ليت الليالي كلها حنين

بارت١١

اشواق :تدورن عاد
بهاج :وش عندك
اشواق :انتم لايقين على بعض تصدقون
حنين:اشواق شرايك تنثبرين
بهاج:اي والله انثبري بعدين احنا لايقين على من غير م تقولين
حنين وهي تناظر بهاج ومنصدمه منه كيف قال كذا عند اشواق
اشواق :معليك حنين ادري بكم انا
بهاج:يلا عن اذنكم
اشواق اذنك معك وهي تمسك حنين وتقول:اثرك عاشقه يابعد قلبي
حنين:اقلك اص اص
اشواق وهي تضحك طيب وش اللي كنتي بتقولينه لي
حنين اي تعالي نجلس وجلسو
اشواق :سمي قولي
حنين :انا قررت اقطع علاقتي معا اريام
اشواق:اريام!!!!!حنين شفيك ذي اريام
حنين :طيب اصبري واقلك السالفه
اشواق :قولي
حنين:شوفي ياشواق اريام تغيرت مره وانتي ملاحظه هذا الشي صارت تتجاهلني كثير وتطنشني وماتبيني امشي معا احد وهي تسحب علي وتبيني على كيفها وتسولف بمزاجها وبس متضايقه على اسباب تافه ودايم انا اللي ابادر وانا اللي اسال وانا اللي كل شي يعني مستحيل تسوي عشاني سالتها قلت وش فيك قال ولا شي شكرا وطنشتها
والمره الثانيه امس سالتها وقالت لي انا مافيني شي خلاص حنين وكان احد جابرها حصلت بديلي انا تعبت ومو مجبوره على شي م ابيه بكفيها
اشواق :كل ذا من اريام!
حنين :لاسف ايه بس وعد معد انا بساله عنها ولا عن غيرها ولا ازعل على احد محد يستاهلني
اشواق :وانتي صادقه
حنين :احس ودي اقلك شي
اشواق :قلي
حنين :
انا اهجر الارض اللي م ترحب بي
وان كلفتني عزه النفس اهجر الارض ومافيها
اشواق:الله عليك يا حنين بس والله اني منصدمه منها لذي الدرجه
حنين:والله يا اشواق من يحسسني ثقيله عليه وايلاقي بديلي لا يتغير يطلع من حياتي انا لي كرامه وعزه نفس
اشواق :حسبي الله عليهم يتغيرون ويمشون وع ليتهم ينقرضون
حنين وهي تضحك:ههههههههههههههه تكفين ينقرضون
اشواق:وانا صادقه
حنين:معد نهتم خليهم
اشواق:حنين انا معاك كل ماضاقت بك الدنيا لا تحطيني بنت عمك حطيني اختك ووعد م يزعلك شي وانا معك
حنين:يا بعد عمري اصلا انتي اختي قبل كل شي الله لا يحرمني منك
اشواق:ولا منك يا روحي شرايك نرجع  عندهم
حنين :يلا
وهم يمشون بالممر ويسولفون ويضحكون طلع مسعود
مسعود:ويينكم حسبناككم ضعتو
حنين:لا كنا جالسين نسولف
مسعود :تبون تدخلون والا بتكملون هرجكم
حنين واشواق :بندخل
مسعود :هيا خلكم وراي
ودخلو الغرفه
وهنا بهاج وحنين اللي عيونهم عن بعض ماراحت
ابو فيصل:يا  بهاج طلعني طلعني تعبت وانا منسدح
بهاج:يبه وين اطلعك !انت تو صار لك يوم طلعت من العمليه والحمدالله انك تقدر تتكلم يا يبه العافيه شوي شوي لازم انك تجلس هنا
ابو حنين:يعني تبي تطلع وين تروح هذا احنا عندك
ابو فيصل:زهقت
ابو حنين:افا وحنا هنا عندك تزهق
ابو فيصل:ياخوي ماغير منسدح وابره وايحه وابره جايه
ابو حنين:اصبر وناخوك اصبر
بهاج:والله ياعمي ويايبه باذن الله السنه الجايه عندي بعثه
ابو حنين:وش يعني بعثه
ابو فيصل:اي وش تقول
بهاج:يعني يبه جتني منحه ادرس برا السعوديه
ابو حنين:وين تطلع وتتغرب
ابو فيصل:ياولدي ادرس هنا احسلك
بهاج:يبه هاذي فرصه جتني وان جيت على طول اصير دكتور والدراسه برا افضل من هنا وبعد على حساب الدوله افضل شي
ابو حنين:طيب وفي اي بلد؟
بهاج:بامريكا باذن الله
ابوفيصل:في ديار الكفره!
