ليت الليالي كلها حنين

بارت ١٢

احمد ومسعود وحسين رايحين للمستشفى
ابو حنين :يابو فيصل بابوفيصل اصحى قم
الو فيصل:بشر عساني بخرج
ابو حنين:اي والله وانا اخوك بهاج راح يجهز الاوراق والحمدالله على سلامتك وجعلها اخر اوجاعك ىباذن الله معاد تناعد وانا اخوك
ابو فيصل:الله يسلمك ويشهد الله انك مثل ابوي الله يرحمه مابقيت من تواصيفه شي والله لا يحرمني منك
ابو حنين:الله يرحمه ويخمد روحه الجنه
ابوفيصل:نبي نشتري الارض اللي قلت لي عنها
ابو حنين:قصد ارض اللي نتاجر فيها؟
ابوفيصل :ايوه
ابو حنين:تمم
وهنا بهاج والدكتور دخلو
الدكتور:الف الحمدالله على سلامتك ياعم ابو فيصل واللي حصلك اول مره صراحه نشوفه وهاذي معجزه من الله وجدا سعيد انك بخير
ابوفيصل:الله يسلمك والله هذا شي بيد الله وعلمه
الدكتور:صراحه اتمنى انه يكون لي اخ او ولد او شخص قريب مثل بهاج الله يخليه لكم يارب
ابوحنين:بهاج فخر لنا
ابو فيصل:والله انه بيض وجيهنا
بهاج:انا يا يبه وياعمي م سويت شي اللي سويته حق وواجب اني اسويه
ودخل عليهم مسعود واحمد وفيصل
فيصل:واقول اليوم منوررره كل الجنوب اثاري بطلعتك يا بعد راسي
ابو حنين:انشهد وانا عمك
ابو فيصل:الله لا يحرمني منكم بس هيا خلوني امشي تعبت
احمد:يالله يالله ياعمي
وجاء مسعود وحسين وبهاج يشيلون الاغراض وابو حنين وفيصل وابو فيصل واحمد وراهم يمشون
وصلو السياره ومسعود شغل شيلاات والسياره كانها عرضه ورقص وسوالف وضحك
ابو حنين :يا عيال اليوم خلوكم موجودين احمد روح العزبه بعد الظهر انت ومسعود
فيصل:بروح معهم
ابو حنين :تم
بهاج:انا بعد
ابو حنين :تم
ابو حنين كمل: وخذ انثين من القعدان و٤اربع من الخرفان ودها المسلخ الخرفان اذبحها ووزعوها على الحاره كلها كل واحد قدامكم غريب بعيد تعرفونه ماتعرفونه عطوه واعزمو كل واحد تعطونه في بيتنا فاهمين!
العيال:تم
احمد :يبه شرايك نقلهم يجون المخيم احسن
مسعود:اي والله المخيم احسن
ابو حنين وش تشوف يابو فيصل: طالبك ياخي لا تكلف على نفسك حنا ما بينا هاذي الاشياء
ابو حنين:وش تقول انت انا نذرت نذر ولازم اوفيه به وانت تستاهل
ابو فيصل:الله يخليك لي اللي تبيه سوه
ابو حنين:اجل خليهم يجون المخيم حقنا احسن
احمد:تم يبه
حسين:بس خالي ولده نعزمهم والا مو لازم
ابو حنين:كيف ياولد لازم شتبي الناس تقول عنا مهمها صار لازم
مسعود:ابشر يبه
وصلو البيت واستقبلوهم ام حنين وام فيصل بالتراحيب والبنات ويسلمون عليهم وفرحتهم اللي م تنوصف
ودخلو المقلط والقهوه والشاهي وكل شي جاهز وجلسو يتقهون
ابو حنين:يا بنات اسمعوني ابيكم اليوم تجهزون الضيافه
سلمى:ابشر يبه بس وش اللي تبينا نسويه
ابو حنين:العيال مشغولين م يمديهم يظبطون القهوه والتمر والشاهي
ابيكم تسون كل شي وبعدين ياخذونه يودونه المخيم
فاطمه:ابشر ياعمي تم
وهنا اذن الظهر وراحو يصلون وابو فيصل معهم
وكل الحاره والجيران تحمد بالسلامه وطالعين معهم يمشون ويضحكون ويسولفون
وجاء احمد ولد محمد يحمد بالسلامه
ابو حنين:يالله حيه ارحب
احمد:الله يحيك كيف حالك
ابو حنين:بخير والله وانت
احمد:بخير الله يسلمك كيف اختي والبنات عساهم بخير
ابو حنين:كلهم طيبين الحمدالله
احمد:وانت يابوفيصل حمدالله على سلامتك وماتشوف شر ان شاء الله
ابوفيصل:الله يسلمك يابو محمد الشر ما يجيك
محمد:حمدالله على سلامتك ياعمي
ابوفيصل:الله يسلمك
ويسولفون ويمشون بالطريق ومحمد اللي يشوف بهاج وعيال عمه وهم يمونون على بعض ويضحكون معه ومحمد معه البلا منه وده يخفيه من الارض
