لما نزلنا تحت..فكيت يدي منهُ عاين لي وما سألني لما دخلنا المكتب
_إضايقتي !؟
عاينت ليهو
=مِن.. !؟
_مسكتي ليك !!
نزلت عيوني وما رديت عليهُ
_طيب تأكلي شنو
=أي شيء..
_تمام
طلع حتى يدوب قدرت أتنفس..منظرهُ القبيل ما فارق مخيلتي..وبرضو مُستغرباني ليه لسه بتعامل عادي !؟..
_إتأخرت عليك !!
=ها..لالا
قعد قصادي وخت السندوتشات وكيس تاني
_شاورما وبيبسي
=شكراً...
كنا بناكل ونحنا ساكتين...في أسئلة كتيرة كنت محتاجه أسألها ومحتاجه عليها إجابات..وفي نفس الوقت ما ضروري يكون عليها إجابات..يعني لو سألتو بتسجر ليه ح يجاوب بشنو ولا لو سألتو أنت عصبي ليه أو من متين كده برضو ما ح يكون في إجابة...يمكن دي شخصيتهُ..والحاجات دي جزء منهُ ولا يمكن يتنازل عنها...هو قال شايفني مناسبة ليهو ومن كل النواحي..بس هو ما مناسب لي...ما مناسب لي بس حاسة إني ما حابة أرفض..ما حابة أقول لا..مش عشان ما بقدر أو عشان جدو والعادات...لالا أنا من جوااااي فيني حاجه بتقول "يوسف ما بِترفض"
_فُلة
=نعم
_سرحانك كِتر وكده خطر على شغلك
=ح أقول حاجه
_قولي
=أنت قلت شايفني مناسبة ليك ومن كل النواحي صح
_صح
=طيب لو أنا ما شايفاك كده
_ما مطلوب مِنك تشوفيني مناسب
=ما فهمتَ !!