بهاج وهو يضحك:يا يبه الكفره وحدهم وانا وحدي
ابو فيصل:من معك؟
بهاج:معي ولد جيرانا يبه وصاحبي مشاري
ابو فيصل:الله يعطيك خيره وانا ابوك فكر لين وقتها
بهاج:ان شاء الله يبه
ابو حنين:شف وانا عمك تراك طولت انت ومسعود وحسين متى تبونا نفرح فيكم؟
بهاج وهو يناظر حنين:قريب ان شاء الله ياعمي
حسين:لااااا انا لا
ابو حنين:مين حضرتك سلامات غصب عنك
حسين:يبه انا وين وانتم وين باقي م تخرجت ولا توظفت ولا شي
ابوحنين:معليك معليك وانت يا مسعود
مسعود:ها؟
ابو حنين:م تبي الناس تناديك يابو
مسعود:سسامي
ابو حنين:ابو سامي ها؟
مسعود:يبه خلني اتخرج بعدين
ابو فيصل:والله انكم مفهين قمو قمو طلعوني خلوني اتمشى
ابوحنين:والله انت اللمفهي مافي طلعه الهوا ياثر عليك
ابو فيصل:متى صرت دكتور وانا اخوك
ابو حنين:انا من يومي دكتور
وكلهم يضحكون
ابو فيصل:وانتي يا حنين واشواق هاذي اخر سنه لكم باذن الله وش ناويين تروحون؟
حنين:والله ياعمي باذن الله بدخل طب
ابو فيصل:ماشاءالله ماشاءالله باذن الله قده وانا عمك
وبهاج:ابتتسسسسم لا شعوريا وهو يشوف حنين وانها تبي تصير دكتوره
ابو حنين:وانا ابوك بعدين تصيرين تاخذين بعثات ؟
حنين:لا لا يا يبه انا مو مثل ولد عمي
بهاج:ياعمي انا لاني جراح ويختلف كثير وهاذي منحه
حنين:ايه يبه انا غير عنه بكون دكتوره حقت قلب وبدرس هنا
ابو حنين:الله يسهل لكم كل خير يا رب وانتي يا اشواق
اشواق:والله ياعمي ناويه اصير فيزيائيه
ابو فيصل:يعني ساحره تخدرينا!
وهم ميتين ضحك اشواق :لا يا يبه يعني معاجله فيزيائيه
ابو فيصل:والله يابوك سمعت ان هذولي يشنجون الواحد
اشواق:وهي ميته ضحك لا لا
ابو حنين:انت من وين جبت هذا الكلام
ابوفيصل:سمعته بالتلفزيون
ابو حنين:كذاب كذاب
مسعود:باذن الله بعد اربع ايام ماشي
ابو حنين:والله يا مسعود بنفقدك
ابوفيصل:اي والله بنفقدك باذن الله تطلع لنا ظابط وانا عمك
ابو حنين:وانا ابوك اصبر اصبر بتشوف شي م شفته قو قلبك واصبر ولا تغلط على احد هناك ادري فيك م تمسك اعصابك بس انتبه وانا ابوك هاذي حكومه
مسعود:لا توصي يبه ابشر
وهنا اذن العصر وانتهى وقت الزياره وطلعو وتقسمو بسيارتين اما ابو حنين اللي رفض انه يطلع الا ورجله على رجل اخوه ام حنين يوم وصلت البيت جاها اتصال
ام حنين:يا بنات شفو من دق
حنين:عطيني يمه اشوفه
ام حنين:خذي وانا امك
حنين:يمه هاذي زوجه خالي وش تبي!
ام حنين:احلفي
حنين:والله
فاطمه:ايت وحده منهم
حنين:زوجه خالي احمد الغثيثه
فاطمه:وعععععع شتبييي!
