و بعد ما رجعوا من عند ليلى و تامر كلو واحد راح على اوضته عشان يرتاحوا
و تاني يوم الصبح الكل صحي و كل منهم ادوا الصلاه و راحوا على الصالون
الكل كان متجمع و بعدها الداده جات قالت الفطار جاهز
و الكل راح على اوضة السفره و هما بيفطروا دخلو عليهم ليلى وتامر
تامر...ايه ده ايه ده انا حماتي بتحبني بقى
احمد...صح شكلها بتموت فيك
تامر...ههههه يا ظريف
ليلى صباح الخير يا جماعه
الكل صباح النور
رزان...يلا ليلى و تامر اقعدوا افطروا يلا
و قعدوا هما الاتنين و بعد الفطار راحو على الصالون
تامر...عمو محمد ما تيجي نروح جوله في المدينه هنا انا و حضرتك و طنط سعاد و طنط وفاء
محمد...انا معنديش مشاكل ايه رايك يا سعاد و حضرتك يا مدام وفاء
وفاء و سعاد...مفيش مشاكل
ليلى...حيث كده نروح نلبس تكونوا جهزتم
محمد ...احمد انت مش هتيجي معانا انت و مازن و رواد و رزان
احمد...لاء يا بابا احنا هنفضل عشان عندنا شوية شغل و هذاكر شويه ل رزان
رزان بتمتمه...يا بابا خلص الله يرضى عنك عايزين نجهز قبل ما اللوا يجي
و بعد حديث دار مع محمد واحمد
ذهب الجميع لتغيير ثيابهم
و بعدها اتى تامر و ليلى لأخذهم في جولة حول المدينه
بعد ما مشيوا
رزان بصوت عالي نسبيا ليصل للجميع ... يلا يا شباب كله يروح يجهز اللوا فاضل ليه ساعه عشان يوصل هنا
و بعدها ذهب الجميع للتجهيز حتى يستقبلون اللواء
احمد و رزان طلعوا اوضتهم عشان يجهزوا و كذلك فعل رواد و مازن
و بعد قليل انتهي الجميع من التجهيز و جلسوا ينتظرون الواء
بعد ١٠ دقائق دخلت الداده عشان تقولهم ان الضيوف وصلوا
خرجوا بسرعه ليستقبلوا اللواء
احمد...اهلا بحضرتك يا فندم اتفضل البيت بيتك
و دخل الصالون و قعد و الكل قعد حواليه
اللواء ياسر...مبروك جدا ليك يا احمد يابني و ربنا يسعدكم يا رب
رزان...شكرا لحضرتك يا فندم و احنا بنقدر ماجيتك لحد هنا عشان تبارك شكرا جدا لحضرتك
اللواء...ايه الكلام ده بقى مش انتوا زي عيالي ليه ده كله
احمد...طبعا ده شرف لينا حضرتك
رواد و مازن دخلوا الصالون
رواد ....اهلا اهلا بالباشا
اللواء ....اهلا يا خويا بيك
مازن...الحمدلله بسلامة حضرتك يا فندم
اللواء...الله يسلمك يا حبيبي
احمد...ده يا فندم يبقى اخويا في الرضاعه
اللواء ...ماشاء الله ربنا يبارك
و جلسوا يتسامرون قليلا حتي حان موعد الغداء و اتت الداده لتخبرهم بموعد الغداء
رزان...اتفضل حضرتك عشان الغداء
اللوا...يا عيال انا مليش نفس اعفوني المره دي معلش
احمد...معلش يا حضرة اللواء لزم تتغدى
رواد...جرا ايه يا باشا خلاص انا معدتش هاجي عندكوا تاني بقى
اللواء... يا خويا يعني الواد ٢٤ ساعة عندنا قال
مازن...يلا يا حضرات الاكل هيبرد
و ذهب الجميع لتناول الغداء و بعد وقت قضوه مع اللواء استئذن و عاد الى منزله بروسيا الى حين عودته ل مصر
رزان ....بقلكوا ايه يلا بينا كده عايزين نزين المكان قبل ما بابا وماما وفاء و ماما سعاد يرجعوا من بره
و اخذوا يزينون المنزل زينه بسيطه لكن جميله
رزان ... بقلكوا اي انا هروح اطمن على الحلويات
رواد...هاتيلي حته معاكي
رزان...انا بقول هروح اطمن مش هروح آكل اتهد شويه يا طفس
رواد...طيب يا ختي
مازن...والله ما حد مظبطك غير رزان
رواد...بس يا جذمه و جري وراه
⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡
و بكده يكون البارت خلص و هحاول انزل في وقت اقرب
أنت تقرأ
تشابُه أدوار
Diversosاسرار و مغامرات بدأت الروايه في 2022/4/1 و حذفت يوم 2022/9/4 و بدأت من جديد في 2022/9/4
