنت بططلقها
فايز تنفسس بسرعه بعصبيه:تذكر ولدك ، يلا تبي شي
وليد:اهدا
مارد فايز وسكر وهو يتنفسس بسرعه
ثريا بخوف:فايز وششش صاير؟
فايز ناظر لها:ليشش ماقلتي لي عن اللي صار بالعزيمه
ثريا بااستغراب:وش اللي صار
فايز بعصبيه:لاتستغبييين ، ليشش ماقلتي لي عن اللي سونه جواهر والباقي بالعزيمهه لكك
ثريا انصصدمت وسكتت
فايز ضغط ع راسه:ثريا تكلمي ليشش ماقلتي لي؟؟
ثريا بعصبيه:خلاص عاد ، ع فكره اول ششي انت جيتني ماعطيتني فررصه اتكلم اهنتني قدامهمممم رميتني ع الارضضض لو تذكررر ، علمت ع ششكلي لما دخلت لصصصاله الكككل كانت يناظر لششعري، كرهتككككك وكل مااتذكرر الموووقف اكرررهك اكثررررررر ، اسسسسكت ولاتتكلم فيه
فايز ناظر لها ورجع ناظر لطريق وثريا صدت عنهه
فايز سكت وهو يضغط ع راسسسهه ويحسس بضضضيقه داخله ودهه يتكلم يططلعها بسس عارف ماحد بيسسمعهه ،
كمل للمطار ونزلو وكل واحد تفكيره بمكككان ، خلص فايز اجرائتهم وطلعو لطيارهه ، ثريا كانت خايفه من لحظه الاقلاع بسس ماتكلمت لفايز وفايز وده يتكلم معها يعلمها بس كل ماتبي شي ثريا نادت المظيفه بدال ماتسأل فايز ، بعد الاقلاع حست ثريا براحهه سندت راسها ع ورا وشوي شوي لين رجعت نامت اما فايز سند راسه يفكر ، الى متى؟ وكيف نهايه كل هاللي يمر فيه؟
،
لمى بالصاله مع الصغار وازعاجهمممم دوخها
لمى:خلاااااصصص يرحم والديكمم خلاصصص
ناظرو لها الصغار
لمى:اللحين الحوش مالينه مراجيح مو عشان تندفسسون فيهم ، وش تبون بالصاله
صغيره؛نبي نلعب هنا
لمى:ششوفوا اللي بيزعجني هنا قسسم بالله ان اتصل بفايز واخليهه يعلمكم ششغل الله ، تعرفونه اذا عصصب
خافوا كلهم:لالالالا
لمى:اجل انقلعو برا ولااشوف كور بالصاله
وركضوا للحوش وهمست لمى:وه ي فايز تفك ازمات حتى وانت مسافر
ع صوت بسام:اوهه لمى هنا
لمى:لا تشوفني هناك شفيك انت
بسام:هه ي حليلكك
وجلس جنبها؛اقول
لمى:قول
بسام:جيت زينب بالشقه تقول فايز سافر صدق؟
لمى:اوه انت فاتك احداث
بسام:ايش؟
لمى:ههاي احداث الموسم ، اسمع
وقالت له السالفه كلها وبسام منصدم:الله الله
لمى:زوجتكك فضحتهم
بسام:ماتسكت عن الحق ذيبهه زنوبه
وكتم ضحكتهه
لمى عقدت حواجبها:شسمها؟
بسام:ههههههههههههههه
لمى:اقول لاتسمعك ، ونصيحه لاعاد تدلع احد ، قوم بس خلني اروح لامي لاتحطها حجه اني ماجيتها وتذبحني
ومشت وبسام ضحك وداخلهه مفتخر ان زينب الوحيده من كناين هالبيت اللي ماترضى بالظلم
...........
