جاي اخذ نفس بس مدري وين يروح 💔
.
.
.
.
.
بس جان اكوو شي كلش غريب ظليت صاافنه اني مدابجي يي مدابجي بس جنت خايفه كأنوو ريبورت ويتحرك داتغاضى التفكيرر نزلت بلمطبخ فتريت مجاييني نوم مريم وامها نايمين حدوري شكله كلش بريئ ينطي شبه لحسن رحت للمطبخ سويت نسكافه وصعدت بلسطح احس روحي مخنوكه ماكدر اتنفس ظليت شويه وصارت بل٣ ونص مجاييني نوم والوقت يمشي تاتي نزلت سمعت صوت حيدر جان يبجي فدوه جان جوعان رضعته مريم وشلته ضحيت بحياتي ومستقبلي علمودك بس هلعيون الحلو تستاهل
يارب طلع حسن بلسلامه
مريم:قدر ليش ليهسه كاعده
قدر:ماكوو نوم
مريم:ضميري يأنبني جان لازم اقنعج متروحين بنفس الوقت اريد رجلي يرجع قدرررر شلون راح نعيش بدونج بدون صوتج وهستج وضحكت هاااا تتذكرين كلما نتعارك اني وحسن تصالحينه عرفت شنو طعم الاخت قدر ولله أسفه بس مووقفي صعببب(تبجي)
قدر:ششش كافي ماله داعي وعدتكم باقرب فرصه راح ارجع ومدكون عليه اله اني ادك ضميت تليفوني واخذت فلوس يعني مناقصني شي بس ادعيلي الله يخلصني
مريم:بس يمكن الياخذج حباب يي صح دائما هيج بلقصص
قدر:الله هو اعلم
مريم:روحي نامي وراج طريق
قدر:تدرين احنه مكملنه تصفيط الهدوم بلكنتور مال حدوري
مريم:يي بس شجاب هلموضوع هسه
قدر:لاااا هيج يله صاعده انام
(صعدت اصفط الهدوم الباقيه مال حدوري لان جان موعد العمليه الاسبوع الجاي فمكملناها كلها كملت كلش ورجعت كلشي ابمكانه صارت ساعه بلخمسه اله تقريباً طبيت اغسل علكت ميي حارر وضليت جوه الدووش كومه لحد ما سمعت الحسينيه الي يمنه توذن الصبح بدلت وطلعت اني من النوع الي يوم اصلي ويوم لا بس صليت الصبح صارت بلسته اله ثلث اخذت هدومي من الغرفه ورحت بلحمام بدلت .
حيدر*مدري شلون غفيت كعدت بلخمسه رحت اشوف قدر جان مهند نايم مثل التنبل وهي بلحمام صوت المي نزلت مالي خلك اسوي جاي بس هذا اخرر ريوك ويه قدري خليت الجاي على الصوبه وأخذت السجاده وطلعت جان الجو بارد بس اني متعود اصلي الصبح بلحديقه واقره قرأن يعني اشياء متعود عليها
قدر:لبست هسه اله ادركت انوووو اني داودي روحي للجحيم برجلي انيي شلوون وافقت انزل الدراج وخطوه تجيبني وخطوه ترجعني لالالا مسحيل ماريد اررووح بس شلونن لحد موصلت للصاله وشفت حيدر نايم بلكاروك كلت لا مستحيل ثانيه اتراجع شنو ذنبه يعيش بلا اب
اعرف هلوقت بابه يصلي بره جان مخلي الجاي على الصوبه جان ديفور المي خليت بي جاي وداحضر بلكلاصات
ام مريم:صباح الخير يمه
قدر:صباح الخير خاله
ام مريم:يمه عوفي اني اسويلكم ريوك انتي رووحي شبعي من البيت ولملمي غراضج
قدر:ههه شكراً خاله
قدر*رحت للحديقه جان بابه كاعد يشرب جكاره
قدر:صباح الخيرر بابه
حيدر:صباح الخير بتي صباح العسل
قدر:بابه تعال نتريك
حيدر:كعد مهند
قدر:بابه ماريد اكعده
حيدر:لييش
قدر:يله بابه هسه الجو برد
..
