داء الوَتر

البارت الاول

ريم...
اني البنية الوسطى بعائلتي
جنت الوحيدة يلي احس روحي يتيمه
صح عندي اب وام بس مااحس بحنيتهم
دوم احس نفسي يتيمه مكسور جناحي
اني طالبه ادرس معهد تمريض
جانت عندي دوره تدريبيه باحد المستشفيات
تعرفت على بنية جميله فاتنه اسمها هبه
جانت طفوليه ونضراتها خطفت انضاري
وقلبي بدأ ينبض
تعرفت على هبه
ريم : هلو اني اسمي ريم
هبه : اني هبه شنو تطبيق جديد
ريم: اي والله كم يوم بس تدريب
هبه: شرفت بيج عمري واي شي تحتاجي اني موجوده اني ممرضه هنا
ريم: عمري متقصرين شرفت بيج
اخذي راحتج حبيبتي
بدء التفكير بنضراتها صوتها كان ناعم
شبه اطمئنان مر يوم كامل على تفكير بيه
رجعت للبيت واني عقلي وروحي كله يمه
نمت واني افكر بيه
كعدت صبح حته اروح المستشفى بس اريد اشوفه
ضلت انضاري على كل لممرضات
سئلت عليه احد الممرضات
ريم : من رخصتج
ممرضه: تفضلي حبيبتي
ريم: اكو ممرضه اسمه هبه وين الكيه
ممرضه: بالصاله مال ولاده
ريم: شكراً حبيبتي
ممرضه: دللي حياتي
بهل اثناء رحت حته ادور عليه سمعت احد يناديني
ريم ريم طلعه هبه
هبه: ريم وين رايحه
ريم: جنت ادور عليج
هبه: حبيبتي خوما بيج شي
ريم: لا عمري بس ردت اخذ رقمج اخاف احتاج شي ماضل ادور عليج
هبه: ههه دللي عمري سجلي يمج
ريم: تسلمين حبيبتي
واخيرا شفته واخذت رقمه
من كثر الفرحه ماعرفت شحجي
هبه: شبيج ساكته
ريم: بجمالج
هبه: ههههه عمري انتي مو بجمالج
ريم: يروحي يلا اعوفج تاخذين راحتج
هبه:ماشي حبيبتي
ها ريم صدك باجر عازمتج على ستكان جاي
ريم: متفقين يوم عليج يوم عليه
هبه: هههه يدلل لحلو
ريم: اخجل ههه
هبه: اروح فدوه يلي يخجل هههه
اشوفج على خير عمري
ريم: كلبي انتي
ودعته وراحت وماصدكت نفسي ااني
رجعت للبيت واتخيل شون راح نكعد سوا ونشرب ستكان جاي بهاي صفنتي وكله......
عيونج وستكان جاي ♡...