بهاج:اقول يا محمد علامك ما تتهرج شفيك
محمد:ولا شي والله
بهاج:امش امش صف معنا ونصلي سوا
محمد:مابغا بروح هنا
بهاج:بكفيك
بهاج وهو يقرب من مسعود:هذا اشبه ابوه احسن منه ما سويت له شي شف كيف يتكلم
مسعود:معليك معليك منه اتركه في حاله
بهاج:زين
وصلو وطلعو ووالعيال راحو للعزبه مثل ماقال لهم ابو حنين وابو حنين بعد ما خلصت الصلاه وهو يوقف ويعلي صوته ويقول :السلام عليكم يا جماعه الخير كيف حالكم اليوم كلكم معزومين عندي الحاضر يعلم الغايب كبير صغير معزومين باذن الله بعد العشاء في المخيم على سلامه اخوي ابو فيصل
وكلهم قالو تم ويحمدون بالسلامه له
احمد:اقلك يابو حنين بغيت امر اسلم على اختي اذا ما عليك امر
ابو حنين:وليه تتستاذن رح وبدون ما تقلي هاذي اختك والبيت بيتك وانا اخوك
احمد:تسلم تسلم
وراح هناك ومعه مسعود وبهاج ومحمد
مسعود:اسمع يا بهاج قل لغلا تطلع فلوسي من الدرج وجيبه لي معك وانا بقعد معا خالي ومحمد
بهاج:ابشر
وهنا دخلو ومسعود نادا امه :يمه يا يمه خالي احمد ومحمد عندنا
ام حنين:اي والله اخوي يا هلا والله ومسهلا يا بعد حيي وينك وين هاذي الغيبه
احمد:وهو يسلم على اخته اعذريني ياختي والله ظروف الدنيا
ام حنين: معذور معذور يا عيون اختك حياكم حياكم اقلطو
ودخلو المجلس
وبهاج جلس ينادي وطلعت له حنين
حنين:هلا والله
بهاج:هلا فيييك يا بعدي
حنين:امر
بهاج:اقلك مسعود يبي فلوسه يقلك تلقينها بالدولاب حقه
حنين:زين ثواني وجايه
وراحت خذت فلوسه وجابته له
حنين :بهاج بقلك شي
ومحمد كان على طرف الباب ويقدر يشوفهم وخاصه انهم على عتبه المطبخ
محمد وهو مقهور ان حنين تقابل ولد عمها وتبتسم له
بهاج:قولييي وابشري
حنين:تكفى نامو عندنا اليوم
بهاح:نرقد عندكم!
حنين:ايه تكفى
بهاج:ابشريييييييييييي اكلم ابوي اليوم
حنين:الللههه تمممممم
بهاج:يلا عن اذنك
حنين:اذنك معك
ومحمد اللي عيونه حاقده على بهاج
بهاج:وهو داخل المجلس السلام عليكم
احمد:وعليكم السلام
بهاج:هاك يامسعود خذ
مسعود:تسلم
احمد:اقول يا بهاج
بهاج:سم ياعمي
احمد:انت تخرجت والاعادك
بهاج:والله ياعمي باقي باذن الله اخر سنه لي
احمد:الله يوفقك يارب
محمد:وش تخصصك انت
بهاج:دكتور عمليات
احمد:ماشاءالله الله يحفظك يارب
بهاج:تسلم
احمد:يالله عن اذنك وانا اخوك بنمشي للعزبه عندهم
ام حنين:م تبقعد شوي
احمد:باذن الله الجايات اكثر من الرايحات
ام حنين:فمان الله
ومحمد اللي كان وده ان حنين بس تناظر فيه
ومشو وطلعو ومحمد يبي يهاوش اي احد قدامه وحاقد على بهاج
احمد:يا محمد رح معا العيال وعاونهم
محمد:طيب وهو ينفخ
احمد:ترى واللله ان سويت هوشه لتندم
محمد:طيب وش سويت الحين
احمد:اقول اسكت ولا ترفع صوتك
محمد:حاضر
مسعود :محمد بنروح حنا نوزع تبي تروح معنا
محمد:طيب
بهاج:يلا ننقسم نصين انا ومسعود ومحمد
واحمد وفيصل وحسين
العيال :تم
وراحو ويمشون بالحاره وكان محد قدهم ويوزعون وابتسامتهم اللي تشرح الصدر
بهاج:تعالو يا عيال هنا بيت ابو خالد:ودق الباب وطلع خالد
بهاج:نادي لي ابوك
خالد:طيب
وطلع ابو خالد وهو مبتسم ويرحب فيهم ويحاول انهم يدخلون
بهاج:والله يا ابو خالد انا مشغولين باقي لاكن عمي يقلك حياك الليله في المخيم
ابو خالد:ابشرو الليليه باذن الله الله يعينكم يارب
وصدفه طلع جارهم مشاري واخوه سعد
وضمو بعض وسلمو على بعض
مشاري:اخسسس اخسسسس ساحبين علينا م تقولون لنا نعاونكم
مسعود:واللهه م نبي نشغلكم
مشاري:يلا يلا معكم حنا
سعد:ايييه يلا نكمل