محبوبة الفارس (امتلكنى الفارس 🦋) مكتملة ❤️

part 19

منى بتوتر /ابدا مفيش حاجه ،،انا كنت سرحانه شوية بس
انت هنا من امته
فارس و هو يقترب منها /وحبيبى سرحان فى ايه لدرجه ان ادخل الأوضة بسرعه واقول يا منى ومش حاسة
منى وهى تنظر للمرايا مره أخرى /عادى كده يا حبيبى ،مش حاجه مهمه
فارس ويدفن وجهه فى رقبتها وانفاسه تضرب عنقها /يعنى مش بتفكرى فيا ،بقى دى مقابله لزوجك حبيبك وهو جاى من الشغل هيتجنن عليكى
وأكمل بصوت هامس جدا / وحشتينى
منى وهى تكاد تموت من هذا الوضع وبصوت يكاد يسمع / انت وحشتنى اكتر ،اتاخرت فى الشغل ليه
فارس وهو مازال على وضعه / افتكرت حبيبتى هترن عليا وتقولى وحشتنى ،تعال بسرعه يا حبيبى
أجى الاقيها مش فى اوضتنا حتى
منى باستغراب/اوضتنا
فارس بابتسامه/اه اوضتنا ،هو انتى مش مراتى ولا ايه
منى بتوتر / مراتك بس مفيش حد فى القصر يعرف انى مراتك ..
يقطع كلامهم صوت طرق على الباب
فارس بتأفف وهو يبتعد عنها / مين
سماح / الاكل اللى حضرت أمرت بيه يا فارس باشا
فارس / ادخلى
سماح باحترام /تؤمر بحاجه تانيه با فارس باشا
فارس بجدية / من الصبح تكون هدوم الهانم فى اوضتى
سماح / حاضر يا فارس باشا
فارس لمنى /هدخل اخد دش بسرعه وبعدها ناكل
منى /بس انا مش عايزه أكل ،مش جيلى نفس
فارس بجدية /لينا كلام مع بعض عن موضوع أكلك دا على فكره
✨✨⭐⭐⭐⭐⭐⭐⭐⭐⭐✨✨✨
___يمضى بعد الوقت ومنى واقفه تنظر للنجوم سرحانه فى كلام صفاء وفى الأحداث التى حصلت فى حياتها
فارس طالع من الحمام بينشف شعره بيلاحظ سرحان منى مره اخرى
فارس وهو يقترب منها / نجمتى تنظر الى نجمه
نجمتى التى أضاءت حياتى ،جعلت لها معنى

تنظر له منى بحب وحيره فى نفس الوقت ففى عقلها كيف يكون الشخص الذى يعطى لها كل هذا الحب يمكن أن يخدعها
فارس بحب /حبيبى سرحان تانى فى ايه وتبصيلى بحيره ليه كده
منى بتوتر / انت بتحبنى ليه يا فارس ،انا مش حلوه اوى يعنى ولا زى البنات اللى فى الطبقه بتاعتكوا
انا واحده عادية ،دخلت حياتك كموظفه عندك بس
بعدها اعتبرها زى اختك الصغيره علشان صعبت عليك
ينظر لها فارس لثوانى ثم يضحك بصوت عالى
منى بغيط / بتضحك على ايه
فارس بابتسامه وحب / تعالى هقولك واحنا بناكل بضحك على ايه
ليكمل بمرح / مش كفاية مراتى كل شويه تسرح منى وكمان مجوعانى
منى بانتباه وخجل / انت هتقعد كده
فارس بخبث / كده ازاى يعنى
منى بخجل شديده /يووووه يا فارس
فارس بحب /لأجل عيونك والفراولة دى هلبس التيشرت
لتنظر له منى بحب وهيام
فارس /روحى هاتيلى بقااا من اوضتى تيشرت
منى بحب /حاضر من عيونى
فارس بحب هو الآخر /تسلملى عيونك يا حبيبى
لتذهب منى وتأتى له بتيشرت بيتى لونه أبيض
منى بحب /بحب التيشرت دا عليك
فارس بهيام/ وانا بحبك انتى
منى /طب يلا مش هناكل ولا ايه
فارس بابتسامه/هناكل يا فصيله ههههه ، دلوقتي عايزه تاكلى
⭐⭐⭐⭐⭐⭐⭐⭐⭐⭐⭐⭐⭐⭐
__يجلس فارس ويشاور لها أن تجلس على قدمه
فارس بحب شديد/ تعالى اقعدى هنا ،عايز أكل حبيبى
منى بخجل /هو انا طفله صغيره يا فارس
فارس بحب /انتى طفلتى حبيبتى
منى تجلس على قدم فارس ويطعمها بنفسه ويزول خجل منى تدريجيا وتبدأ فى مشاركته مع بعض المرح والحب
منى بتذمر /مش بحب العصير يا فارس
فارس بجدية /هتشربيه يا منى وياريت تشربيه بالذوق بدل ما اشربهولك بالعافيه
هاخدك بكره اصلا المستشفى علشان تعملى شوية تحاليل كده
منى بخوف /تحاليل ايه ،ما انا كويسه اهو
فارس بجدية /حضرتك مش شايفه شكلك واهمالك ولا ايه ،مش بتاكلى طول النهار
والدكتوره اخره مره قالتلى انك تعملى تحاليل لما اغمى عليكى
منى برجاء / خلاص هشرب العصير وهاكل بس بلاش مستشفى علشان من اخر مره كنت عند طنط صفاء وانا بخاف منها
فارس بجدية وصرامة /لما اشوف قدامى انك بتهتمى باكلك مش هاخدك تمام
منى /تمام
فارس ومازال على نفس الجدية والصرامة/ وعايز مذاكره ،فيه تقدير اخر سنه
اى حاجه تقف معاكى انا موجود ،والمحاضرات وكل اللى فاتك هجبهولك بس تذاكرى ،فيه حراسة هتكون معاكى لو انا معرفتش أجيلك الكلية واى تهور كده ولا كده بعيد عن الحراسة مش هعدهالك ،مفهوم
منى بطاعه /مفهوم
فارس بتذكر / وبالنسبة لموضوع محدش يعرف انك مراتى دا
هو انا متجوزك فى السر ولا ايه ؟!
انتى مراتى والكل عارف دا ولو على الفرح فأنا قولتلك هعملك أحلى فرح تمام
منى وهى تشعر بالنعاس /ممكن كفاية بقاااا عايزه انام وانا هعمل كل اللى قولت عليه
فارس وهو يحملها للسرير/يلا يا حبيبى هنام
لتنام صغيرته فى حضنه سريعا وهو ينظر لها بحب ويذهب فى النوم هو الآخر
_________________________________________
يستيقظ حامد على صوت طرق الباب
حامد بتعب من أثر الخمر / ايه الصوت دا
ليتذكر ما حدث له وأن اخر شئ كان يشرب بكمية كبيره ووقع مغشى عليه

