رزان قلبي
البارت الخامس
بقلمي..نهله احمد
عدى اليوم بدون احداث تذكر وتاني يوم
صحيت رزان من النوم و فطرت و خرجت تشم هوا و رجعت بعد الظهر
دخلت رزان البيت لقيت وفاء و سعاد قاعدين مع بعض بيتكلموا
رزان... السلام عليكم يا اهل الدار
سعاد... وعليكم السلام ي فواز يبني اتفضل اقعد
رزان بعبوس... بصي ي طنط ماما بتقولي ايه
وفاء بضحك... ههههه طيب اقعدي يحبيبتي معلش وانتي
ي بت ي سعاد قلبي دي متزعليهاش تاني
سعاد بضحك..... ههههه اصمله خديها ي حبيبتي لو عايزاها
رزان بتمثل الصدمه.... بتبيعي بنتك بالرخيص يامه
ضحكوا سعاد ووفاء على طريقة رزان وقعدوا يتكلموا ويهزروا مع بعض
بعد ما مشيت وفاء دخلت رزان اوضتها
تاني يوم صحيت رزان من النوم وجهزت و هي وطالعه من باب البيت وقفت على صوت مامتها
سعاد...متتأخريش يا رزان عشان في ضيوف جايه لينا
استغربت رزان شويه بس معلقتش وقالت...ماشي يا ماما
و بعد شويه
رجعت رزان البيت ودخلت غيرت هدومها وجهزت زي ما سعاد قالتلها
وبعد شويه سعاد نادت على رزان ورزان طلعت من الاوضه وراحت الصالون عند مامتها والضيوف والمفاجأه ان الضيوف دول هما وفاء واحمد
اول م احمد شاف رزان انبهر من جمالها كانت لابسه فستان ابيض وفيه ورود لونها احمر وحجاب لونه احمر كانت في غايه الروعه
رزان اتفاجأت بوجودهم بس مبينتش راحت سلمت على وفاء ووفاء اخدتها بالحضن وسلمت على احمد من بعيد يعني بالكلام بس المهم قعدت رزان جنب وفاء واتكلم محمد ابو رزان
محمد...رزان احمد جاي يطلب ايدك يابنتي انتي موافقه
رزان وكانت مكسوفه ومردتش
راح محمد غمز لسعاد وقال....شكل العروسه مش موافقه يا ابني انا اسف
رزان بسرعه...لاء لاء استني ياحج مين قال اني مش موافقه بس هو يعني محدش يعرف يتكسف معاكوا شويه يعني
ضحك الكل بصخب على رزان واندفاعها
حاول محمد يمثل الجد شويه.....بت انتي احترمي نفسك شويه انا قاعد وكان بيحاول ميضحكش بس فلتت منه الضحكه وزادوا في الضحك على شكلوا
احمد...نقرأ الفاتحه بقي
محمد...طيب بسم الله
بعد ما قرأوا الفاتحه
احمد: احم عمي ينفع كتب الكتاب مع الخطوبة.
محمد: ومالو يخويا طالما عروستنا موافقه ليه لاء.
رزان: موافقة يا حاج لولولولولييي 💃🏻
الكل فضل يضحك عليهم وسهروا مع بعض وسط فرح الجميع.
الخطوبه وكتب الكتاب كانوا يوم الاربع وكان فاضل عليه يومين عدوا اليومين دول بدون احداث تذكر يوم الخطوبه وكتب الكتاب
كانت رزان ومريم وساره في البيوتي سنتر وكانوا بيجهزوا عشان الخطوبه
Flash Back
رزان كانت في مره بتتمشى على البحر و فجأه سمعت حد بيصرخ جريت تشوف مين لقيت مريم و ساره واقعه على الارض (رزان اه مكنتش بتكلم حد في الجامعه بس تعرف ساره و مريم كويس لإنها كانت شايفه انهم كويسين و حبتهم بس مكنتش بتكلمهم كتير)
رزان: مريم في ايه مالها ساره ايه اللي جرالها
مريم: معرفش يا رزان هي كانت بتتكلم معايا و فجأه وقعت
رزان: طيب تعالي نروح المستشفى
و بعدها مريم و رزان اخدوا ساره المستشفى و اطمنوا عليها و مريم شكرت رزان و ساره فاقت و شكرتهم و كان سبب اغماءها انها مأكلتش حاجه من الصبح
و من بعد اليوم ده ساره و مريم بقيوا اصحاب رزان
و كمان رزان عزمتهم على خطوبتها
End Flash Back
معلومه مريم تبقى مرات يزن
بعد ما جهزوا البنات رزان اتصلت على احمد وبعد دقايق كانوا الشباب قدام البيوتي سنتر
ايوه صح نسيت اقولكم البنات لابسين ايه رزان كانت لابسه فستان لونه بيج وطرحه من نفس اللون وميكب خفيف فكانت قمر في ليلة اكتماله
اما بقي ساره كانت لابسه فستان لونه بنفسجي غامق وطرحه من نفس اللون ولكن افتح في الدرجه وبعض الميكب الخفيف كانت سكر اما مريم فكانت لابسه فستان لونه نبيتي والطرحه نفس اللون وطبعا ميكب خفيف وكانت عسل
طلعوا البنات بره للشباب اللي هما احمد وامير ويزن طبعا كل واحد انسحر بجمال اميرته( احمد&رزان)
يزن&مريم )( امير&ساره)
كل واحد اخد اميرته على العربيه بتاعته
او بمعنى تاني امير اخد سارة عشان العرسان بقى.
في العربيه عند احمد ورزان
احمد..... رزان حبيبتي
رزان...نعم
احمد....محضر ليكي مفاجأه يا رب تعجبك
رزان....بجد ايه هيا
احمد هتشوفيها لما نوصل
عند مريم و يزن
يزن...اميرتي الحلوه ايه الجمال ده
مريم...شكرا شكرا انا عارفه اني جميله مش محتاجه حد يقولي
يزن...يخربيت ام الغرور يا شيخه هو ده وقت استظراف بتخربي اللحظات الحلوه
مريم بضحك....معلش يا حبيبي استحملني
يزن...ههه فصيله بس بحبك، يااااه عقبال فرحنا يا بت يا مريم.
مريم: يارب يا خويا ربنا يسهل
يزن وهو بيضربها بالقفا: اخوكي مين يا بنت المجانين انتِ، دي انتِ هتنقطيني بدري والله
مريم بضحك: يوهه بهزر معاك يا يزن قلبي انت.
يزن بضحك: بتعرفي تسبتيني في ثانيه يا شبر ونص انتِ
فضلوا يضحكوا سوا لحد اما وصلوا.
______________________________
معلش بقي يا بنات هكمل البارت اللي جاي ان شاء الله
ياترى ايه المفاجأه اللي مجهزها احمد ل رزان
باي حبيباتي اشوفكم البارت الجاي
أنت تقرأ
تشابُه أدوار
De Todoاسرار و مغامرات بدأت الروايه في 2022/4/1 و حذفت يوم 2022/9/4 و بدأت من جديد في 2022/9/4