غلا:الله يستر منها
ام حنين:اسكتو اسكتو
واتصلت مره ثانيه وردت ام حنين
شخصيات اخوان ام حنين الا هم خوال العيال عندهم خال واحد واسمه احمد وخالهم احمد شديد وعصبي وعنده زوجه اسمها نوره انسانه حقوده وراعيه هواش
وعندهم ولد اسمه محمد وبنت اسمها امل
نوره:السلام عليكم يام احمد كيف حالك
ام حنين: وعليكم السلام ورحمة الله هلا والله بخير انتي كيف حالك وكيف اخوي احمد والعيال عساهم بخير
نوره:بخير الله يسلمك اذا انكم فاضين جاينيكم اليوم
ام حنين:حياكم الله تنورون
حنين: يوم خلصت امها ليييييييههههه!!!!مانبييييهمممم
ام حنين:يمك عيب اقلها م ابغاك عيب
حنين:هيا خذلك الحين

نوره :كان تخطيطها انو عيالها كبرو وعيال ام حنين بعد وان بنتها امل تبيها لحسين ولدها محمد لحنين
وعشان كذا بتجيهم
نوره:قمي قمي قمي يا امل جهزي جهزي هييا والبسي احسن شي وتكشخي مره
امل:سلامات ليه ؟
نوره:اقول قمي ساكته
وجهزو ودخل ابوهم احمد :خير سلامات وين تبون
محمد:امي تبي تروح بيت عمتي
احمد:الله يالدنيا شعندها الحين تبي تروح ويوم اقلها رحي م تروح!
محمد:والله يبه مدري عنها
احمد وهو يقرب من محمد:شف انت لا تسوي لي مشاكل معا عيال عمتك ادري فيك انت جني ترا والله تندم
محمد:طيب
احمد وهو رايح لنوره:شعندك تبين تروحين وخاصه ذا اليوم!؟
نوره:شفيها وصل صله رحم
احمد: شفي يا نوره قسم باللله ياللي رفعها سبع ونزلها سبع ان حصل شي والا تفكرين تسوين مصيبه لتندمين طول عمرك ولا انتي زوجتي ولاشي فاهمه
نوره:الله ياحمددد شفييييك!!
احمد:انتي ادرى وطلع وهو معصب ومستغرب من نوره وعارف ان في شي تخطط له
وهنا مشو بالطريق وقربو يوصلون

حنين :يمه والله ان جيتهم فيها سبب!
ام حنين:يجون ونعرف
وصلو ودخلو
ومسعود وحسين استقبلو محمد
وام حنين والبنات استقبلو نوره وامل
ام حنين:وين اخوي احمد ما جاء؟
نوره:والله يقول ان عنده شغل الحين وبيجي بعدين ياخذنا وينزل
ام حنين:دامه بخير الله يعينه
نوره:كيف حالك يا حنين وش اخبارك ؟
فاطمه اللي شكت بسوال نوره
حنين:الحمدالله بخير
نوره:كيف الدراسه معك اظاهر ذي اخر سنه لك صح
حنين:الحمدالله زينه ايه اخر سنه
نوره:الله يوفقك يارب
حنين وهي تناظر فاطمه ومستغربين
ويناظرون امل اللي متكخشه كانها رايحه عرس وهي تدري ان عمهم بالمستشفى وكيف تجيهم كذا؟
ويسولفون هنا حنين طلعت من الغرفه وباب المجلس كان مفتوح وحنين وهي تحش بينها وبين نفسها باللي شافته
ومحمد اللي لمح حنين وهي تربط شعرها وتمشي
ومحمد اللي م قدر يشيل نظراته عنها
مسعود:محمد!وين سارح
محمد:ابد ولا شي
مسعود:خذ تقهوى
محمد:تسلم
ومحمد اللي راح عقله بعيد من شاف حنين
محمد ومسعود واحمد وحسين علاقتهم بعض مو مره زينه ودايم يصير بينهم هواش
حسين :اقول يا محمد انت وش تشتغل
محمد:انا تخرجت من الثنوي  من سنيتن وباقي والله
مسعود:الله يكتب لك الخير
وهنا اذن المغرب ودخل احمد البيت
احمد:يا يمه يا عيال وينكم
مسعود :تعال تعال المجلس
احمد:ماشاءالله انت محمد عندنا
محمد:اي والله حياك
احمد:الله يحيك وش اخبارك وهو مستغرب جيتهم
محمد :بخير الحمدالله
وهنا خذو بالوقت حتى واذن المغرب ومشو  وراحو
احمد:يمه جيت عيال خالي فيها إن
حنين:والله اني حاسه ومتاكده ان في شي ناويه عليه
ام حنين:ياعيال اهجدو الناس جو وراحو
حنين:وسوالها لي انا وش تقصد فيه!ويوم تقولي اخر سنه !!!!
ام حنين:يا حنين لا ندخل بنيات الناس
حنين:يمه والله اني شاكه ان فيه شي وامل خير متكشخه وهي تدري اني عمي بالمستشفى والعدسات ذيك اللي ليتها م حطتها
فاطمه:اقلك في ان
حنين:لايكون اللي لي بالي صح؟
فاطمه :وش بالللك
حنين:بعدين اقلك
وهنا مرت ثلاث ايام الخميس والجمعه والسبت
واليوم السبت موعد خروج ابو فيصل