__أحد الخدم من وراء الباب /حامد باشا ،نانسى هانم مستنية حضرتك من بدرى
حامد / تمام ،قوليلها جاى

لينزل حامد من مرور بعض الوقت
نانسى /صباح الخير يا حامد باشا
حامد بعصبية/ وهيجى منين الخير بعد اللى حصلى
نانسى /اصبر بالعصبية يا حامد باشا لحد ما تعرف مين صاحب الشركة دى
حامد باستماع / مين دا
نانسى / فارس الملك
حامد بصدمة /فارس طب ازاى ،دى مش شركة شاهين
نانسى / دى شركة فارس الخاصه ومحدش كان يعرف أنه صاحبها ،فى السوق كانت باسم مجهول
وطبعا الكل عارف ان شركات شاهين الله يرحمه حاليا شركات فارس
هو لسه عامل تصريح بعد الصفقة أن الشركة بتاعته
شركة خاصة بيه ،عملها بعيدا عن شركات والده
حامد بشر / بقااا دا كله يطلع منك يا ابن شاهين
نانسى بتساؤل/ هنعمل ايه كده فى شحنه المخدرات والأسلحة
حامد /هنكمل ،هيقولوا المعاد النهارده
وأكمل بشر / الشحنة تعدى بس وهفضالك يا ابن شاهين
نانسى / تمام يا حامد باشا ،هروح اتفق انا بقااا مع الرجاله
لتنصرف نانسى وحامد مازال مكانه يفكر كيف يتخلص من فارس
حامد لأحد رجالته /......
__تمام يا حامد باشا
حامد فى نفسه /نبدا بالناس القريبة له الاول وكده فارس يبقااا بح ههههههه
ليضحك بطريقة هستيرية من يراه يعتقد أنه مريض نفسي
___________________________________

منى بنعاس /فارس ،التليفون بيرن
فارس بنعاس هو الآخر / مين الغلس دا ،دا سليم
انا قولت الغلاسة دى متطلعش غير منه
فكك منه ،تعالى كملى نوم
منى بابتسامة / رد عليه يا حبيبى ،اكيد عايزك فى حاجة
فارس بتأفف /أمرى لله
الووو يا رخم مش هتبطل العاده الزفت دى بقاااا

فارس بصدمة /ايييييه ،تمام انا جاى حالا
منى بخوف /فيه ايه يا فارس
فارس وهو لا يدري ماذا يفعل من الصدمة

منى بصراخ /مالك يا فارس
فارس وقد على صراخها من صدمته ويلتقط قميصه سريعا /سليم عمل حادثه
منى بصدمة /سليم
فارس وهو يرحل بسرعه /انا رايح المستشفى ،اوعى تطلعى من القصر
منى بسرعه / طب استنى خدنى معاك
لكن فارس لم يستمع إليها وذهب
نرمين بخضه من هيئه فارس وهو يجرى /مالك يا فارس فيه ايه
فاااارس
فارس من الصدمة والخوف على صديق عمره كأنه مغيب لم يسمع شئ وانطلق سريعا بسيارته
منى بتنزل بعده بسرعه وهى لابسه /فارس فارس
نرمين / فارس مشى يا بنتى بسرعه اوى ،هو فيه ايه
منى بدموع /سليم عمل حادثه
نرمين بصدمه وهى تسقط أرضا /سليم
#رواية_محبوبة_الفارس
#بقلم_أميمة_عوض

__يا ترى هيحصل ايه لسليم ؟!
وشر حامد هيوصل لايه ؟!
انتظرونى فى بارت جديد