اصبحنا لا نلوم الغرباء ، فالمقربين فعلوا الأسوأ .🖤
مهند: اي مو هو بكيفف الخلفوج
قدر:اششش ولك بابه على الدراج
مهند:سكتنه يابه سكتنه
*غسلت وصعدت واني الخوف والقلق والمصير المجهول والافكار المختلفه وكل فكره تتفرع الى اكثرر واكثر دكيت الباب*
حيدر:فوتي بابه فوتي كعدي
قدر:يي بابه كول كعدت
حيدر:لمن ماتت امج وصتني عليج لاخر نفس بيه جنتي احلى ذكرى من شخص اخذته الدنيا غصب مني جنت مانام واني مزعلج امج قدر شلون افرط بيج شلوون اعوفج وانتِ ريحة امج
بس اوعدج وعد رجال وهلشارب مراح تبقين هناك
قدر:بابه كافي اني الي موافقه صدكك اني هم مراح ابقى الله مراح يعوفني وبعدين لتأذي روحك بهذا الحجي لخاطر أمي
(جان بابه كاعد على القنفه الي مقابيل البالكون فاتح الباب مال البالكون والطبليه بيها منفظه مليانه جكاير يمها كلاص جاي ومستمر يدخن خفت لايسوي بنفسه شي بوقت جنت احتاج اشبكه وابجي بس ظليت اكابر لان اني متأكده مراح يكدرون يسولي شي لو حسن يموت بلسجن لو اني اموت بلعماره وحسن هوايه ضحه بأشياء الي)
حيدر:قدر باعي لمن جانت امج حامل بيج لمن صارت شهر سابع وعرفت حالتها صعبه اخذت كم شغله وظمتها بصندوك صغير كالت اي شي يصير عليها افتحها وره ماموت.... ابوكتها جنت اضحك عليها لان مجنت اريد اصدك انو مرتي الشخص الي مر بهوايه ازمات بكل ازمه معافتني هيج بكل سهوله ترووح المهم وره فتره يمكن بلاربعين مالتها طبيت لغرفتنا (بعد وفاة امي بابه راح لغرفته من جان ولد ورممها وبعدها مفات للغرفه اله بلاربعين وراها ابد مفات ومانع اي شخص يفوت)حتى انفذ وصيتها فتحت الصندوك ووووووجانت مخليه سوار جانت كلش تحبه اول مخطبنه جبته الها وجانت متنزعه كاتبتلي اذا متت لمن تتزوج بتي اريد تلبسيالها ووكم شغله بس اني مراح انفذ بلوصيه
(طوال فتره حجينه بابه مسيطر على دموعه بس بلنهايه الدموع تغلبت على كبريائه حاولت اسيطر ومابجي كدام بابه بسسسسس الموقف اكبر مني ومن عدنه كلنه )
حيدر(وهو شابكني):لان اعرف انتي مراح تبقين هناك صيري قويه قدر.
قدر:انشالله بابه يله انته رتاح اني راح اروح(مكدر ابقى اكثر لانكلبي محترك بناررر)
حيدر:يصير اليوم تنامين يمي
قدر:مممممم تمام بسس بشرط
حيدر:ههههه وتتشرط
قدر:ييي مهند يجي ينام هنا حتى لو على القنفه
حيدر:ونشغل فلم وانتي ومهند سوو شاميه (احنه متعودين اني ومهند انو نشوف فلم من احد يضوج نكعد نشوف فلم بس بابه مشوف ويانهفلم لو يريد يشوف اول ميبدي ينام 😂)
قدر:يله انيي اروح بس ربع ساعه ونجي
🏃♀️🏃♀️
قدر:مهندددددددددددد
ام مريم:خيرر يمه شكوووو مو الولد كعد
قدر:يااا لا خاله ماكو شي بس وين مهند
ام مريم:يمه على كيفج توه طلع بلحديقه
قدر:اوك
________
قدر:مهنددددد شفتتنك
مهند:ههههه تره ممسوي شي
قدر:شوكت ناوي تبطلها استاذ مهند بله شوكت كمت تشرب جكايرر.؟
مهند:العسكريه كلشي تعلم والضيم
قدر:مهند اطلب طلب ياريت تسوي
مهند:اطلبي والي تردي يصير
قدر:مووو
مهند:احجي ولج شنوو
قدر:ههههه اريدد تسوي شاميههه
مهند:خره بيج عبالي شي انتِ شخطتي مووو.؟
قدر:بابه كال سوو شاميه وتعالو نباوع فلم
مهند:بابهه!!!!
قدر:ييي بابه يله كووم كوممم
مهند:كمت كمت
----------------------
قدر:باوع انته سوي الشاميه واني النسكافه
مهند:ميحتاج هلمره اني اسوي كلشي
قدر:اووووي
مهند:لا ولله بس لان كل مره تسويها مي خضاضه
قدر:هههههههلا وللله
.........................................................
مهند:يله مشينا خيه كملت بس بابه راح يشوف ويانه فلم مداصدك
قدر:هههه ولا اني
(صعدنه دكينه الباب مجان اكو صوت ....... دخلنه جان خطيه نايم على القنفه بابه من النوع الي يكعد الصبح وصارله يومين منايم هوو اساساً ميحب يسهر ابدد طلعنه بهدوووء)
مهند:هااا شكتلج
قدر:تعال جوه اكيد مريم كاعده
مهند:لا خطيه اخاف حدوري نايم وعيب متاخذ راحتها تعالي للغرفه نشوف فلم
قدر:بكيفك لا بغرفتي التلفزيون احسن
مهند:بكيفج يالله
(على الرغم من انو اني جنت ميت تعب بس ماريد اكسر خاطرها اوو اسوي اي شي كلبي يكلي مراح تطلع قدر من هلسالفه ظلينه كاعدين للوحده وهي ممحضره غراضها اني فهمتها تحاول تنسي نفسها بس هذاا واقع لازم تصدكه ظليت لحد مغفيت جنه فارشين بلكاع مردت انام بغرفتي لان ادري بس اكوم اروح لغرفتي فكره تجيبني فكره توديني .
قدر(مهند نام طبعاً اني كلشي مفهمت من الفلم يضحك اضحك يتأثر اتأثر بالي كله يم شغلتي شلوون راح اعيش شلون راح اتأقلم ويه الوضع زين اذا جانوو موزينين اووف اكيد موزينيه اخويه كتل ابنهم بس ولله مجان يدر يالله هسه شلون اني ممحضره غراضي كمت بهدووء عندي جنطه مال ضهر طلعتها وخليت بيها ٣بجايم وجاكيتين وكم شغله بسس تليفون ضميته بجيب سري هو الفلوس يعني ميبينون ابدد بس رحت لغرفه مريم اخذت شال ........بس جان اكوو شي كلش غريب ظليت صاافنه
