- مابيه حيل ارفع جفن
ذبلان جسمي من الحِزن
والدمع !
و الدمع گد ما نزل ماخله لون برمشي
محتار باحلامي البُقن
شو مارضن يتحققن ؟
مثل اليشوف ابنه البچر كبران
بِسّ مايمشي
ماعندي كُلشي بيا بخت يردوني ارضى بكُلشي ؟
وحدي بغرفتي و أي بشر ما احمله وماطيقة
مارايد اسمع لا نفس لا صوت لا موسيقىٰ
الاعمى يوكع لو عثر
أصغر حجاره تعيقه
خلوني وحدي ولو متت بس امي ترفع نعشي
ان داهمتني حسرتي يااااربي ما اقساها
ابدو ضعيفًا عندها
طفلًا اذا اخشاها
طالت عليَّ نهايتي
احتاج ان القاها
لو كان عُمري باسمًا لا مارجوتُ لُقاها
بِسّ هيَّ ضلت للرُخص
مو وكت اليحب بحُرص وكت الافعال الجارحه .
وياگلبي بطل لاتحس
ولا تنتضر دورة شمس
باجر شبيه البارحه
خسرانه ياروحي العشگ ، الصُحبه ، بيمن فالحة ؟
امضيتُ عُمري مُنصفًا مافكر اخذ غيبة
قد كُنتُ شخصًا طيبًا بس ماتفيد الطيبّه
و اتأمل الناس التجي
مو مثل الناس الرايحه
و ياجفني يالدمعك نزف
ميت غريب ومو عرف
ادينه واجبنه وخلص
خلينه نقره الفاتحه
و خلنفتهم ، خلنفتهم اكبر غلط نربط فرحنه بأي شي .
