محبوبة الفارس (امتلكنى الفارس 🦋) مكتملة ❤️

part 17

اشربى المايه وخدى نفسك واتكلمى حصل ايه
الممرضه بخوف /انا ....انا كنت
سليم بهدوء/اهدى واتكلمى
الممرضه /يا باشا انا كنت داخله عند المريضه ابص عليها قبل ما امشى علشان الوردية بتاعتى خلصت
لقيت واحد لابس لبس تمريض وبيحاول يقتلها
سليم بتساؤل /بيحاول يقتلها ازاى
الممرضه /بيكتم نفسها بالمخده وانا لما صوت زقنى وجرى بسرعه
سليم /مش فاكره شكله كان عامل ازاى
الممرضه/لا يا باشا انا من الخوف مركزتش
سليم /تمام .روحى انتى
________________________________________
نانسى /مش عايزين اى مشاكل مع فارس الملك الفتره دى علشان شحنه المخدرات والأسلحة تعدى فى هدوء
حامد وهو يضع كاس الخمر أمامه /انا هخلص على ابن شاهين الاول وبعد كده نشوف موضوع الشحنه دا
نانسى بهدوء مريب /ودا حصل امته
حامد /انا بعت مره قبل كده بس معرفوش يوصلوا له
كان عليه حراسه مشدده ،فبعت رجالتى تانى وهو داخل الشركه يخلصوا
نانسى بصوت عالى/ انت بتعمل ايييييييييه
فارس اكتشف منال السكرتيره وحاليا مش عارف هى فين ،انت قولت مش مشكله أميره مش تهمنا في حاجه
أهم حاجه ورق الصفقه
اخدنا ورق الصفقه وطلع مش مضبوط وخسرنا جزء كبير ،حرق ليك المصنع وكان فيه مخدرات للشحنه الجديده وشوف خسرنا شحنه بكام
ودلوقتي بتعمل ايه ؟!!!لو فارس عرف مش هيسكت واحنا معانا شحنه مهمه جدا مع اجانب وفيها موتنا لو الشحنه موصلتش
دايما هو سابق بخطوه ،مش عارفين نوقعه فالمفروض كنت تستنى لحد ما نعدى الشحنه
انت مفكر انك هتعرف توصل لفارس انك تقتله ،كانت محاولاتك اللى قبل كده نفعت
انا دخلت معاه فى صفقه مهمه جدا هتخسره كل ما يملكه
مش دا كان اتفاقنا !!!
إن ادخل معاه صفقه ويخسر كل حاجه ؟!

حامد بغضب / هفضل احاول اقتله ....لازم نرمين تموت من القهر عليه
نانسى بغضب /لو فضلت كده ...يبقااا كل حاجه بينا خلاص وهبلغ الأجانب إن شغلى معاك انتهى
حامد بصوت عالى/انتى بتلوى دراعى كده
نانسى بصوت عالى هى الأخرى /اعتبرها زى ما تعتبرها يا حامد....هو انت مفكر إن انا مش عايزه فارس يموت بس كل حاجه بالعقل ...احنا معانا دلوقتي شحنه مهمه جدا
نركز فيها ولا تفتح علينا ابواب فارس تانى
بقلم أميمة عوض

حامد بتفكير فى نفسه /طب ما انا اوجع قلب فارس على السنيورة بتاعته وكده اكون ضربت فارس في نقطه ضعفه فميركزش ويخسر أسهم شركاته
أو شركاته مقابل السنيورة ومنها مفتحش على نفسى عداوه الأجانب لو نانسى عرفتهم

نانسى /هاااا قولت ايه ...انا بكلمك
حامد بهدوء /خلاص تمام ...نتكلم فى المهم وهسيب قتل فارس دلوقتي
نانسى /كده تعجبنى ...
_________________________________________
تمام خدها على الفيلا وفهم ماما نرمين مين دى وهات ممرضه تتابعها
سليم /تمام يا بوص ..سلام
فارس /سلام
فارس فى نفسه /يا ترى صفاء عارفه ايه علشان حد يحاول يقتلها

___بيقطع تفكيره ،منى وهى بتحضنه من ظهره
منى /مالك يا حبيبى. ،واقف ليه كده
فارس وهو بيلف وبياخدها فى حضنه /كان معايا تليفون تبع الشغل يا قلبى ،طلعت اتكلم بره علشان متقلقيش
منى /هو احنا هنفضل هنا كتير
فارس بصوت هادى وهو بيشيلها /الصبح نتكلم يا حبيبى ،ننام دلوقتي الاول
بيحطها فارس على السرير ويغطيها ويبوس رأسها
منى بنوم /تصبح على خير يا فارسى
فارس بسعاده /وانتى من اهل الخير يا عيون فارسك
_______________________________________
****بعد مرور أسبوع

