ليت الليالي كلها حنين

بارت١٨

بارت١٨
بهاج:طيب طيب لا تصيحون علي
وهنا ندمو على مقلبهم اللي سوه وقامو ينظفون ويرتبون
وخلصو وانسدحو في المقلط وناموا
اذن الفجر وقام ابو حنين وابو فيصل
ابو حنين فتح الباب يبي يشوف العيال وشافهم نايمين ومن كثر التعب ما غيرو ملابسهم نامو فيها
ابو حنين:شكلي بحن عليهم وبخليهم يرقدون
ابو فيصل:خير ما تسوي وانا اخوك شف كيف رقدو بثيابهم
ابو حنين:اجل خلنا نقوم ام حنين وام فيصل والبنات يجهزون الفطور ونصلي
ابو فيصل:يلا
وراحو للمسجد وقابلو ابو خالد وابو مشاري وابو صالح وابو نواف
ابو حنين:والله هذا حوف سهر البارح لهم رقادا الحين
ابو صالح:اي والله راقدين للحين
ابو نواف:حتى عيالي والله البارح
ابو حنين:وهو يضحك حتى عيالك خذوهم
ابو نواف:اي والله بس والله م بالقى لعيالي احسن من صحبت عيالك رجال والنعم فيهم كلهم
ابو حنين:تسلم والله
ابو مشاري:خلوهم ياخذون السعاده حدها
ابو خالد:وانت صادق
ابو فيصل:تعالو افطرو معنا
ابو حنين:اي والله تقهو معنا ونروح العزبه سوا
ابو مشاري:والله ما نبي نكلف عليكم
ابو حنين:هيا هيا امشو لا كلافه ولا شي حياكم
وراحو بيت ابو حنين وافطرو وتقهو وراحو للعزبه وهنا اذن الظهر ورجع ابو فيصل وابو حنين
العيال:قام احمد شاف الساعه١٢الظهر يمسح عيونه ويرجع يناظر قام رفع حسين من فوق رجله ويصيح
احمد:ههييييييييييييي قمووووو الساعه١٢الظظهررر
فيصل:حيل عني حيل
احمد:اقول وين احيل الظهررر!
فيصل:اببببووو شككلك بهاااج قممممم رحلتك العشاء جهززززز
بهاج:خلوني ارقد حسبي الله عليكم
فيصل:حسبي الله على وجهك قومممممم
مسعود:هي انت واياه خير هذا الصياح!
احمد:الساعه١٢الظهررررر
مسعود:ابببوككك قمووو ابوي لا يجينا سرعهه
حسين:وهو مغمض عيونه باذن الله اخذ لي بيت وحدي ارقد فيه
مسعود:اقول قوم جعلك بايش قوم بعدين خذ لك بيت
فيصل:يا بهاج ان ما قمت بقومك بطريقتي انا!
بهاج:طيب طيب قمتت
وقامو كلهم طايرين الحمام يتروشون ويغسلون
وطلعو الحوش لقو  ابو حنين وابو فيصل ومعه ام فيصل وام حنين
ابو حنين:من طول الغيبات جاب الغنايم على الاقل اللي يغيب يجيب شي معه انتم جبتو لي شعوركم مفلفله وش عندكم للحين راقدين حسبتكم متو!؟
احمد:والله يبه ما حسينا بعمرنا
ابو حنين:ماعليك شرهه ما الومك سهران انت والمزايين لساعه٣الفجر امشو امشو تغدو مدري افطرو
وهنا قاعدين بهاج راسه شوي ويطيح في كاس الشاهي
وحسين اللي رقبته اوجعته من كثر ما تطيح ومسعود اللي صاحي وكانه راقد
ابو فيصل:يا بهاج قم جهز اغراضك خلاص انتهى وقت اللعب !
