FAKE IT till you BREAK IT | jjk

02. හදවත් හොරකම

වෙන්දේසියට පස්සෙ, සෙලීන් වෙන්දේසියේ හිටපු තමන්ගෙ අනිකුත් යාලුවන් එක්ක ගොඩනැගිල්ලෙන් පිටත් වෙලා සාදය පැවැත්වුණු තැනට ආවා. ඉන් පස්සෙ එතන හිටපු තරුණ ගැහැණු පිරිමි ළමයි තම තමන්ගෙ ඩේට් එක හොයාගෙන සාදය පුරාම විසිරෙන්න පටන් ගත්තෙ හරිම සතුටින්. පේන විදියට පොඩ්ඩක් හරි දුකින් හිටියේ සෙලීන් විතරයි වගේ. මොකද එයා හිතාගෙන හිටියේ එදා මුළු රෑම තේහ්යන්ග් එක්ක ගත කරන්නනෙ.

සෙලීන් දැන් තේහ්යන්ග් වෙනුවට ජන්ග්කුක්ව හොයාගෙන යන්න ඕන. අද රෑ පුරාවටම එයා ඉන්න ඕනත් ජන්ග්කුක් එක්ක. රෑ පුරාවටම කීවෙ, ජන්ග්කුක් සාදයෙන් සමුගන්නකන්.

"මිස් සෙලීන්, මිස්ටර් ජොන් විසිටර්ස් රූම් එකේ. ඔයා එනකන් එයා එතනට වෙලා බලාගෙන ඉන්නවා කියන්න කීවා." සෙලීන් සාදයට අඩිය තියනකොටම එයාව හොයාගෙන ආවෙ නිවසේ සේවිකාවක්. සේවිකාව සෙලීන්ට ඒ පනිවිඩය දීලා ඉක්මනින් එතනින් යන්න ගියේ සෙලීන්ට එයාගෙන් වචනයක් වත් අහන්න ඉඩ නොතියා.

ඉතින් සෙලීන් ආපහු මන්දිරයට ඇතුලු වුනා.

විසිත්ත කාමරයට යන්න ඕන මන්දිරයෙ ප්‍රධාන ගොඩනැගිල්ලෙ ඉඳන් බෝල් රූම් එකට යන්න හදලා තියන අම්මගෙ රතු රෝස වගාවෙන් මැදි වුන කොරිඩෝව දිගේ ගිහින්. සාදයෙ ඉඳන් විසිත්ත කාමරයට ළගම පාර ඒක.

සාදයටම ගැලපෙන්න අම්මගෙ රෝස උයනෙ ගහක් නෑරම අද ලස්සන ලස්සන පුන්චි රතු පාට මල් පොහොට්ටු.

සෙලීන් ඒ මල් පොහොට්ටු මැදින් අඩි ඉක්මන් කරේ පුළුවන් ඉක්මනින් ගිහින් ජන්ග්කුක්ව හොයාගන්න.

ඒත් සෙලීන් කොරිඩෝවෙ මැදක් එනකොට එක පාරටම එයාගෙ පසුපසින් ආව කෙනෙක් එයාව උස්සලා අරගෙන ඒ උස් කොරිඩෝවෙන් බිමට බැහැලා රෝස පඳුරු අතරින් කණුවකට මුවා වුනා.

සෙලීන් තව පොඩ්ඩෙන් කෑගහනවා. ඒත් තමන්ව ඒ කටු අකුලට ඇදගත්තෙ කව්ද කියලා දැකලා එයා කට අතින් තද කරගත්තා.

"කිම් තේහ්යන්ග්! මාව බය කරලා මරන්නද හදන්නෙ?"

රෝස පඳුරු මැද කොරිඩෝවෙ කණුවට තමන්ව කූඩු කරගත්ත තේහ්යන්ග්ට පහරක් ගසමින් සෙලීන් නෝක්කාඩු කීවෙ බයෙන් ගැහෙමින්. එයා ඇත්තටම ගොඩක් බය වෙලා වගේ. ඒත් ඒ ප්‍රශ්නයවත් සෙලීන්ගෙ පුළුන් රොදක් වගේ අතින් වැදුන පහරවත් මායිම් නොකරපු තේහ්යන්ග් සෙලීන්ගෙ තොල් වලට බර වුනා. ඒ බය වෙලා හිටි සෙලීන්ව තවත් බයට පත් කරමින්.