بعد ٨ ساعات وصلو لمطار كوالالمبور ثريا فللت نوووم طول الرحله نايييمهه ، عكس فايز اللي يغفي دقايق ويقوم ، اخذو تاكسي للفندق ، وطول الطريق ماحد يناظر لثاني ولايتكلمون مع بعض
وطلعو لجناحهم ومن دخلو دخلت ثريا تاخذ دش وتبدل ملابسسها اما فايز رمى نفسه ع السرير ويده تحت راسه
شوي وطلعت ثريا والمنشفه ع راسها ولابسه بجامهه
ثريا:جوعانه
لف لها فايز وهو منسدح:عز الله
ثريا نزلت المنشفه وهي تنشف شعرها:اطلب اكل ولا بنزل
ناظر لها فايز:انتي تعاندين ولا شفيك؟
ناظرت له ثريا:مااعاند بس ابي عيشه بتعيشش اكل هم هم شي نعيش عليهه
فايز:اللهم طولك ي روح ، هم كل شي يسكر عنهم بدري ، سدي جوعكك لين يطلع الصبح
ثريا تافتت وصدت عنهه ونزلت المخدهه وطلعت لصاله
فايز جلس ع السرير:جيبي لي معك
ثريا وقفت ولفت له وعقدت حواجيها
فايز:شفيك؟
ثريا حركت كتوفها ومشت لشنطه وطلعت الاكل ومشت له وجلست قدامهه ع السرير ونزلت الاكياس
وبدت تفتح الاكل وتاكل وفايز يناظر لها:عطيني
ثريا:لك بدال اليد ثنتين افتح لنفسك واكل
فايز:ابي اللي معك مافي غيره
ثريا:يمه يالشفاحه حاط عينه ع اكلي ابلع ششي ثاني وش هذا
فايز سحب البطاطس منها:ماراح اكله كله
ثريا:هييهه
وقربت له بتاخذه وفايز يبعده عنها:ثريا الاكياس مليانهه
ثريا وقفت ع ركبها:انت ششوف هالاكياس المليانه وعطططني هذا فااايز
فايز:انقلعي شششوي بسسس بعططيييك والله
ثريا:كذاب هااااات فايز بلا سسخافهه
فايز:ي بزر انثبررري بعطيك بس ابعدي
ثريا جلست زين:يلا
فايز ابتسم وصار ياكل وهو يناظر لها
ثريا صدت عنه ماتبي تششوفهه
فايز بهدوء سكت شوي واخذ نس ونزل البطاطس
فايز:اسف عن اللي سوته جواهر
لفت له ثريا انصدمت بس رفعت حاجب:عن اي شي بالضبط؟ الاهانه اللي تقصد اي وحده؟ الاهانه انك تضربني بالغرفه وتنزل معها تطلعون وتضحكون؟ او اهانه انك تجلس قدامي انت وياها وتخليها توكلك؟ اوالاهانه لما ضميتها بيوم زواجي؟ او عن الاهانه اللي رميتني بالارض قدامها وقدام عبير وامل وسلوى؟ *ونزلت دمعتها* او الاهانات اللي تهينني فيها وانت مو موجود؟
فايز يناظرها وداخله ششششي ضغط ع قلبه ونزل راسهه
ثريا؛لاتتاسف فايز ، لو تتاسف من هنا لاخر يوم اشوفك فيه ماراح انسى ولا شي من اللي عشته معك من اهانات
ونزلت من السرير ومشت لصاله وجلست ع الكنب وهي تحاول تمسسك دموعها ماتنزل بسس ماقدرت ودفنت وجهها بالمخده وصارت تبكي وتحاول يكون بدون صصصوت ، اما فايز كان يسمع انينها الخخخفيف عوف انها انفجرت تبكي ، وقف بضيق وطلع صاله ووقف يناظر لها واخذ نفس بضضيق ومشى لها وجلس جنبها لين قرب ومسك المخده وسحبها بهدوء منها وهمس:خلاص