بهاج:طيب بقوم وقام راح لغرفه مسعود وحسين واخذ شنطه وشيك على اغراضه ورتبها وفي السيب اللي بسن الغرف يسحب شنطه ويبي يمر على حنين
بهاج يدق باب غرفه حنين:حنين
حنين عرفه انه بهاج فتحت الباب وخذت الجلا تغطت فيه
حنين:امرني يا بهاج
بهاج:حنين انا بعد شوي بمشي
حنين:وهي نتزل راسها تروح وترجع بالسلامه اطلب منك طلب
بهاج:اطلبي روحي وكل شي بحياتي
حنين وهي تغمض عيونها من كثر الخجل :امانه انتبه لنفسك يا بهاج
بهاج:وهو شوي ويصيح وانتي يا حنين امنتك انتبهي لنفسك واهلي وابوي وعمي ادري انه مابه احد اطيب من قلبك وعد ارجع لك ونتجمع
حنين وهي دموعها تنزل لانها ما تعودت تودع احد كذا:اوعدني انك ترجع
بهاج:وعد ارجع لك مهما صار اللي صار بس تكفين ما ابي دموعك
حنين:تم
بهاج:فمان الله يا قلبي وهو حزين انه ما بيصير يشوفها كل يوم
حنين:فمان الكريم وهي حزينه على انه بيبعد
بهاج وهو فرحانه انه كلم حنين وطلع للحوش يودع اهله
بهاج:باذن الله انا ماشي
ابو فيصل:خلاص ماشي
بهاج:اي ىالله يبه وهو يسلم على ابوه فمان الله يبه باذن الله ارجع لك دكتور
ابو فيصل:الله يحفظك ويسرلك يا رب
بهاج وهو رايح يسلم على امه :يمه ادعي لي
ام فيصل:الله وانا امك يوفقك ويرجعك لنا بالسلامه انتبه لنفسك وانا امك
بهاج:ابشري يمه وانتبهي لنفسك واخواني
وراح يسلم على عمه ابو حنين:فمان الله ياعمي
ابو حنين:تروح وترجع بالسلامه يارب
وهنا ودع اشواق واخوه فيصل وفيصل قال له:عاد لا اوصيك بنفسك وترك الهمج وخلك عاقل تراك ببلد غريب على قوله عمي ديار كفره هههه
بهاج:ابشر وودع احمد ومسعود همس باذنه:ترجع بالسلامه يارب وتقلي من هي حبيبه قلبك
وبهاج اللي عطاه نظرات وقله وانت بعد ابي اعرف حبيبه قلبك
ومشا وهنا ودعهم وودعوه وطلع معا مشاري وخالد وركبو ومسكو الطريق لمطار جده
وبالطريق بهاج اطربكم؟
مشاري:هيا
بهاج :
البنت هاذي خلها بين الاقواس
تحتار منها قبل تحتار فيها
من زينها الله يستر على الناس
ومن عينهم الله يستر عليها
خالد:الله لمين قصيدك ذي؟
بهاج:شدخلك؟
مشاري:والله دخلت قلبي
بهاج:اكيد هههه
وهنا وصلو المطار وركبو الطياره
خالد: يا عيال احس اني بطيح
بهاج :تمسك بي بنطلع الحين ونقعد
وطلعو وجلسو وبينتظرون النداء
في الديره عند ابو حنين :البيت خالي بدون صياح بهاج
ابو فيصل:اي والله الله يحفظه اليوم
مسعود:انا باذن الله ماشي بكره لشرقيه
ابو حنين:يعني ما يكفي بهاج بتروح انت بعد ؟
مسعود:شسوي يبه لازم
ابو حنين:الله معاك وانا ابوك جهز اغراضك وعفشك وان خلصت تعال لنا العزبه
ابو فيصل:الله يحفظكم
فيصل:دقيت على بهاج
ابو فيصل:وششش صار معه؟
فيصل:خلاص طلعو الطياره
ابو فيصل:الحمدالله الله يعنيهم
واذن المغرب وراحو لصلاه وقابلهم احمد اللي هو خالهم
احمد:مساء الخير يابو حنين
ابو حنين:مساء النور ارحب
احمد:كيف حالك كيف العيال وامهم عساهم طيبين
ابو حنين:بخير الله يسلمك انت وش حالك كيف عيالك؟
احمد:بخير الحمدالله بشرو عسا ولدكم بهاج وصل؟
ابو فيصل:والله باقي دقينا عليهم العصر ركبو الطياره باقي ما دقو
احمد:الله يوديهم بالسلامه
ابو حنين:اقلط معنا
احمد:والله اني مشغول لاكن بمر اسلم عليكم وعلى اختي
ابو حنين:حياك حياك
وراحو لبيت ابو حنين وجلسو يتقهون وتعشو
ام حنين:ليه معا. يزرونا امل ومحمد؟
احمد:والله وانا اختك ماغير رقادا والا مهاوشه لا شغله ولا مشغله
ام حنين:اجل اسمع شرايك بكره تجونا انت وعيالك تعشون معنا وتونسونا وهنا حنين كان ودها ان امها ما تكلمت
احمد:تم ابشري اكلمهم ولا يصير خاطرك الا طيب
بس ذي الجمعه ما وراها خير بكره وكان عند حنين احساس كبير بذا الشي