الزَعــــفران

الجزء الأول

طلعت الشمس و الجو صار دافي و الهوا مال السبلت
طافي و زاد الدفو صار حَر و هل شي ضوج حره عاطت ب اخوها ايهم
حرة - ايهممم ليش تطفي السبلت بله؟؟
ايهم - باعي صوتج كصري احسن الج ؟
حرة - صوتي ما اكصره انتَ مو ابوي حت احترمك و ثاني شي هاي غرفتي لا تلعب بيها بعد
ايهم - ها حلو، اني اخوج الچبير احترمي لا اصفگج بابا
حرة - وينه بابا بااااااابااااا تعال ليا ايهم ضربني
ابو ايهم صرخ و كال - ايهم شنو عاجبك اليوم تتعاقب؟
ايهم - يابه دا تجذب ما طاخها حته!!!!
ابو ايهم - لا تزعل روحي و انت الغلطان ليش تلعب ب السبلت مالتها
ايهم - انتَ تأمر ابويه، بس علمود لا تتمرض بَس والله و تقبل تتجاوز عليه هل طفله؟
ابو ايهم -باباتي احترمي اخوج الجبير و ميخالف هل مره سامحي علمودي
حرة راحت و حضنت ابوها و كالت - طيب بابا مسامحه لخاطرك
ايهم ضحك و طاها چكليته و كال - شعدنه غير حرتنه احنه فدوه
و اخذت حرة الجكليته و كامت تكمز فديتني بَس
ابو ايهم - عفيه عليك ابني هيج اريدك تحب اختك
ايهم - بويه والله احبها بس لسانها طويل
حرة خزرة ايهم و ابتسمت ابتسامه مو راحة و كالت - بابا تدري ب ايهم
ايهم عرف شراح تكول ف كبل سحب ابو و كال - يلا والدي تآخرت ع الشغل
ابو ايهم - اي والله صح تأخرت
حرة - اصبر بابا خل اكولك ع ايهم
ايهم كام يحجي وي ابو بصوت عالي حت لا يسمع صوت حرة و طلعوا من البيت و بهل أثناء
ضحكت حرة و كالت وي روحها -الا بالعين الحمره نيهاااهههااا
رجعت قفلت الباب و كعدت ع الكرسي و شده شعرها بقراصه و بدت تدرس كالعاده و كالت مقولتها المعتادة
"كتبج بيدج محد يفيدج"
و ضحكت و بدت تدرس الكيمياء الي تحبه و أشرت ع اليوم و كالت
حرة - بقه امتحانات نص السنه شيخلصها يربي و بدت تراجع
بهل أثناء ام أيهم اجاها اتصال من رقم غريب شالته بستغرب و فضول و فتحته و كالت
ام أيهم - الو؟
موظف الاستقبال - انتِ ام أيهم؟
ام أيهم - اي اني منو انتَ؟
موظف الاستقبال - عدج ابن اسمه أيمن؟
ام أيهم - اي عدي ليش هل أسئلة
موظف الاستقبال - ابنج ايمن سوه حادث
ام أيهم بقت صافنه و ما دا تستوعب
موظف الاستقبال - تعالو لمستشفى ***** غرفه ٣ ع ايدج اليسار ثاني طابق
تخربطت ام أيهم و صار صوت قوي أثر الوگعه
سمعت حرة الصوت ف طلعت من الغرفه بدافع الفضول ف راحت على المطبخ و شافت امها متمدده ع الگاع و مغمي عليها ف ركضت و عليها و بدت ترش مي ع وجهها حت تكعد و بلفعل كعدت الام مذعوره و خايفه
و سألتها حرة بصوت مهزوز - ماما شبيج ينور عيني؟؟
ام أيهم - أيمن... أيمن
حرة - شبي أيمن
ام أيهم - أيمن سوه حادث
بعد مرور الوقت كلهم اجتمعوا بغرفه أيمن و الخوف و الحزن مبين ع وجههم و حرة كاعده يم ايدين اخوها و ضامتهن لوجهها و تبجي
الطبيب - الولد ما يي شي كسور خفيفه و خدوش و باجر يكدر يطلع من المستشفى بس يحتاج له رعايه و راحة تامه
شكر ابو أيهم الطبيب و بقو عائلته بس بلغرفه و أيمن يبتسم و يكول لحرة - هدي م بيه شي مو كال الطبيب هسه شبيج يا عيني
حرة - خاف دا تتوجع، و هيه ذا تمسح دموعها

أيمن - لا بابا اني سبع ما اتوجع
حرة - لا جذاب دا تتوجع احلف انك مُو جذاب احلفف
أيمن - بس شوي بس
حرة رجعت تبجي مره لخ و ضمها ابوها و كال لتبجين يروحي اني اعلم هل ادبسز الادب و مرح يعديها ابد
حرة مسحت دموعها و كالت - اي بابا عفيه لا تخلي يعيدها مَتنه خوف عليه
أيمن - تعبان اريد انام
أم أيهم - يلا تعالو خل نطلع من الغرفه و نرجع البيت حت اسوي اله اكل و هم ينام فد نوب
أيهم - تمام صعدو السياره خل نرجع
حرة - بيباي أيمن، احلام سعيدة
أيمن - فدوهه، الله وياكم
ابو أيهم و هو دا يحذر ايمن - اني اعلمك ابو المصايب
يلا تصبح على خير
و طلعوا الكل من الغرفه و رجعوا للبيت و كل من نام بغرفته و عم الهدوء البيت