صدت ثريا وفايز قرب لها وهمس:لاتبكين خلاص
ماردت ثريا ومد يده فايز ومسح دمعوها بهدوء وثريا مو مستوعبه لفت وناظرت له وهو قريب لها
ابتسم فايز:تعالي
وسحبها وصارت ع صصدرهه ثريا بصدمه جت بتقوم وضمها فايز
فايز؛انثبري وين بتروحين
ثريا بهدوء:بقوم ابعد
فايز بضحكه؛الجناح كله غرفه وصاله ، وين بتروحين
ثريا ماردت وفايز لما شافها هدت مسح ع شعرها وتكلم بصصوت هادي
فايز:من زززمان ، كنت راكب مع صالح ورا وكان صالح يسوق وجنبه ابوجواهر
ثريا من مسح ع شعرها حست بشي ماتدري وش توصصفهه ولما بدء استغربت سالفته بس جاها فضول تعرف وسكتت
فايز وهو يلعب بشعرها؛صالح انشغل بجوالهه هالكلام اول زواجه ، وميل السيارهه ولما انتبهه كان الوقت متأخر وقلبنا
ثريا بخوف:صدمتوو؟
فايز ضرب راسها ع الخفيف:اقولك قلبنا ي نعجه
ثريا:شدراني ، كمل
فايز:انا لاني ورا ماجاني شي الحمدلله اما صالح انكسرت يده وابوجواهر كان الضحيه ، انكسر فيه ١٢ عظم ودخل غيبوبه شهرين
شهقت ثريا
فايز:صرت الوحيد اللي اجيه كل يوم ، ماادري ليش حسيت ان انا الذنب لو صار له شي ، اللي يتمت صغيره ورملت خالتي
ثريا:وش دخلك
فايز:لان صالح ماكان مهتم كثير ، حسيت انا المسؤؤل ، بعد شهرين صحى وفرحنا وبشرت الكل ، ناداني لاني الوحيد عنده بذيك اللحظه وبالقوه يتكلم ، وصاني ع خالتي وبنتهه جواهر ، حسيت بحمل كبيير ماقد حسيت فيه ، وقبل ياصلون الاهل ودع
ثريا وكانها فهمتهه سكتت
فايز:من يومها عاملت جواهر ع انها بنتي اختي صديقتي دلعتها ونسيت انها مع الوقت تكبر ، لين جاء الوقت اللي تعلقت فيني وماقدرت حتى اوضح لها انها مفروض تبعد عني ، انا اشوفها اختي وهي الله يهداها
ثريا:لاتقرب لها انت
فايز:بحاول ، ع العموم ان المقصد من هالسالفه ان ضمي لجواهر اول يوم زواجنا كان عشان اهديها ، وضحكي وطلعاتي معها عشان اوسع صدرها وانسيها ابوها ، ولما ضربتك قدامها لاني ماتحملت اشوف احد يضرب جواهر وابوها موصيني عليها
ثريا ساكتهه
فايز مسح ع شعرها وهمس:وصل ي البكايه؟
رفعت راسها ثريا بسرعه وناظرت له:من قال اني كنت ابكي
فايز:هههههههههه كلام جرايد ادري
ثريا ابتسمت وسكتت شوي:لاتعلم احد والله ماقد بكيت قدام احد الا قدامك ، يع احس نفسي دلوعهه
استغرب فايز:جد؟
ثريا:والله
فايز:اوريك بكرا افضحك بالجرايد، ثريا تبكي غيره ع زوجها الوسيم فايز
ثريا تعد ع اصابعها:تعقب وتخسى وتهبى وتبطي عظم
فايز:ههههههههههه
وثريا ابتسمت وصدت وكان شي فيها اررتاح مااتدري وشو ، ورجعت تناظر لفايز اللي يناظر لها وقامت:عسى ماخلصت البطاطس
ومشت للغرفه وفايز ابتسم واخذ نفس براحهه خلاص مايبي يفكر بشي ووقف ومشى وراها:دوري لكك غيره بس
...............
