رجعت البيت قبل أرد بأي كلمة ليوسف لأنهُ حبوبة جات وقعدت معانا..ما كان عندي كلام أقولهُ أصلاً...تلفوني رن عاينت للمتصل ورديت
_سامي سامي
=إتصلت ليك عشان تقولي لي شيء مهم
_أنا !! أقول ليك شنو
=قولي لي كل سنة وأنت طيب سريع
ضِحكتَ
_ياخ كل سنة وأنت طيب والسنة الجاية عريس
=زوووولتي♡..يلا وين الهدية
_يا سامي ياخ أنا لاقية أكل أصلاً
=ح أستنى منك يوم الخميس هدية ظاااابطة
_أرجاااااني ساي
إتونسنا شوية وقفلت منهُ...سامي ده أكتر بني آدم عفوي لاقاني♡.. رقدت وأنا تفكيري مشوش خالص من ناحية يوسف.
********************
أيوة كالعادة فُلة بتمشي قبل كلامي يخلص وقبل ترد بحاجه تبين لي بيها موقفها..صليت العِشاء وجيت فتحت تلفوني..عاينت للدردشة بتاعتها مسافة ورسلت ليها
_أقنعتوا جدو كيف بالطلعة برة !؟
=جدو ما بالصعوبة دي
_ح نطلع وين طيب !؟
=هو مش كلفك بالحاجه دي !؟
_أيوة وأنا ما عارف..إقترحي لي أماكن
رسلت لي صورة فنجان قهوة وجنبها يانسون
=بشرب قهوتي
_أعملي ليها لبن بدرة
=لا كده ظابطة..قلت لي نمشي وين !؟
_أيوة
=في مٌنتزه لطيف شديد وفيهُ ألعاب وقعدات عائلية..ح أرسل ليك الموقع..مكان رهيب رهيب.
_خلاص بقينا عليهُ
=لا شوفو أول