حيدر:باوعت على قدر من جبت طاري مهند عيونها غركت بلدموع بس رسن ندارت وطبت للبيت قررت مراح اكعده لان مهند متعلق بقدر كلش ماريدهم يتأذون اكثر
قدر:صباح الخير مريوم
مريم:صباح الخير
قدر: يله تعالي على الميز دنتريك
مريم:ولله ماكدر العمليه دتأذيني اني اكل هناا
قدر:بكيفج
حيدر:صباح الخير بابه مريم شلون صرتي اليوم
مريم:الحمدلله شوي احسن
حيدر:الحمدلله بابه نطيني الخبز ..........
قدر ليش مدتاكلين
قدر:كلش شببعانه انتَ اكل اصعد اجيب الجنطه
قدر*ماريد اكعد مهند حتى ماريد اودعه ماكدررر اعوف مهند راح اعتبرها فتره التحاق طوييله فتره التحاق مدى الحياه كعدت على الميز بس جان مكان حسن خالي كلش خالي رغم انو هو شخص كتوم المكان ياكلني اكل احس الكراسي دكلي كافي قدر هنا نتهى كلشي كلشي نتهى صعدت بحجه شبعانه وانيي من بارحه مماكله شي ظليت كاعده بلغرفه يم مهند وهو نايم اخخخخخخخ بس رحت بسته وحس هو رسن شبكني شبكني حيللل شبكه كسرت عضامي ياريت كل يوم يشبكني ليش هاي اخير مره ولله حرامم ربي زين ليش ولله اني ممسويه شي ليش تحرمني من اعز وكل ما أملك*
مهند:قدررر لتروحين خلي حسن ينسجن واني احاول اطلعه قدررر مداصدك اني ضعيف وماكدر اسويلج شي
قدر:يله مهند حبيبي اني اروح اتأخرنه مهند اوعدني متتعارك ويه حسن وتنغص فرحته انتَ مفد يوم تعاركتو لتخلوني سبب بعركتكم الله عليك ولتنغص فرحته دير بالك من تلتحق وانتبه على بابه لان احسه تعبان مهندد
مهند:راح اسوي كلشي اكدر عليه صدكيني مراح اعوفج
وتراب امي مراح اخليج تبقين مراح تبقين هناك
قدر:انشالله يله بابه دينتظرني
*قبل ميكلي اي شي اني رسن طلعت ونزلت ركض ودعت مريم صدك اختي الي مجابتها امي عندي هوايه ذكريات وياها كلش هوايه سهراتنه وطلعاتنه وكلش كلشي بس اني مطولت ابددد صراحه مكدرت الزم نفسي بس مخليت بابه يشوف دموعي لان هو صحته تعبانه اني لبس بنطرون جينز وقميص فوك الركبه وردي بس ام مريم كالت لازم تلبسين شال تجنبا للمشاكل ولله المريه حجت ويايه هوايه بسس مكدرت اودع ام رأفت لان بيتهم بعيد المهم صعدت بلسياره*
حيدر:بابه قدر سامحيني بس حكم القوي على الضعيف بابه وللله
قدر:بابه تكدر تسد هلموضوع لحد منوصل اترجاك بابه اريد اشبع منك
حيدر:بابه بسسسس
قدر:لخااطري
قدر*مشينه ربع ساعه وبابه نزل من السياره شوي وأجه بيده جياس مدري شخله بلصندوك
حيدر:باعي بابه قدر هذا الصاج يخبل انتي مماكله شي من الصبح وبارحه متعشيتي واني هم جوعان وهاي وحده ثانيه خليتها بجنطتج واكو نساتل ضميتها ليجوه اخاف تجوعين بس اذا الفه ظلت لباجر بلجنطه تره تخرب تحمض يعني بس جبتلج كيك ونساتل وجبتلج من هذا الحليب الي تحبي مال الككو