__حامد ونانسى مشغولين بشحنه الأسلحة والمخدرات
__صفاء بتصحى تصرخ وتاخد المهدأ وترجع تنام منه تانى
مفيش جديد فى حالتها
سليم ماسك الشغل فى غياب فارس وبيبلغ فارس بخطواته أول بأول

فارس ومنى سافروا الساحل ودا كان طلب منى
حبهم بيزيد وفارس بيعاملها بحنيه وحب واهتمام
منى كانت مبسوطه وسعيده جدا انها مع فارس وأنها خلاص اتخلصت من الوحده اللى كانت فيها
__فارس الملك كان فارس تانى خالص معاها ،حقق. لها كل أمنيتها
بقلم أميمة عوض

منى بسعاده وهى متعلقه فى دراع فارس وبتاكل ايس كريم/مين كان يتخيل إن فارس الملك يتمشى فى الشارع عادى وبياكل ايس كريم كمان
فارس بغمزه /دا كله علشانك يا قمر
منى بسعاده / انا مبسوطه اوى يا فارس
فارس بحب /وانا سعادتك عندى بالدنيا يا حبيبى ،كفاية اشوف فى عيونك السعاده ،انا معاكى فارس حبيبك اللى يعمل علشانك اى حاجه علشان تكونى سعيده ومبسوطه
منى بدلع /ربنا يخليك ليا يا حبيبى
فارس بخبث/انا بقول نأجل الدلع دا لما نكون لوحدنا
منى /ههههههههه
بيتأملها فارس وهى بتضحك بحب
منى /فارس فاااااارس
فارس بانتباه/نعم يا حبيبى
منى /عايزه غزل البنات
فارس /من عيونى يا حبيبى
_________________________________________ببيطلع فارس من الحمام وهو بينشف شعره ،ومنى مش موجوده فى الأوضه
سمع صوت دندنه جايه من تحت ،بينزل بيلاقى منى واقفه فى المطبخ وهى بتغنى
بتعملى ايه
كان صوت فارس وهو مقرب منها جدا وبيحضنها
منى بخضه /حرام عليك فارس ،بطل تخضنى
فارس /حبيبى اللى بيتخض بسرعه ،هيكون مين غيرى يعنى
مش قولتيلى بتعملى ايه
منى /بعمل كيك بالشوكولاته ،هتعجبك اوى
فارس بصوت هادى جدا جعل منى تنكمش فى نفسها /طالما حبيبى اللى بيعملها اكيد هتطلع حلوه
منى بصوت يكاد يسمع /فارس
فارس بهدوء هو الآخر /عيون فارس
عاااا الكيك
فارس بهزار /مجنونه ،انا بحب مجنونه وأكمل بجدية /احنا هنرجع اسكندريه بكره يا حبيبى
منى / بدرى كده
فارس /علشان ورايا شغل مهم يا حبيبى واوعدك هنيجى شهر كامل بعد ما تخلصى الامتحانات بتاعتك
منى /ماشى يا حبيبى وكمان ماما نرمين وحشتنى اوى
______________________________________
تشرق شمس يوم جديد على أبطالنا

بيوصل فارس ومنى اسكندريه
منى بسعاده وهى بتجرى تسلم على نرمين /وحشتينى اوى يا ماما نرمين
نرمين / حبيبتى ،عامله ايه انبسطى
منى /اوى اوى يا ماما
فارس وهو بيوطى يبوس رأس والدته /وحشتينى يا ست الكل
نرمين بحب لهم / حمدالله على سلامتكم يا حبايبى
يا سماح جهزى الأكل
فارس /انا همشى انا ورايا شغل مهم
نرمين /تاكل معانا الاول يا فارس
فارس /معلش يا أمى مستعجل ،ورايا شغل مهم
نرمين /خلاص ماشي
بتطلع منى ورا فارس
فارس /عايزه حاجه يا حبيبتى
منى /عايزه سلامتك يا حبيبى
بيبوس فارس جبهتها ويمشى
___منى بتقعد مع نرمين وبتحكى لها قد ايه هى مبسوطه مع فارس

_______________________________________

هل ستبقى منى سعيده فى حياتها مع فارسها الذى أنقذها من الوحده
هل سيبقى شعور الدفا بينهم أو ل القدر رأى آخر
##روايتى محبوبة الفارس
بقلمى أميمة عوض 📝