((👩🏻‍⚕️عشقت ممرضتي❤))

😔حقيقه تالين و الاعتراف بكل حاجه💔

((الفصل الثلاثون و الاخيره))
في غرفه شهاب...
كانت رشا نايمه و شهاب صاحي و واقف في البلكونه و كان بيفكر في كل حاجه حصلت امبارح و كان زعلان اوي علي حبيبت قلبوا لانها فضلت تعيط طول ليل لدرجة أنها نامت من غير ما تغير الفستان صحيت من النوم و حست أن جسمها تقيل بصت ليقت نفسها لسه بالفستان بصت ل شهاب ليقتوا في البلكونه لسه هتقوم ليقتوا دخل...
شهاب:صباح الخير يا حبيبتي نمتي كويس
رشا بحزن:يعني مش اوي قولي ليل صحيت أو جابر كلمك
شهاب بحزن:لا متكلمش شكلها لسه مصحيتش
رشا:طيب يا حبيبي انا هخش اغير الفستان ده
شهاب بغمزه:تحبي اساعدك
رشا بخجل و غضب:شهااااااب اتلم انا لسه ليل معلماني حركات من الكاراتيه ده و ممكن اجرب فيك تحب
شهاب بصدمه:كاراتيه مرة واحدة لا وعلي ايه الطيب احسن
رشا:ايوة كده رجاله مبتجيش غير بالعين الحمره
دخلت اخدت شور و بعديها لبست بلوزة سوده بكم طويل و خفيف و عليه بنطلون جينز مقطع من الركبه...
شهاب بغيره:هو لازم يعني بنطلون المقطع ده
رشا:بص يا حبي انا شوفت الطقم ده بصراحة كان نفسي اوي البسوا اول ما جيبتوا ف قررت البسوا النهاردة ممكن مترفضش و تهدي الفولت شويه
شهاب بإستسلام:حاضر يا اخرت صبري
في غرفه جابر...
كان بيبص عليها و هي نايمه و كان زعلان اوي عشانها شاف دموع بتنزل منها و هي نايمه قام قرب و مسحوا وقال:اوعدك يا قلبي اني احاول اخرجك من الصدمه دي و ارجع اشوف ضحكت اللي بعشقها يلا اصحي بقي يا روحي عايز اشوف عيونك القمر دي
ليل صحيت و بصت لجابر بإستغراب وقالت:ايه ده انا فين ايه اللي هحصل وانا جيت هنا ازاي
جابر:انتِ في اوضتك و مع جوزك يا حبيبتي
ليل افتكرت كل حاجه بصت لجابر ببرود وقالت:تمام
بصلها بإستغراب من برودها اللي اول مرة يشوفوا لقها بتطلع هدوم و دخلت الحمام و اخدت شور و خرجت كانت لبسه فستان طويل لونوا أسود و عليه حزام و طلعت جزمه كعب نفس لون الفستان...
بصت لي جابر بنفس البرود و قالت:انا هسألك السؤال تاني لأني عارفه انك انت اللي خدرتني و طنشت قولي انت كنت عارف الموضوع من الاول صح
جابر:اه يا ليل كنت عارف
ليل ببرود:و عرفت ازاي و مين عرفك
جابر:رشا اللي قالتلي
ليل بإستغراب:و رشا عرفت ازاي اصلا
جابر:انا هكلم شهاب و يجيب رشا و هي تحكيلك ماشي
ليل بنفس البرود:تمام
جابر كلم شهاب و قالوا يجوا علي الغرفه عشان ليل عايزة رشا و فعلا جم و ليل بصت ل رشا كويس وقالت:انتِ عرفتي ازاي موضوع اقتل بابي قوليلي كل حاجه من غير كدب و حوارات يا رشا عشان انا ميضحكش عليا ها انا قولتلك اهو عشان لو عقلك أو شيطانك وزك تكذبي في كل كلمه بتقوليها تمام اللهم بلغت
رشا اخدت نفس عميق وقالتها كل حاجه من اول ما سمعت لحد الخطط اللي نفذوها بمساعدة جواد و الشبح...
ليل بضيق:محدش قالي من الاول ليه
جابر:عشان انا كنت خايف تعبدي عني لما تعرفي
ليل بسخرية:علي أساس اني دلوقتي مزعلتش و منصدمتش في الفرح زيي زي الناس و فرحي باظ بسببهم
جابر:انا مستعد اعملك فرح تاني لو ده هيريحك
ليل:انا عايزة انام..طلعت علي السرير و قررت تعمل حاجه و شهاب اخد جابر و رشا خرجت و راحت اوضتها ليل لما ملقتش حد موجود قامت و راحت لشنطتها مسكت علبه اقراص و راحت صبت مياه في كوبايه جابر و حطت القرص و دوبتوا كويس اوي ضحكت ضحكه شريرة و حطتوا و بعدها رجعت تنام تاني و جابر دخل لقها نايمه مسك المياه و شربها كلها و نام جمبها و قربها لحضنوا و هي مثلت النوم و بعد ساعات حاست أنوا نام و اتأكدت من صوت شخيروا و كانت بتموت من الضحك علي منظروا و صورتوا كام صوره و بعدها مسكت الشنط بتاعتها و نزلت و ركبت أوبر و وصلها للمطار
في صباح يوم جديد...
صحي جابر من النوم و هو مصدع بشكل غير طبيعي عن العادي و بص جمبوا ملقاش ليل جمبوا و ملقاش الشنط بتاعتها اتخض و خاف ليكون حصل ليها حاجه كلم شهاب انوا يجي بسرعه و هو و رشا حاول يتصل بيها مش بترد...
جابر:رشا هي ليل مكلمتكيش مقالتش ليكي اي حاجه
رشا:لا والله انا امبارح سيبتها و هي نايمه والله
شهاب:خلاص اهدي وانت يا جابر حاول تكلمها تاني يمكن ترد
جابر لسه هيتكلم فاجأة جالوا رساله من ليل فتحها بالهفة و كان مكتوب:متتعبش نفسك يا بيبي مش هتلقيني عارف ليه عشان انا سافرت بعيد و مش هقدر ارجع غير لما انسي و نار قلبي يهدي ممكن اقعد ٣ شهور أو بالكتير شهر واحد و هرجع و اوعي اشوفك بتكلم بت غيري انا براقبك في كل حته انت بتروحها ها هتوحشني يا جابر و اه لو حسيت ب صداع من المنوم هتلاقي قرص جمبك خدوا هيخف الصداع شويه
جابر بصدمه:يا بت اللذينه دي هربت
شهاب و رشا في نفس واحد:ايييييييه هربت
جابر بثقه:وانا هعرف القيها ازاي يلا حضروا الشنط وانا هعمل مشوار و هرجع علي طول
_________________________________________
في فيلا عند جومانا...
كانت قاعدة بتجهز الأولاد لأنها عامله ل صابر ٣ مفاجأت و كانت لبسه جيبه طويله لونها أسود و عليه قميص pink powder طويل و عليه حجاب أسود